Bio‑Oil®

Skincare Oil (Natural) 25ml
Skincare Oil (Natural) 60ml
Skincare Oil (Natural) 125ml
Skincare Oil (Natural) 200ml

ស្នាមសម្លាក ជួយព្យាបាលស្នាមសម្លាកចាស់ និងថ្មី។ ស្នាមសង្វារ ជួយព្យាបាលស្នាមសង្វារ។ លើសពីនេះទៀត វាជួយបង្កើនភាពយឺតនៃស្បែក ដោយកាត់បន្ថយលទ្ធភាពនៃការបង្កើតស្នាមសង្វារ។ ពណ៌ស្បែកមិនស្មើគ្នា ជួយព្យាបាលស្បែកដែលមានពណ៌មិនស្មើគ្នា។ ស្បែកជ្រីវជ្រួញ ជួយព្យាបាលស្បែកជ្រីវជ្រួញនៅលើផ្ទៃមុខ និងដងខ្លួន។ ស្បែកខ្វះជាតិទឹក ជួយបន្ថយការបាត់បង់សំណើម និងព្យាបាលស្បែកខ្វះជាតិទឹក។

ប្រេងពណ៌លឿងស្រាល។

ល្បាយនៃប្រេងធម្មជាតិ។

Glycine Soja Oil, Helianthus Annuus Seed Oil, Carthamus Tinctorius Seed Oil, Simmondsia Chinensis Seed Oil, Salvia Hispanica Seed Oil, Punica Granatum Seed Oil, Plukenetia Volubilis Seed Oil, Triticum Vulgare Germ Oil, Rosa Canina Fruit Oil, Calendula Officinalis Extract, Lavandula Angustifolia Oil, Rosmarinus Officinalis Leaf Oil, Anthemis Nobilis Flower Oil, Pogostemon Cablin Leaf Oil, Bisabolol, Tocopherol.

Bio‑Oil® Skincare Oil (ធម្មជាតិ) អាច​មាន​ពណ៌ ក្លិនខុសគ្នាបន្តិច និង​ភាព​ស៊ីគ្នា​​ពី​បាច់​មួយ​ទៅ​បាច់មួយ។ នេះគឺជាលទ្ធផលនៃការប្រែប្រួលដែលរំពឹងទុក និងធម្មតានៃគ្រឿងផ្សំធម្មជាតិ ដែលនឹងមានពណ៌ ក្លិន ឬភាពស៊ីគ្នាខុសគ្នាបន្តិចបន្តួច អាស្រ័យលើកត្តាដូចជា រដូវកាល លក្ខខណ្ឌដី ការងពន្លឺព្រះអាទិត្យ ទិន្នផលដំណាំ លំនាំអាកាសធាតុ សីតុណ្ហភាព និងពេលវេលាប្រចាំឆ្នាំ។

Bio‑Oil® Skincare Oil (ធម្មជាតិ) បានឆ្លងកាត់រង្វាយតម្លៃសុវត្ថិភាពពីអ្នកឯកទេសជាតិពុលដែលមានលក្ខណៈសម្បត្តិគ្រប់គ្រាន់ ហើយត្រូវបានចាត់ថ្នាក់ថាមានសុវត្ថិភាពសម្រាប់ការប្រើប្រាស់ដោយមនុស្សពេញវ័យដូចជាស្ត្រីមានផ្ទៃពោះ និងបំបៅកូនដោយទឹកដោះ និងកុមារអាយុលើសពី 3 ឆ្នាំ។

Bio‑Oil® Skincare Oil (Natural) ទទួលបានវិញ្ញាបនបត្រ ISO 16128 ដែលផលិតឡើងដោយគ្រឿងផ្សំធម្មជាតិ 100% និងគ្រឿងផ្សំមានប្រភពដើមធម្មជាតិ 100% ។

មជ្ឈមណ្ឌលធ្វើតេស្ត វិទ្យាស្ថានស្រាវជ្រាវរោគសើស្បែកអនុវត្តន៍ proDERM ទីក្រុង Hamburg ប្រទេសអាល្លឺម៉ង់ វត្ថុបំណង ដើម្បី​វាយតម្លៃ​ប្រសិទ្ធផល​របស់​ Bio‑Oil® Skincare Oil (Natural) នៅក្នុងការ​ព្យាបាលស្នាមសន្លាក។ សំណាក អ្នកចូលរួម៖ អ្នកចូលរួមជាស្ត្រីចំនួន 40 នាក់ដែលមានប្រភេទស្បែក Fitzpatrick ផ្សេងៗ។ អាយុកាលស្នាមស្នាមសន្លាក៖ កើតថ្មីដល់អាយុ 3 ឆ្នាំ។ ទីតាំងស្នាមសន្លាក៖ មុខ ឬដងខ្លួន ដោយសារការរលាត់ស្បែកធ្ងន់ធ្ងរ ការមុត ឬស្នាមសន្លាកដោយវះកាត់។ អាយុអ្នកចូលរួម៖ 18–65 ឆ្នាំ។ វិធីសាស្ត្រ ការវាយតម្លៃដែលអ្នកវាយតម្លៃដែលមិនដឹង ការវាយតម្លៃរូបភាពតាមចៃដន្យ ការសិក្សាបើកស្លាក។ ការដាក់បញ្ចូលអ្នកចូលរួមត្រូវបានអនុវត្តដោយគ្រូពេទ្យជំនាញខរោគសើស្បែកដោយបើ្រមាត្រដ្ឋានវាយតម្លៃស្នាមសន្លាកអ្នកជំងឺនិងអ្នកសង្កេត (POSAS)។ ផលិតផលត្រូវបានគេលាបពីរដងក្នុងមួយថ្ងៃ រយៈពេល 8 សប្តាហ៍ដោយម៉ាស្សាថ្នមៗក្នុងចលនាជារង្វង់លើស្នាមសម្លាកដែលបានកំណត់ និងស្បែកនៅជុំវិញ។ ការប្រើប្រាស់ត្រូវបានធ្វើឡើងក្រោមការត្រួតពិនិត្យតាមចន្លោះះពេលទៀងទាត់។ គោលបំណងសំខាន់គឺដើម្បីវាយតម្លៃពីផលប៉ះពាល់នៃផលិតផលលើស្បែកដែលត្រូវបានអង្កេតតាមមធ្យោបាយ POSAS នៅកម្រិតមូលដ្ឋាន និងនៅសប្ដាហ៍ទី 2, 4 និង 8។ ប៉ារ៉ាម៉ែត្របន្ថែមទៀតដែលត្រូវបានអង្កេតនៅចុងបញ្ចប់នៃការសិក្សានេះរួមមានការវាយតម្លៃរូបភាពនៃលទ្ធផលសោភ័ណភាពដោយអ្នកវាយតម្លៃ និងមុខវិជ្ជាដែលមានការបណ្តុះបណ្តាលចំនួន 6 នាក់ និងភាពខុសគ្នានៃពណ៌ស្បែកនៃស្នាមសម្លាកធៀបនឹងតំបន់ជុំវិញស្នាមសម្លាកដែលវាស់ដោយប្រដាប់វាស់ពណ៌។ លទ្ធផល Bio‑Oil® Skincare Oil (Natural) មានប្រសិទ្ធផលក្នុងការព្យាបាលស្នាមសម្លាក។ ភាពប្រសើរឡើងយ៉ាងសំខាន់តាមស្ថិតិនៅក្នុង POSAS (ដោយគិតទាំងការវាយតម្លៃបែបវត្ថុវិស័យ និងប្រធានវិស័យនៃ OSAS និង PSAS) បន្ទាប់ពីរយៈពេល 2 សប្តាហ៍ប៉ុណ្ណោះ ឃើញច្បាស់សម្រាប់អ្នកចូលរួមចំនួន 94%។ 8 សប្តាហ៍ក្រោយមក អ្នកចូលរួមចំនួន 100% បានបង្ហាញពីភាពប្រសើរឡើងគួរឲ្យកត់សម្គាល់ ដោយភាពប្រសើរឡើងនេះមានទំហំច្រើនជាងពីរដងនៅរយៈពេល 2 សប្តាហ៍។ ភាពប្រសើរឡើងជាបន្តបន្ទាប់និងគួរឲ្យកត់សម្គាល់នៃ POSAS ក្នុងរយៈពេលនៃការសិក្សា។

មជ្ឈមណ្ឌលធ្វើតេស្ត វិទ្យាស្ថានស្រាវជ្រាវរោគសើស្បែកអនុវត្តន៍ proDERM ទីក្រុង Hamburg ប្រទេសអាល្លឺម៉ង់ វត្ថុបំណង ដើម្បី​វាយតម្លៃ​ប្រសិទ្ធផល​របស់​ Bio‑Oil® Skincare Oil (Natural) នៅក្នុងការ​ព្យាបាលស្នាមសង្វារ។ សំណាក អ្នកចូលរួម៖ អ្នកចូលរួមជាស្ត្រីចំនួន 36 នាក់ដែលមានប្រភេទស្បែក Fitzpatrick ផ្សេងៗ។ មូលហេតុនៃស្នាមសង្វារ៖ ផ្សេងៗ (ក្រោយពេលមានផ្ទៃពោះ ការឡើងទម្ងន់ ការបង្វឹកទម្ងន់ ឬការលូតលាស់នៃក្មេងជំទង់)។ ទីតាំង​ស្នាមសង្វារ៖ ពោះ ដៃ ភ្លៅ និងត្រគាក។ អាយុអ្នកចូលរួម៖ 18–65 ឆ្នាំ។ វិធីសាស្ត្រ ការវាយតម្លៃដែលអ្នកវាយតម្លៃដែលមិនដឹង ការវាយតម្លៃរូបភាពតាមចៃដន្យ ការសិក្សាបើកស្លាក។ ការដាក់បញ្ចូលអ្នកចូលរួមត្រូវបានធ្វើឡើងដោយគ្រូពេទ្យដោយយោងទៅតាមពិន្ទុម៉ាឡូល។ ផលិតផលត្រូវបានគេលាបពីរដងក្នុងមួយថ្ងៃ រយៈពេល 8 សប្តាហ៍ដោយម៉ាស្សាថ្នមៗក្នុងចលនាជារង្វង់លើស្នាមសង្វារដែលបានកំណត់ និងស្បែកនៅជុំវិញ។ ការប្រើប្រាស់ត្រូវបានធ្វើឡើងក្រោមការត្រួតពិនិត្យតាមចន្លោះះពេលទៀងទាត់។ គោលបំណងសំខាន់គឺដើម្បីវាយតម្លៃពីផលប៉ះពាល់នៃផលិតផលលើស្បែកដែលត្រូវបានអង្កេតតាមមធ្យោបាយមាត្រដ្ឋានវាយតម្លៃស្នាមសន្លាកអ្នកជំងឺនិងអ្នកសង្កេត (POSAS) នៅកម្រិតមូលដ្ឋាន និងនៅសប្ដាហ៍ទី 2, 4 និង 8។ ប៉ារ៉ាម៉ែត្របន្ថែមទៀតដែលត្រូវបានអង្កេតនៅចុងបញ្ចប់នៃការសិក្សានេះរួមមានការវាយតម្លៃរូបភាពនៃលទ្ធផលសោភ័ណភាពដោយអ្នកវាយតម្លៃ និងមុខវិជ្ជាដែលមានការបណ្តុះបណ្តាលចំនួន 6 នាក់។ លទ្ធផល Bio‑Oil® Skincare Oil (Natural) មានប្រសិទ្ធផលក្នុងការព្យាបាលស្នាមសង្វារ។ ភាពប្រសើរឡើងយ៉ាងសំខាន់តាមស្ថិតិនៅក្នុង POSAS (ដោយគិតទាំងការវាយតម្លៃបែបវត្ថុវិស័យ និងប្រធានវិស័យនៃ OSAS និង PSAS) បន្ទាប់ពីរយៈពេល 2 សប្តាហ៍ប៉ុណ្ណោះ ឃើញច្បាស់សម្រាប់អ្នកចូលរួមចំនួន 71%។ 8 សប្តាហ៍ក្រោយមក អ្នកចូលរួមចំនួន 97% បានបង្ហាញពីភាពប្រសើរឡើងគួរឲ្យកត់សម្គាល់ ដោយការប្រសើរឡើងនេះមានទំហំច្រើនជាងប្រាំដងនៅរយៈពេល 2 សប្តាហ៍។ ភាពប្រសើរឡើងជាបន្តបន្ទាប់និងគួរឲ្យកត់សម្គាល់នៃ POSAS ក្នុងរយៈពេលនៃការសិក្សា។

មជ្ឈមណ្ឌលធ្វើតេស្ត Thomas J. Stephens & Associates, Inc., Texas, សហរដ្ឋអាមេរិក។ វត្ថុបំណង ដើម្បី​វាយតម្លៃពីប្រសិទ្ធផលរបស់ Bio‑Oil® Skincare Oil (Natural) ក្នុងការ​ព្យាបាលពណ៌ស្បែកមិនស្មើគ្នា និងស្នាមជាំ នៅពេលប្រើ​ប្រាស់ដោយស្ត្រីដែលមាន​ស្បែក (ជ្រីវជ្រួញ) ​ដែលរលាកស្បែកដោយកម្ដៅថ្ងៃពីកម្រិតតិចរហូត​ ដល់មធ្យមលើ​ផ្ទៃមុខ និង​ក​ ។ សំណាក អ្នកចូលរួម៖ អ្នកចូលរួមជាស្ត្រីចំនួន 64 នាក់ដែលមានប្រភេទស្បែក Fitzpatrick ផ្សេងៗគ្នាដែលត្រូវបានកំណត់តាមគ្លីនិកថាមានការរលាកស្បែកដោយកម្ដៅថ្ងៃពីស្រាលទៅមធ្យមនៅលើមុខនិងក។ ក្រុមអ្នកទទួលការព្យាបាលដោយប្រើ Bio‑Oil® Skincare Oil (Natural) រួមមានចំនួន 32 នាក់ និងក្រុមអ្នកចូលរួមមិនទទួលការព្យាបាលរួមមាន 32 នាក់។ អាយុអ្នកចូលរួម៖ 30–70 ឆ្នាំ។ វិធីសាស្ត្រ ការសិក្សាដោយចៃដន្យ មានការគ្រប់គ្រង អ្នកវាយតម្លៃប្រសិទ្ធភាពសម្ងាត់។ អ្នកចូលរួមបានចូលរួមក្នុងការវាយតម្លៃត្រួតពិនិត្យដំបូង បន្ទាប់ពីរយៈពេលលាងសម្អាតបាន 1 សប្តាហ៍។ ផលិតផលត្រូវបានលាបលើមុខ និងកចំនួនពីរដងក្នុងមួយថ្ងៃ រយៈពេល 16 សប្តាហ៍។ ការប្រើប្រាស់ត្រូវបានធ្វើឡើងក្រោមការត្រួតពិនិត្យនៅពេលណាត់ជួបលើកទីមួយ។ ការវាយតម្លៃគ្លីនិកត្រូវបានធ្វើឡើងនៅសប្ដាហ៍ទី 0, 2, 4, 8 និង 16។ អ្នកចូលរួមត្រូវបានវាយតម្លៃតាមបែបគ្លីនិកសម្រាប់ពណ៌ស្បែកមិនស្មើគ្នា និងស្នាមជាំនៅលើមុខ និងក។ រូបភាពឌីជីថលអំពីមុខ និងករបស់អ្នកចូលរួមម្នាក់ៗក៏ត្រូវបានថត ការវាយតម្លៃរូបថតត្រូវបានធ្វើឡើងបន្ទាប់ពីបញ្ចប់ការសិក្សា។ លទ្ធផល Bio‑Oil® Skincare Oil (Natural) មានប្រសិទ្ធភាពក្នុងការព្យាបាលពណ៌ស្បែកមិនស្មើគ្នា និងស្នាមជាំនៅលើស្បែក (ជ្រីវជ្រួញ) រលាកស្បែកដោយកម្ដៅថ្ងៃ។ 16 សប្តាហ៍ក្រោយមក លទ្ធផលសំខាន់តាមស្ថិតិត្រូវបានសម្រេចសម្រាប់ប៉ារ៉ាម៉ែត្រទាំងពីរនៅលើមុខ និងកទៅតាមការវាយតម្លៃគ្លីនិកនិងរូបថត។ 16 សប្តាហ៍ក្រោយមក អ្នកចូលរួមចំនួន 61% បានបង្ហាញពីភាពប្រសើរឡើងយ៉ាងសំខាន់តាមស្ថិតិស្ថិតិនៃស្បែកពណ៌មិនស្មើគ្នានិង 57% នៃស្នាមជាំ។

មជ្ឈមណ្ឌលធ្វើតេស្ត Thomas J. Stephens & Associates, Inc., Texas, សហរដ្ឋអាមេរិក។ ការសិក្សាទី 1៖ មុខ និងក វត្ថុបំណង ដើម្បី​វាយតម្លៃពីប្រសិទ្ធផលរបស់​ Bio‑Oil® Skincare Oil (Natural) នៅពេលប្រើ​ប្រាស់ដោយស្ត្រីដែលមាន​ស្បែក (ជ្រីវជ្រួញ) ​ដែលរលាកស្បែកដោយកម្ដៅថ្ងៃពីកម្រិតតិចរហូត​ ដល់មធ្យមលើ​ផ្ទៃមុខ និង​ក​ ។ សំណាក អ្នកចូលរួម៖ អ្នកចូលរួមជាស្ត្រីចំនួន 64 នាក់ដែលមានប្រភេទស្បែក Fitzpatrick ផ្សេងៗគ្នាដែលត្រូវបានកំណត់តាមគ្លីនិកថាមានការរលាកស្បែកដោយកម្ដៅថ្ងៃពីស្រាលទៅមធ្យមនៅលើមុខនិងក។ ក្រុមអ្នកទទួលការព្យាបាលដោយប្រើ Bio‑Oil® Skincare Oil (Natural) រួមមានចំនួន 32 នាក់ និងក្រុមអ្នកចូលរួមមិនទទួលការព្យាបាលរួមមាន 32 នាក់។ អាយុអ្នកចូលរួម៖ 30–70 ឆ្នាំ។ វិធីសាស្ត្រ ការសិក្សាដោយចៃដន្យ មានការគ្រប់គ្រង អ្នកវាយតម្លៃប្រសិទ្ធភាពសម្ងាត់។ អ្នកចូលរួមបានចូលរួមក្នុងការវាយតម្លៃត្រួតពិនិត្យដំបូង បន្ទាប់ពីរយៈពេលលាងសម្អាតបាន 1 សប្តាហ៍។ ផលិតផលត្រូវបានលាបលើមុខ និងកចំនួនពីរដងក្នុងមួយថ្ងៃ រយៈពេល 16 សប្តាហ៍។ ការប្រើប្រាស់ត្រូវបានធ្វើឡើងក្រោមការត្រួតពិនិត្យនៅពេលណាត់ជួបលើកទីមួយ។ ការវាយតម្លៃគ្លីនិកត្រូវបានធ្វើឡើងនៅសប្ដាហ៍ទី 0, 2, 4, 8 និង 16។ អ្នកចូលរួមត្រូវបានវាយតម្លៃតាមបែបគ្លីនិកនៅលើមុខ និងកសម្រាប់ប៉ារ៉ាម៉ែត្រប្រសិទ្ធភាពដូចខាងក្រោម៖ សរសៃឆ្មារៗ ភាពជ្រីវជ្រួញខ្លាំង មើលឃើញគគ្រើម/រលោង ស្ទាប់ទៅរាងគគ្រើម/រលោង ស្នាមជាំ ពណ៌ស្បែកមិនស្មើគ្នា ភាពភ្លឺថ្លា (ភាពស្រអាប់) ការមើលឃើញរឹង និងការវាយតម្លៃជាទូទៅអំពីលក្ខណៈរូប។ រូបភាពឌីជីថលអំពីមុខ និងករបស់អ្នកចូលរួមម្នាក់ៗក៏ត្រូវបានថត ការវាយតម្លៃរូបថតត្រូវបានធ្វើឡើងបន្ទាប់ពីបញ្ចប់ការសិក្សា។ រូបភាពដែលបានថតរាល់ចំណុចពេលនីមួយៗត្រូវបានវាយតម្លៃជាទូទៅសម្រាប់សរសៃឆ្មារៗ ភាពជ្រីវជ្រួញខ្លាំង ស្នាមជាំ ពណ៌ស្បែកមិនស្មើគ្នា ភាពភ្លឺថ្លា (ភាពស្រអាប់) និងការវាយតម្លៃជាទូទៅអំពីលក្ខណៈ។ លទ្ធផល Bio‑Oil® Skincare Oil (Natural) មានប្រសិទ្ធផលក្នុងការព្យាបាលលក្ខណៈជារួមនៃស្បែក (ជ្រីវជ្រួញ) រលាកស្បែកដោយកម្ដៅថ្ងៃ។ 16 សប្តាហ៍ក្រោយមក ក្រុមព្យាបាលដោយប្រើ Bio‑Oil® Skincare Oil (Natural) បានបង្ហាញលទ្ធផលល្អជាងក្រុមអ្នកដែលមិនបានទទួលការព្យាបាលគួរឲ្យកត់សម្គាល់សម្រាប់ប៉ារ៉ាម៉ែត្រប្រសិទ្ធផលដែលបានវាយតម្លៃតាមគ្លីនិក និងរូបថត។ នេះ​ត្រូវ​បាន​សង្កេត​ឃើញ​តាម​គ្លីនិក​ចាប់​ពី​​សប្តាហ៍ទី 4 ​មក​លើក​លែង​តែស្បែកស្នាមជាំប៉ុណ្ណោះ។ 16 សប្តាហ៍ក្រោយមក អ្នកចូលរួមចំនួន 54% ដែលស្ថិតនៅក្នុងអ្នកទទួលការព្យាបាលដោយប្រើ Bio‑Oil® Skincare Oil (Natural) បានបង្ហាញពីភាពប្រសើរឡើងយ៉ាងសំខាន់តាមស្ថិតិនៅក្នុងលក្ខណៈជារួមនៃមុខនិងក។ ការសិក្សាទី 2៖ រាងកាយ វត្ថុបំណង ដើម្បី​វាយតម្លៃពីប្រសិទ្ធផលរបស់​ Bio‑Oil® Skincare Oil (Natural) នៅពេលប្រើ​ប្រាស់នៅលើល្បែងដើមទ្រូង ស្បែកជើងផ្នែកខាងក្រោម និងស្បែកដៃដោយស្ត្រីដែលមាន​ស្បែក (ជ្រីវជ្រួញ) ​ដែលរលាកស្បែកដោយកម្ដៅថ្ងៃពីកម្រិតតិចរហូត​ ដល់មធ្យម។ សំណាក អ្នកចូលរួម៖ អ្នកចូលរួមជាស្ត្រីចំនួន 64 នាក់ដែលមានប្រភេទស្បែក Fitzpatrick ផ្សេងៗគ្នាដែលត្រូវបានកំណត់តាមគ្លីនិកថាមានការរលាកស្បែកដោយកម្ដៅថ្ងៃពីស្រាលទៅមធ្យមនៅលើមុខនិងក។ ក្រុមអ្នកទទួលការព្យាបាលដោយប្រើ Bio‑Oil® Skincare Oil (Natural) រួមមានចំនួន 32 នាក់ និងក្រុមអ្នកចូលរួមមិនទទួលការព្យាបាលរួមមាន 32 នាក់។ អាយុអ្នកចូលរួម៖ 30–70 ឆ្នាំ។ វិធីសាស្ត្រ ការសិក្សាដោយចៃដន្យ មានការគ្រប់គ្រង អ្នកវាយតម្លៃប្រសិទ្ធភាពសម្ងាត់។ អ្នកចូលរួមបានចូលរួមក្នុងការវាយតម្លៃត្រួតពិនិត្យដំបូង បន្ទាប់ពីរយៈពេលលាងសម្អាតបាន 1 សប្តាហ៍។ ផលិតផលត្រូវបានលាបលើល្វែងដើមទ្រូង ជើងផ្នែកខាងក្រោម និងដៃពីរដងក្នុងមួយថ្ងៃ រយៈពេល 16 សប្តាហ៍។ ការប្រើប្រាស់ត្រូវបានធ្វើឡើងក្រោមការត្រួតពិនិត្យនៅពេលណាត់ជួបលើកទីមួយ។ ការវាយតម្លៃគ្លីនិកត្រូវបានធ្វើឡើងនៅសប្ដាហ៍ទី 0, 2, 4, 8 និង 16។ អ្នកចូលរួមត្រូវបានចាត់ថ្នាក់តាមបែបគ្លីនិកដោយឡែកពីគ្នានៅលើល្វែងដើមទ្រូង ជើងផ្នែកខាងក្រោម និងដៃសម្រាប់ប៉ារ៉ាម៉ែត្រប្រសិទ្ធផលដូចខាងក្រោមនេះ៖ មើលឃើញគគ្រើម/រលោង ភាពស្ងួត/ការបែកស្រកា មើលឃើញយាជ្រួញ និងការវាយតម្លៃទូទៅអំពីលក្ខណៈរូប។ លទ្ធផល Bio‑Oil® Skincare Oil (Natural) មានប្រសិទ្ធផលក្នុងការព្យាបាលលក្ខណៈជារួមនៃស្បែក (ជ្រីវជ្រួញ) រលាកស្បែកដោយកម្ដៅថ្ងៃនៅលើដងខ្លួន។ 2 សប្តាហ៍ក្រោយមក ក្រុមព្យាបាលដោយប្រើ Bio‑Oil® Skincare Oil (Natural) បានបង្ហាញលទ្ធផលល្អជាងក្រុមអ្នកដែលមិនបានទទួលការព្យាបាលគួរឲ្យកត់សម្គាល់សម្រាប់ប៉ារ៉ាម៉ែត្រប្រសិទ្ធផលដែលបានវាយតម្លៃតាមបែបគ្លីនិកទាំងអស់។ 16 សប្តាហ៍ក្រោយមក អ្នកចូលរួមចំនួន 82% ដែលស្ថិតនៅក្នុងអ្នកទទួលការព្យាបាលដោយប្រើ Bio‑Oil® Skincare Oil (Natural) បានបង្ហាញពីភាពប្រសើរឡើងយ៉ាងសំខាន់តាមស្ថិតិនៅក្នុងលក្ខណៈជារួមនៃល្វែងដើមទ្រូង 93% ជាលក្ខណៈរួមនៃជើងផ្នែកខាងក្រោម និង 71% ជាលក្ខណៈរួមនៃដៃ។

មជ្ឈមណ្ឌលធ្វើតេស្ត Complife Italia Srl ប្រទេសអ៊ីតាលី។ ការសិក្សាទី 1៖ ស្រទាប់ខាងក្រៅនៃស្បែក និងមុខងារបង្អាក់ វត្ថុបំណង ដើម្បីវាយតម្លៃប្រសិទ្ធផលនៃការប្រើប្រាស់ Bio‑Oil® Skincare Oil (Natural) តែមួយមុខដើម្បីបង្កើនមុខងារបង្អាក់របស់ស្រទាប់ខាងក្រៅនៃស្បែក (SC) និងមុខងារផ្សំជាមួយទឹក។ សំណាក អ្នកចូលរួម៖ អ្នកចូលរួមជាស្ត្រីចំនួន 40 នាក់ដែលមានប្រភេទស្បែក Fitzpatrick ផ្សេងៗ។ កន្លែងសាកល្បង៖ ផលិតផលសាកល្បងត្រូវបានប្រើប្រាស់លើបាតកំភួនដៃខាងក្នុងរបស់អ្នកចូលរួមទាំងអស់។ អាយុអ្នកចូលរួម៖ លើសពី 18 ឆ្នាំ។ វិធីសាស្ត្រ ការសិក្សាដោយចៃដន្យ ដែលមិនដឹង និងមានការគ្រប់គ្រង។ ការវាយតម្លៃជាតិទឹកក្នុងស្បែកដោយបប្រដាប់វាស់ស្បែក ការវាយតម្លៃមុខងារបង្អាក់ដោយប្រើប្រដាប់វាស់ការបាត់បង់ជាតិទឹក។ អ្នកចូលរួមបានលាងកំភួណដៃរបស់ខ្លួនជាមួយសាប៊ូ 2 ម៉ោងមុនពេលវាស់វែងដើម្បីឱ្យស្បែកស្ងួត។ ការវាស់វែងឧបករណ៍មូលដ្ឋានត្រូវបានធ្វើឡើង។ បន្ទាប់មកគេបានលាប Bio‑Oil® Skincare Oil (Natural) លើកន្លែងមួយនៅលើបាតកំភួនដៃខាងក្នុងនៃរបស់អ្នកចូលរួមទាំងអស់។ ការវាស់វែងត្រូវបានធ្វើឡើងម្តងទៀតភ្លាមៗបន្ទាប់ពីការលាបផលិតផល ហើយ 1 ឬ 2 ម៉ោងក្រោយមកវាស់ទៀត នៅមុន និងក្រោយពេលជូតជម្រះផលិតផលនេះ។ កន្លែងមិនបានព្យាបាលដែលមានការគ្រប់គ្រងក៏ត្រូវបានវាស់គ្រប់ពេលវេលាផងដែរ។ លទ្ធផល ការព្យាបាលដោយ Bio‑Oil® Skincare Oil (Natural) បណ្តាលឱ្យមានភាពប្រសើរឡើងនូវការផ្ដល់សំណើមស្បែក និងការថយចុះនូវការបាត់បង់ជាតិទឹកលើស្បែកគួរឱ្យកត់សម្គាល់ (TEWL) ដែលជាសន្ទស្សន៍នៃភាពប្រសើរឡើងនៃស្ថានភាពភ្នាស់ការពារស្បែក នៅពេលតាមដានត្រួតពិនិត្យពិសោធន៍ម្ដងៗដោយធៀបទៅនឹងស្បែកដែលខ្វះជាតិទឹក។ ការសិក្សាទី 2៖ លក្ខណៈនៃស្បែកស្ងួត វត្ថុបំណង ដើម្បី​វាយតម្លៃ​ប្រសិទ្ធភាព​នៃ​ Bio‑Oil® Skincare Oil (Natural) នៅក្នុងការ​ព្យាបាលស្បែកស្ងួត។ សំណាក អ្នកចូលរួម៖ អ្នកចូលរួមជាស្ត្រីស្បែកសចំនួន 25 នាក់ដែលបង្ហាញតាមបែបគ្លីនិកអំពីស្បែកស្ងួត ឬស្ងួតខ្លាំងនៅកម្រិតនៃកំភួនជើងខាងក្រៅ។ កន្លែងសាកល្បង៖ ផលិតផលសាកល្បងបានលាបលើជើងខាងក្រៅផ្នែកខាងក្រោមរបស់អ្នកចូលរួមទាំងអស់។ អាយុអ្នកចូលរួម៖ 25–65 ឆ្នាំ។ វិធីសាស្ត្រ ការសិក្សាតាមចៃដន្យ ដែលមិនដឹងទាំងសងខាង និងដែលប្រើឧបករណ៍គ្លីនិកមានការគ្រប់គ្រង។ ការវាយតម្លៃគ្លីនិកអំពីស្បែកស្ងួតត្រូវបានធ្វើឡើងដោយអ្នកវាយតម្លៃផ្ទាល់ភ្នែកដែលមានការបណ្តុះបណ្តាល ការវាយតម្លៃអំពីជាតិទឹកក្នុងស្បែកដោយបប្រដាប់វាស់ស្បែក និងការវាយតម្លៃមុខងារបង្អាក់ដោយប្រើប្រដាប់វាស់ការបាត់បង់ជាតិទឹក។ អ្នកចូលរួមបានលាងជើងរបស់ខ្លួនជាមួយសាប៊ូ ដើម្បីធ្វើឱ្យស្បែកស្ងួតក្នុងរយៈពេល 7 ថ្ងៃ។ ការវាស់វែងឧបករណ៍មូលដ្ឋានត្រូវបានធ្វើឡើង។ គេបានលាប Bio‑Oil® Skincare Oil (Natural) ពីរដងក្នុងមួយថ្ងៃ។ ការវាយតម្លៃគ្លីនិក និងការវាយតម្លៃដោយប្រើឧបករណ៍ត្រូវបានធ្វើឡើងនៅថ្ងៃទី 1 និង 3។ កន្លែងមិនបានព្យាបាលដែលមានការគ្រប់គ្រងក៏ត្រូវបានវាយតម្លៃគ្រប់ចំណុចពេលវេលាផងដែរ។ លទ្ធផល ការព្យាបាលដោយ Bio‑Oil® Skincare Oil (Natural) បណ្តាលឱ្យមានភាពប្រសើរឡើងនការផ្ដល់សំណើមស្បែក និងការថយចុះនូវ TEWL ដែលជាសន្ទស្សន៍នៃភាពប្រសើរឡើងនៃស្ថានភាពភ្នាស់ការពារស្បែក នៅពេលតាមដានត្រួតពិនិត្យពិសោធន៍ម្ដងៗដោយធៀបទៅនឹងស្បែកដែលខ្វះជាតិទឹក។ លទ្ធផលឧបករណ៍ដែលបញ្ជាក់តាមការវិភាគគ្លីនិកអំពីភាពស្ងួតនៃស្បែក ដែលធ្វើឡើងដោយគ្រូពេទ្យជំនាញរោគសើស្បែក។ លទ្ធផលសិក្សារួម ភាពប្រសើរឡើងគួរឱ្យកត់សម្គាល់នៃលក្ខណៈរូបរបស់ស្បែកស្ងួតដែលបានព្យាបាលដោយប្រើប្រេង Bio‑Oil® Skincare Oil (Natural) នៅក្នុងការសិក្សាទី 2 បញ្ជាក់ពីប្រសិទ្ធភាពរបស់វាក្នុងការព្យាបាលស្បែកស្ងួត និងស្បែកខ្វះជាតិទឹក។ នេះត្រូវបានគាំទ្របន្ថែមជាមួយនឹងការធ្វើឱ្យប្រសើរឡើងនៅក្នុងមុខងារបង្អាក់ស្រទាប់ខាងក្រៅនៃស្បែក និង TEWL នៅក្នុងការសិក្សាទាំងពីរនេះ។

មជ្ឈមណ្ឌលធ្វើតេស្ត Complife Italia Srl ប្រទេសអ៊ីតាលី។ វត្ថុបំណង ដើម្បីវាយតម្លៃអំពីលទ្ធភាពនៃ Bio‑Oil® Skincare Oil (Natural) ក្នុងការបណ្តាលឱ្យមានការរមាស់ស្បែក។ សំណាក អ្នកចូលរួម៖ អ្នកចូលរួម 25 នាក់ បុរស 3 នាក់ និងស្រ្តី 22 នាក់ សុទ្ធតែមានស្បែកងាយរងប្រតិកម្ម ដោយយោងទៅតាមការធ្វើតេស្តរកជាតិឡាទិកអាស៊ីដ។ អាយុអ្នកចូលរួម៖ 18–70 ឆ្នាំ។ វិធីសាស្ត្រ ការសិក្សាដែលបានគ្រប់គ្រង។ តំបន់ពីរត្រូវបានវាយតម្លៃ៖ តំបន់ដែលត្រូវគ្រប់គ្រងអវិជ្ជមាន (ទឹកគ្មានជាតិរ៉ែ) និងតំបន់ដែលលាប Bio‑Oil® Skincare Oil (Natural)។ ផលិតផលសាកល្បងត្រូវបានលាបនៅលើខ្នងនៃអ្នកចូលរួមរយៈពេល 48 ម៉ោងដោយប្រើ Finn Chamber®។ ប្រតិកម្ម​ស្បែក​ត្រូវ​បាន​​វាយ​តម្លៃ​ក្រោម​ការ​ត្រួត​ពិនិត្យ​ពី​គ្រូពេទ្យ​ជំនាញរោគ​សើស្បែក ដើម្បី​វាយតម្លៃអំពីការរមាស់ស្បែកបឋម​នៅ​រយៈពេល 15 នាទី 1 ម៉ោង និង 24 ម៉ោង​បន្ទាប់​ពី​បកបន្ទះតេស្ត​ចេញ។ ប្រតិកម្មស្បែកត្រូវបានវាយតម្លៃលើមាត្រដ្ឋានពី 0-4 (ដោយ 0 មិនមានភាពក្រហមស្បែក ការហើម ឬការរមាស់ស្បែកប្រភេទផ្សេងទៀត និង 4 គឺភាពក្រហមស្បែក និងហើមធ្ងន់ធ្ងរ ដែលបង្ហាញពីលក្ខណៈក្រហមជាំ និងការហើមហួសពីតំបន់ដែលបានលាប)។ លទ្ធផល ភាពធន់របស់ស្បែកដោយប្រើ Bio‑Oil® Skincare Oil (Natural) ត្រូវបានចាត់ទុកថា ''មិនរមាស់''។

មជ្ឈមណ្ឌលធ្វើតេស្ត Complife Italia Srl ប្រទេសអ៊ីតាលី។ វត្ថុបំណង ដើម្បីធ្វើតេស្តមើលថាតើ Bio‑Oil® Skincare Oil (Natural) ទំនងជានឹងបណ្ដាលឲ្យកើតមុន និងស្នាមអុជខ្មៅ (មុនមុខ) ដែរឬទេ។ សំណាក អ្នកចូលរួម៖ អ្នកចូលរួមចំនួន 20 នាក់; ស្ត្រី​ 14 នាក់ និង​បុរស​ 6 នាក់​ដែលមានប្រភេទស្បែក Fitzpatrick ដែលជាស្បែកងាយកើតមុន។ អាយុអ្នកចូលរួម៖ 18–65 ឆ្នាំ។ វិធីសាស្ត្រ ការសិក្សាដែលបានគ្រប់គ្រង។ ផលិតផលនេះត្រូវបានលាបនៅលើថាសនៃក្រដាសតម្រងបិទនៅតំបន់ខ្នងផ្នែកខាងលើរបស់អ្នកចូលរួម។ បន្ទះតេស្តត្រូវបានទុកចោលរយៈពេលពី 48 ទៅ 72 ម៉ោង បានបកចេញ ហើយបិទម្តងទៀត។ បន្ទះតេស្តសរុបចំនួន 12 ត្រូវបានបិទពីលើរយៈពេល 4 សប្តាហ៍ជាប់គ្នា។ តំបន់ចំនួនបីត្រូវបានវាយតម្លៃដោយធៀបការគ្រប់គ្រងអវិជ្ជមាន (ទឹកដែលគ្មានជាតិរ៉ែ) ផលិតផលសាកល្បង (Bio‑Oil® Skincare Oil (Natural)) និងការត្រួតពិនិត្យវិជ្ជមាន (ឡាណូលីន អាល់កុលដែលជាផលិតផលបំបាត់ស្នាមអុជខ្មៅដ៏ល្បី)។ ប្រតិកម្មស្បែកត្រូវបានវាយតម្លៃតាមគ្លីនិកក្រោមការត្រួតពិនិត្យរបស់គ្រូពេទ្យជំនាញរោគសើស្បែករយៈពេល 15 នាទីបន្ទាប់ពីបកបន្ទះតេស្តនីមួយៗចេញដើម្បីប្រៀបធៀបវត្តមាននៃស្នាមអុជខ្មៅ មុននិងក្រោយពេលប្រើផលិតផលនីមួយៗ។ លទ្ធផល Bio‑Oil® Skincare Oil (Natural) ត្រូវបានរកឃើញថាជាសារធាតុមិនបង្កស្នាមអុជខ្មៅ។ កន្លែងដែលលាប Bio‑Oil® Skincare Oil (Natural) មិនមានភាពខុសប្លែកគ្នាខ្លាំងចំពោះតំបន់គ្រប់គ្រងអវិជ្ជមាននោះទេ។ មុនដែលកើតឡើងដោយការគ្រប់គ្រងវិជ្ជមាន។

មជ្ឈមណ្ឌលធ្វើតេស្ត វិទ្យាស្ថានស្រាវជ្រាវរោគសើស្បែកអនុវត្តន៍ proDERM ទីក្រុង Hamburg ប្រទេសអាល្លឺម៉ង់ វត្ថុបំណង ដើម្បីវាយតម្លៃអត្រានៃការស្រូបចូលរបស់ Bio‑Oil® Skincare Oil (Natural) បន្ទាប់ពីប្រើប្រាស់តាមស្តង់ដារ និងការត្រដុសបញ្ចូល។ សំណាក អ្នកចូលរួម៖ អ្នកចូលរួមចំនួន 100 នាក់ ស្រី 74 ​នាក់ និង​ប្រុស 26 នាក់។ កន្លែងសាកល្បង៖ ផលិតផលសាកល្បងត្រូវបានប្រើប្រាស់លើបាតកំភួនដៃខាងក្នុងរបស់អ្នកទាំងអស់។ វិធីសាស្ត្រ ការសិក្សាដែលមិនដឹងទាំងសងខាង ដោយចៃដន្យ និងមានការគ្រប់គ្រង។ ប្រេង Bio‑Oil® Skincare Oil (Natural) និងប្រេងយោងមួយត្រូវបានលាបនៅត្រង់កន្លែងធ្វើតេស្តដែលបានកំណត់នៅលើបាតកំភួនដៃខាងក្នុងនៃអ្នកចូលរួម។ អ្នកចូលរួមម្នាក់ៗបានត្រដុសផលិតផលសាកល្បងរយៈពេលមួយនាទី។ បន្ទាប់មក អ្នកចូលរួមបានវាយតម្លៃការស្រូបចូលនូវផលិតផលនេះនៅលើមាត្រដ្ឋាន 5 ចំណុចចាប់ពី ''ការស្រូបចូលយឺតខ្លាំង'' ទៅ ''ការស្រូបចូលលឿនខ្លាំង'' ។ លទ្ធផល ការស្រូបប្រេង Bio‑Oil® Skincare Oil (Natural) ទៅក្នុងស្បែកត្រូវបានវាយតម្លៃថា ''លឿនខ្លាំង'' ឬ ''លឿន'' ដោយអ្នកចូលរួមភាគច្រើន (64%)។

មជ្ឈមណ្ឌលធ្វើតេស្ត Rigano Laboratories, Milan, អ៊ីតាលី។ វត្ថុបំណង ដើម្បីវាយតម្លៃថាតើប្រេង Bio‑Oil® Skincare Oil (Natural) បង្ហាញពីកម្រិតនៃការធ្វើឲ្យស្ទះស្រដៀងគ្នាទៅនឹងរំអិលទារកនៅពេលកើត ដែរឬទេ។ រំអិលទារកនៅពេលកើតត្រូវ​បាន​អ្នក​វិទ្យាសាស្ត្រ​ផ្នែក​គ្រឿងសម្អាង​ចាត់​ទុក​យ៉ាង​ទូលំទូលាយ​ថា​ជា ''ស្តង់ដារ​មាស'' ក្នុង​ការ​ផ្តល់​សំណើម​ស្បែក​ដោយ​សារ​កម្រិតនៃការធ្វើឲ្យស្ទះដ៏ល្អ​របស់​វា។ វិធីសាស្ត្រ បរិមាណទឹកកំណត់ត្រូវបានដាក់នៅក្នុងកាដែលគ្របដោយភ្នាសជ្រាបបានពាក់កណ្ដាលដែលមានឈ្មោះថា Vitro-Skin™ ដែលធ្វើត្រាប់តាមលក្ខណៈផ្ទៃស្បែករបស់មនុស្ស។ រំអិលទារកនៅពេលកើត និង Bio‑Oil® Skincare Oil (Natural) ត្រូវបានប្រើប្រាស់ក្នុងបរិមាណស្មើគ្នាលើភ្នាស ហើយអត្រានៃការបាត់បង់ទឹកពីកាត្រូវបានវាស់តាមពេលវេលា។ នេះត្រូវបានប្រៀបធៀបជាមួយនឹងអត្រានៃការបាត់បង់ទឹកដោយមិនមានផលិតផលណាមួយស្ថិតនៅលើភ្នាសឡើយ។ អត្រាផ្ទេររំហួតទឹកសម្រាប់ផលិតផលនីមួយៗត្រូវបានគណនា និងបង្ហាញជា g/m2/h។ លទ្ធផល Bio‑Oil® Skincare Oil (Natural) បានបង្ហាញកម្រិតនៃការធ្វើឲ្យស្ទះស្រដៀងគ្នាខ្លាំងទៅនឹងរំអិលទារកនៅពេលកើត, ដោយមានកំណត់ត្រា 24.9 ធៀបនឹង 27.1 សម្រាប់រំអិលទារកនៅពេលកើត។

របៀបប្រើប្រាស់ គួរតែប្រើ Bio‑Oil® Skincare Oil (Natural) ម៉ាស្សាក្នុងចលនាជារង្វង់ លើមុខ ឬរាងកាយរហូតដល់វាស្រូបចូលទាំងស្រុង។ យកល្អគួរប្រើប្រាស់តផលិតផលនេះពីរដងក្នុងមួយថ្ងៃ រយៈពេលយ៉ាងតិចបីខែ។ មិនគួរលាប Bio‑Oil® Skincare Oil (Natural) លើមុខរបួសដែលមិនទាន់សះ ឬស្បែករយះឡើយ។ គេប្រើវាសម្រាប់ជាគ្រឿងសម្អាងលាបផ្ទាល់ប៉ុណ្ណោះ។ វាមានសុវត្ថិភាពក្នុងការលាបនៅលើស្នាមសម្លាកភ្លាមបន្ទាប់ពីស្បែកខាងលើបានជាសះស្បើយពេញលេញ។ លទ្ធផលខុសគ្នាពីមនុស្សម្នាក់ទៅមនុស្សម្នាក់ទៀត។ រយៈពេលប្រើប្រាស់ ការសាកល្បងព្យាបាលផ្សេងៗដោយប្រើប្រេង Bio‑Oil® Skincare Oil (Natural) ត្រូវបានធ្វើឡើងក្នុងរយៈពេល 8 សប្តាហ៍ និង 16 សប្ដាហ៍ដោយទុកឱ្យគេវាយតម្លៃអំពីប្រសិទ្ធផលនៃផលិតផលនេះតាមពេលវេលា។ ការវិភាគតាមស្ថិតិបង្ហាញពីការរីកចម្រើនគួរឱ្យកត់សម្គាល់អំពីលក្ខណៈរបស់ស្បែកបន្ទាប់ពីប្រើប្រាស់បានពីសប្ដាហ៍ ហើយបង្ហាញថាការរីកចម្រើននេះត្រូវបានរក្សាទុក ឬបង្កើនសម្រាប់រយៈពេលនៃការសាកល្បង។ ប្រើប្រាស់ស្របជាមួយទម្លាប់ថែរក្សាស្បែក ដើម្បីឲ្យស្រូបចូលជាអតិបរមា គួរតែលាបប្រេង Bio‑Oil® Skincare Oil (Natural) លើស្បែកដែលបានសម្អាតរួច។ ការលាយប្រេង Bio‑Oil® Skincare Oil (Natural) ជាមួយនឹងផលិតផលផ្សេងទៀតដើម្បី ''ធ្វើឱ្យវាកាន់តែមានប្រសិទ្ធភាព'' អាចប៉ះពាល់អវិជ្ជមានដល់ប្រសិទ្ធផលរបស់វា។ ប្រសិនបើលាបក្រែមផ្ដល់សំណើម ឡេការពារកម្ដៅថ្ងៃ ឬក្រែមលាបមុខផ្សេងទៀត ចូរលាបនៅពេលដែល Bio‑Oil® Skincare Oil (Natural) ត្រូវបានស្រូបចូលទៅក្នុងស្បែកទាំងស្រុង។ សម្រាប់ការលាបពាសពេញដងខ្លួន ចូរលាប Bio‑Oil® Skincare Oil (Natural) បន្ទាប់ពីងូតទឹករួច។ ប្រើប្រាស់អំឡុងពេលមានផ្ទៃពោះ ស្នាមសង្វារនៅពេលមានផ្ទៃពោះអាចលេចឡើងគ្រប់ទីកន្លែងនៅលើរាងកាយ ប៉ុន្តែទំនងជាលេចឡើងច្រើនបំផុតនៅលើពោះ ភ្លៅ ត្រគាក ខ្នងផ្នែកខាងក្រោម គូទ និងសុដន់។ ដើម្បីជួយទប់ស្កាត់ការបង្កើតស្នាមសង្វារនៅពេលមានផ្ទៃពោះ យកល្អគួរលាប Bio‑Oil® Skincare Oil (Natural) លើតំបន់ទាំងនេះពីរដងក្នុងមួយថ្ងៃ ចាប់ពីដើមត្រីមាសទី 1 រហូតដល់ឆ្លងទន្លេរួច។ ការលាប Bio‑Oil® Skincare Oil (Natural) ជាទៀងទាត់ក៏នឹងជួយកាត់បន្ថយស្បែករមាស់ និងស្បែកខ្សោះជាតិទឹកដែលពាក់ព័ន្ធនឹងស្រ្តីមានផ្ទៃពោះដែលមានការរមាស់ខ្លាំង។ គេក៏អាចប្រើប្រាស់វាដើម្បីព្យាបាលពណ៌ស្បែកមិនស្មើគ្នាដែលបណ្តាលមកពីការប្រែប្រួលអ័រម៉ូនដែលកើតឡើងនៅអំឡុងពេលមានផ្ទៃពោះ។ វីតាមីន A និងផ្ទៃពោះ ជាធម្មតា យកល្អស្រ្តីគួរកំណត់របបហារបំប៉នដែលមានផ្ទុកវីតាមីន A អំឡុងពេលមានផ្ទៃពោះ ដូច្នេះហើយអាចមានការព្រួយបារម្ភអំពីការប្រើប្រាស់ផលិតផលថែរក្សាស្បែកដែលមានផ្ទុកវីតាមីន A។ សារធាតុទាំងឡាយណាដែលលាបលើស្បែកគឺមានគ្រោះថ្នាក់តែប្រសិនបើសារធាតុនោះមានលើសពីកម្រិតកំណត់ជាតិពុលរបស់វា។ ដោយសារតែស្បែកជារបាំងយ៉ាងសំខាន់សម្រាប់ការពារការជ្រាបចូល នោះមានតែវីតាមីន A ដែលលាបលើស្បែកមួយភាគប៉ុណ្ណោះដែលចូលទៅក្នុងខ្លួន។ គណៈកម្មាធិការវិទ្យាសាស្ត្ររបស់គណៈកម្មការអឺរ៉ុបស្តីពីសុវត្ថិភាពអ្នកប្រើប្រាស់ (SCCS) បានវាយតម្លៃអំពីវីតាមីន A និងអេស្ទែររបស់វា នៅពេលប្រើប្រាស់ជាធាតុផ្សំគ្រឿងសម្អាង។ មតិរបស់ SCCS គឺថាការប្រើប្រាស់វីតាមីន A នៅក្នុងឡេលាបខ្លួន ដែលមានកំហាប់អតិបរមារហូតដល់ 0.05% នៃរ៉េទីណុលដែលសមមូលគឺមានសុវត្ថិភាព។ វីតាមីន A ដែលមាននៅក្នុងការបង្កើតរូបមន្ត Bio‑Oil® Skincare Oil (Natural) ដោយសារវត្តមានរបស់វានៅក្នុងប្រេងរ៉ូសេហ៊ីបគឺស្ថិតនៅកម្រិតមួយទាបជាងកំហាប់អតិបរមាដែលអាចអនុញ្ញាតនេះឆ្ងាយណាស់សម្រាប់ឡេលាបខ្លួន។ Bio‑Oil® Skincare Oil (Natural) អាចប្រើបានដោយសុវត្ថិភាពនៅទូទាំងអំឡុងពេលមានផ្ទៃពោះ។ ដោយបន្ថែមវីតាមីន A ក្នុងកម្រិតទាប Bio‑Oil® Skincare Oil (Natural) ផ្តល់អត្ថប្រយោជន៍វីតាមីន A ដល់ស្ត្រីមានផ្ទៃពោះដោយគ្មានហានិភ័យសុវត្ថិភាពណាមួយឡើយ។ ប្រេងរ៉ូសម៉ារី និងផ្ទៃពោះ ប្រេងរ៉ូសម៉ារីក្នុង​កំហាប់​ខ្ពស់​ត្រូវ​បាន​គេ​រក​ឃើញ​ថា​ជាសារធាតុបង្កើនឈាមរដូវ ដែល​មាន​ន័យ​ថា​វា​មាន​សមត្ថភាព​បង្ក​ឱ្យ​មាន​ការ​មក​រដូវ និង​អាច​បណ្ដាលឲ្យសម្រាល​កូនមុនកំណត់។ នេះ​ជា​មូលហេតុ​ដែលអ្នកជំនាញប្រើក្លិនក្រអូប និងអ្នកជំនាញថ្នាំបុរាណដែលប្រើប្រេងរ៉ូសម៉ារីក្នុង​កំហាប់​ខ្ពស់ ហាមមិន​ឲ្យ​ប្រើ​វា​អំឡុងពេល​មាន​ផ្ទៃពោះ។ ប៉ុន្តែកំហាប់ប្រេងរ៉ូសម៉ារីនៅក្នុង Bio‑Oil® Skincare Oil (Natural) មានកម្រិតទាបខ្លាំងណាស់ ដូច្នេះហើយវាមានសុវត្ថិភាពក្នុងការប្រើប្រាស់អំឡុងពេលមានផ្ទៃពោះ។ ប្រើប្រាស់ពេលកំពុងបំបៅដោះកូន Bio‑Oil® Skincare Oil (Natural) មានសុវត្ថភាពសម្រាប់ប្រើលើដងខ្លួនក្នុងពេលបំបៅដោះកូន ប៉ុន្តែហាមលាបវានៅលើក្បាលដោះ។ ទោះបីហាក់ដូចជាមិនមានផលប៉ះពាល់ក៏ដោយ ក៏ទារកតូចៗឆាប់មានប្រតិកម្មណាស់ និងមិនគួរលេប Bio‑Oil® Skincare Oil (Natural) ក្នុងមាត់ឡើយទោះបីក្នុងបរិមាណតិចតួចក៏ដោយ។ ប្រើប្រាស់លើទារកនិងកុមារ ការប្រើប្រាស់ Bio‑Oil® Skincare Oil (Natural) លើកុមារក្រោមអាយុ 3 ឆ្នាំមិនត្រូវបានគេវាយតម្លៃពីសុវត្ថិភាពនៅឡើយទេ។ បន្ទាប់ពីកើតបានពីរបីឆ្នាំដំបូង រាងកាយរបស់មនុស្សមានការប្រែប្រួលច្រើនដូចជាការអភិវឌ្ឍនូវប្រព័ន្ធភាពស៊ាំជាដើម។ ដូច្នេះយកល្អគួរតែប្រើប្រាស់វាលើកុមារដែលមានអាយុចាប់ពី 3 ឆ្នាំឡើងទៅប៉ុណ្ណោះ។ ផលិតផលនេះគួរតែប្រើប្រាស់ដោយប្រុងប្រយ័ត្នចំពោះកុមារ និងមិនគួរលាបនៅជិតភ្នែក ឬមាត់ឡើយ។ ប្រើប្រាស់ក្រោមកម្ដៅថ្ងៃ ការសាកល្បងប្រើប្រាស់ Bio‑Oil® Skincare Oil (Natural) បង្ហាញថាផលិតផលនេះមិនបង្កលទ្ធភាព ឬបង្កើនការរលាកដោយកម្ដៅថ្ងៃឡើយ។ ដូច្នេះវាមានសុវត្ថិភាពក្នុងការប្រើប្រាស់នៅក្រោមពន្លឺថ្ងៃ ប៉ុន្តែផលិតផលនេះមិនផ្តល់ការការពារប្រឆាំងនឹងផលប៉ះពាល់ដែលគ្រោះថ្នាក់ដោយសារកាំរស្មី UVA និង UVB នៃពន្លឺព្រះអាទិត្យឡើយ ហើយដូច្នេះជាការសំខាន់ត្រូវប្រើប្រាស់វាឲ្យស្របជាមួយនឹងផលិតផលការពារពន្លឺថ្ងៃទូលំទូលាយជាមួយនឹងកត្តាការពារកម្តៅថ្ងៃ ( SPF) យ៉ាងតិច 30 ។ ប្រើនៅលើ ឬជិតភ្នាសរំអិល Bio‑Oil® Skincare Oil (Natural) ត្រូវបានចាត់ថ្នាក់ថាមានសុវត្ថិភាពសម្រាប់ការប្រើប្រាស់ទាំងអស់ លើកលែងតែប៉ះពាល់ជាមួយភ្នាសរំអិលប៉ុណ្ណោះ។ ប្រើបាស់ស្របជាមួយការព្យាបាលដោយវិទ្យុសកម្ម ឬការព្យាបាលដោយប្រើគីមី ទោះជា Bio‑Oil® Skincare Oil (Natural) មិនមានសារធាតុផ្សំដែលអាចស្រូបវិទ្យុសកម្មបានក៏ដោយ យកល្អគេគួរធ្វើការព្យាបាលដោយវិទ្យុសកម្ម ឬដោយគីមី ដើម្បីស្វែងរកការណែនាំពីអ្នកប្រកបវិជ្ជាជីវៈខាងវេជ្ជសាស្រ្តមុននឹងប្រើប្រាស់ផលិតផលនេះ។ ប្រើប្រាស់ជាមួយផលិតផលឱសថ Bio‑Oil® Skincare Oil (Natural) ជាផលិតផលគ្រឿងសម្អាង។ សម្រាប់ដំបូន្មានស្ដីពីការប្រើប្រាស់ផលិតផលនេះទន្ទឹមគ្នាជាមួយផលិតផលឱសថ យកល្អបំផុតគេត្រូវពិគ្រោះជាមួយអ្នកប្រកបវិជ្ជាជីវៈខាងវេជ្ជសាស្រ្ត។ ប្រើប្រាស់លើស្បែកងាយរងប្រតិកម្ម Bio‑Oil® Skincare Oil (Natural) អាចប្រើបាននៅលើស្បែកងាយរងប្រតិកម្ម។ នៅក្នុងការសិក្សាអំពីការរមាស់ស្បែកដែលធ្វើឡើងលើអ្នកចូលរួមចំនួន 25 នាក់ដែលមានអាយុពី 18 ទៅ 70 ឆ្នាំដែលមានស្បែកងាយរងប្រតិកម្ម មិនមានអ្នកចូលរួមណាម្នាក់ជួបប្រទះនូវប្រតិកម្មមិនល្អចំពោះរូបមន្តនេះទេ។ ប្រើលើស្បែកដែលមានជាតិខ្លាញ់ Bio‑Oil® Skincare Oil (Natural) អាចប្រើបាននៅលើស្បែកដែលមានជាតិប្រេង។ នៅក្នុងការសាកល្បងដែលធ្វើឡើងលើអ្នកចូលរួមចំនួន 20 នាក់ដែលមានអាយុពី 18 ដល់ 65 ឆ្នាំដែលមានស្បែកងាយកើតមុន Bio‑Oil® Skincare Oil (Natural) ត្រូវបានគេរកឃើញថាមិនបង្កស្នាមអុជខ្មៅឡើយ។ ប្រើលើស្បែកដែលងាយកើតមុន Bio‑Oil® Skincare Oil (Natural) អាចប្រើបាននៅលើស្បែកដែលងាយកើតមុន។ នៅក្នុងការសាកល្បងដែលធ្វើឡើងលើអ្នកចូលរួមចំនួន 20 នាក់ដែលមានអាយុពី 18 ដល់ 65 ឆ្នាំដែលមានស្បែកងាយកើតមុន Bio‑Oil® Skincare Oil (Natural) ត្រូវបានគេរកឃើញថាមិនបង្កស្នាមអុជខ្មៅឡើយ។

ស្នាមសម្លាកគឺជាការរីកលូតលាស់នៃកូឡាសែន ដែលបង្កើតជាផ្នែកធម្មជាតិនៃដំណើរការព្យាបាលបន្ទាប់ពីមានរបួសលើស្បែក។ កូឡាសែនត្រូវបានផ្សំឡើងពីប្រូតេអ៊ីនធម្មជាតិដែលបង្កើតជាសមាសភាគសំខាន់នៃជាលិកាសន្ធានរបស់រាងកាយ។ នៅពេលមានរបួសលើស្បែក រាងកាយធ្វើសកម្មភាពយ៉ាងរហ័សតាមដែលអាចធ្វើទៅបាន ដើម្បីជួសជុលតំបន់ដែលរងផលប៉ះពាល់ ដោយផ្តោតលើការរស់រានមានជីវិតជាជាងការសះស្បើយដ៏ល្អឥតខ្ចោះ។ ការផលិតកូឡាសែនយ៉ាងរហ័សដើម្បីឆ្លើយតបទៅនឹងមុខរបួសគឺជាមូលហេតុនៃស្នាមសម្លាក។ ខណៈពេលដែលស្នាមសម្លាក់នឹងឆ្លងកាត់ការផ្លាស់ប្តូរជាច្រើននៅពេលវាពេញចំណាស់ វានឹងមិនរក្សាស្បែកនៅជុំវិញឲ្យមានកម្លាំងធម្មតាឡើយ។ ឫសសក់ និងក្រពេញញើសនៅកន្លែងដែលមានស្នាមសម្លាកនឹងមិនដុះមកវិញទេ។ ការបង្កើតស្នាមសម្លាកមានបួនដំណាក់កាលដូចខាងក្រោម៖ ដំណាក់កាលឃាត់ឈាម ដំណាក់កាលនេះចាប់ផ្តើមភ្លាមបន្ទាប់ពីមានរបួស និងមានរយៈពេលពីរបីម៉ោង ដោយសារមុខរបួសព្យាយាមធ្វើឲ្យមានភាពធម្មតាឡើងវិញដោយបង្រួមសរសៃឈាមដើម្បីឃាត់ឈាម។ ក្នុងពេលដំណាលគ្នានេះ កោសិកាដែលរងរបួសបញ្ចេញប្រូតេអ៊ីនមួយចំនួនដើម្បីធ្វើឱ្យឈាមកក ដោយហេតុនេះវាបិទសរសៃឈាមដែលដាច់ និងកាត់បន្ថយការបាត់បង់ឈាម។ ដំណាក់កាលរលាក ពណ៌ក្រហមនិងការហើមដែលលេចឡើងក្នុងរយៈពេលបីឬបួនថ្ងៃបន្ទាប់ពីការរងរបួសលើកដំបូងគឺជាសញ្ញាមើលឃើញមួយនៃការឆ្លើយតបរបស់ប្រព័ន្ធភាពស៊ាំ។ កោសិកាឈាមសបញ្ចេញសារធាតុគីមីដែលសម្អាតកម្ទេចកម្ទីនិងបាក់តេរីពីមុខរបួស។ ដំណាក់កាលរីកសាយ ដំណាក់កាលនេះចាប់ផ្តើមនៅថ្ងៃទីបី ហើយបន្តប្រហែលបីសប្តាហ៍។ ដំណើរការបីផ្សេងគ្នាកើតឡើងក្នុងពេលដំណាលគ្នាក្នុងដំណាក់កាលនេះ ដើម្បីបិទ និងចងមុខរបួស៖ ក្រមរដំបៅ៖ ជាលិកាសន្ធាន (កោសិកាដែលទទួលខុសត្រូវក្នុងការសំយោគកូឡាសែន) លើការរីកសាយនៅកន្លែងមុខរបួស ដើម្បីបង្កើតកូឡាសែនយ៉ាងរហ័សដើម្បីបំពេញមុខរបួស។ Ephitheliization: ស្រទាប់ស្បែកត្រូវបានបង្កើតឡើងដើម្បីគ្របមុខរបួស។ ការកន្ត្រាក់មុខរបួស៖ មុខរបួសត្រូវបានទាញផ្អឹបគ្នាដើម្បីកាត់បន្ថយវិការៈឲ្យនៅតិចបំផុត។ ដំណាក់កាលពេញវ័យ ដំណាក់កាល ''សះរបួស'' នេះចាប់ផ្តើមបន្ទាប់ពីរយៈពេលប្រហែលបីសប្តាហ៍ ហើយអាចបន្តរហូតដល់រយៈពេលពីរឆ្នាំ អាស្រ័យលើទំហំ និងជម្រៅនៃមុខរបួស។ ក្នុងអំឡុងពេលនេះ កូឡាសែនបន្តបង្កើតជាសរសៃដែលត្រូវបានរៀបចំឡើងវិញទៅតាមទម្ងន់ដែលដាក់នៅលើកន្លែងរបួស កំណត់លក្ខណៈចុងក្រោយនៃស្នាមរបួស។ ខណៈពេលដែលស្នាមសម្លាកគ្របដណ្តប់ និងការពារកន្លែងមុខរបួសនោះ វាអាចត្រូវបានបង្អាក់យ៉ាងងាយស្រួល។ ជាលិកាសម្លាកជាទូទៅបង្ហាញកម្លាំងតង់ស៊ីលនៃស្បែកធម្មតាចំនួន 70% ។

ដោយសារតែមនុស្សម្នាក់ៗជាសះស្បើយខុសៗគ្នា លក្ខណៈចុងក្រោយនៃស្នាមសម្លាកនឹងខុសគ្នាពីមនុស្សម្នាក់ទៅមនុស្សម្នាក់។ កត្តានានាដូចជាប្រភេទស្បែក ទីតាំងស្នាមសម្លាក ប្រភេទនៃរបួស អាយុ និងជាងនេះទៀតស្ថានភាពអាហារូបត្ថម្ភនឹងដើរតួនាទីក្នុងការកំណត់ពីសណ្ឋាននៃស្នាមសម្លាក។ ប្រភេទស្នាមសម្លាកអាចបែងចែកជាប្រភេទដូចតទៅ៖ ស្នាមសម្លាកទូទៅ ស្នាម​សម្លាកទាំងនេះ​មាន​សភាពជាផ្លែ និង​មានពណ៌ស្រគាំ​ពីដំបូង ប៉ុន្តែ​កាន់តែ​រាបស្មើ និង​មិនសូវ​គួរឲ្យកត់សម្គាល់​តាម​ពេលវេលា​ដែលបណ្ដាលមកពីស្នាមសម្លាកសរសៃឆ្មារៗ។ ស្នាមសម្លាកខូង (Atrophic) ស្លាកស្នាមសម្លាកទាំងនេះបណ្តាលឱ្យស្នាមខូង ឬស្នាមចុចនៅក្រោមផ្ទៃស្បែក។ ឧទាហរណ៍​គឺ​ស្នាម​សម្លាកបណ្ដាលមកពី​មុន ឬ​អុតស្វាយ។ ស្នាមសម្លាកផ្លែ ស្នាមសម្លាកទាំងនេះផុសឡើងពីលើផ្ទៃស្បែក។ ស្នាមសម្លាកទាំងនេះកើតឡើងដោយសារបរិមាណកូឡាសែនច្រើនពេក ប៉ុន្តែស្ថិតនៅក្នុងព្រំដែននៃមុខរបួសដើមជានិច្ច។ ស្នាមសម្លាក Keloid មិនគួរច្រឡំស្នាមសម្លាក Keloids ជាមួយស្នាមសម្លាកផ្លែឡើយ។ ទោះជាស្នាមទាំងនេះជាស្នាមសម្លាកផុសឡើងក៏ពិតមែន ប៉ុន្តែស្នាមសម្លាក keloids ត្រូវបានកំណត់លក្ខណៈដោយការដែលថាពួកវារីកហួសពីព្រំដែននៃមុខរបួសដើម។ ពួកវាអាចបន្តលូតលាស់តាមពេលវេលា ហើយជាធម្មតាវាដុះឡើងវិញបន្ទាប់ពីកាត់ចេញ។ ការកន្រ្តាក់តឹងនៃស្នាមសម្លាក ស្នាមសម្លាកកន្រ្តាក់តឹង​កើតឡើង​នៅពេល​ដែល​ស្បែក​រឹបតឹងជាប់ជានិច្ច។ ពួកវាច្រើនតែវិវត្តនៅពេលដែលស្នាមសម្លាកឆ្លងកាត់តំណ ឬផ្នត់ស្បែកនៅមុំខាងស្តាំ។ ជាលិកាសម្លាកមានភាពធន់នឹងការសន្ធឹង និងអាចមានចលនាធម្មតា។ ការកន្រ្តាក់តឹងនៃស្នាមសម្លាកច្រើន​តែ​កើត​ឡើង​បន្ទាប់​ពី​មានរបួសដោយសារ​រលាក។ ស្នាមសង្វារ (សង្វារ) ស្នាមសង្វារកើតឡើងក្នុងអំឡុងពេលនៃការប្រែប្រួលទម្ងន់យ៉ាងឆាប់រហ័ស (ឧទា. ការលូតលាស់របស់ក្មេងជំទង់ ការមានផ្ទៃពោះ) នៅពេលដែលរាងកាយពង្រីកលឿនជាងស្បែក ដោយបណ្តាលឱ្យមានការរហែកផ្នែកខាងក្នុងនៅក្នុងជាលិកាស្បែក។ នៅពេលការរហែកទាំងនេះជួសជុលខ្លួនវា ពួកវាបង្កើតជាស្នាមសម្លាកដែលគេហៅថាស្នាមសង្វារ។

តាមបច្ចេកសព្ទវេជ្ជសាស្រ្ត ស្នាមសង្វារ ឬសង្វារគឺគ្រាន់តែជាទម្រង់នៃស្នាមសម្លាកមួយទៀត ប៉ុន្តែមនុស្សភាគច្រើនចាត់ទុកវាខុសគ្នាពីស្នាមសម្លាក។ សង្វារគឺជាបន្ទាត់នៅលើស្បែកដែលវិវត្តនៅពេលដែលស្បែករីកយ៉ាងរហ័ស ឧទាហរណ៍ស្ត្រីមានផ្ទៃពោះ កាយវប្បករ និងក្មេងជំទង់នៅអំឡុងពេលលូតលាស់របស់ពួកគេ។ ពួកវាកើតឡើងទៅតាមឈ្មោះជាក់ស្ដែងរវាប់វា ការលាតសន្ធឹង។ មនុស្សដែលមានស្បែកសមានទំនងជាលេចស្នាមសង្វារពណ៌ផ្កាឈូក ចំណែកអ្នកដែលមានស្បែករាងខ្មៅទំនងជាលេចស្នាមសង្វារដែលសជាងស្បែកជុំវិញ។ ស្បែកមានភាពយឺតតាមធម្មជាតិ។ ភាពយឺតនេះកើតឡើងដោយសារកូឡាសែន និងជាតិអេឡាស្ទីននៅក្នុងស្បែកសុទ្ធដែលស្ថិតនៅក្រោមជាលិកាស្បែក។ កូឡាសែនត្រូវបានផ្សំឡើងពីក្រុមប្រូតេអ៊ីនធម្មជាតិ និងជាសមាសភាគសំខាន់នៃជាលិកាសន្ធានរបស់រាងកាយ។ អេឡាស្ទីន ដែលផ្សំឡើងពីប្រូតេអ៊ីនធម្មជាតិក៏ត្រូវបានរកឃើញនៅក្នុងជាលិកាសន្ធានផងដែរ និងផ្តល់នូវលក្ខណៈយឺត។ ជាលិកាសន្ធាននេះអាចធ្វើឲ្យស្បែកសម្របខ្លួនទៅនឹងចលនាបន្តបន្ទាប់របស់រាងកាយដោយការពន្លា និងកន្រ្តាក់ ប៉ុន្តែកើតឡើងក្នុងអំឡុងពេលនៃការឡើងទម្ងន់យ៉ាងឆាប់រហ័ស វាអាចមិនមានពេលវេលាគ្រប់គ្រាន់ក្នុងការសម្រប ដែលបណ្តាលឱ្យមានការហែកខាងក្នុងនៅក្នុងជាលិកាស្បែក។ នៅពេលការរហែកទាំងនេះជួសជុលខ្លួនវា ពួកវាបង្កើតជាស្នាមសម្លាកដែលយើងហៅថាស្នាមសង្វារ។ ការប្រៀបធៀបដ៏សំខាន់មួយគឺប្រៀបទៅនឹងរ៉ឺស័រដែលត្រូវបានទាញសន្ធឹង។ ប្រសិនបើអ្នកទាញសន្ធឹងរ៉ឺស័រនៅក្នុងកម្រិតជាក់លាក់់មួយ ដែលហៅថាដែនកំណត់យឺតតាមធម្មជាតិរបស់វា នោះវានឹងកន្រ្តាក់ត្រឡប់ទៅទំហំដើមរបស់វាវិញម្តងហើយម្តងទៀត។ ប៉ុន្តែប្រសិនបើអ្នកទាញសន្ធឹងរ៉ឺស័រនោះហួសពីដែនកំណត់នៃភាពយឺតធម្មជាតិរបស់វា នោះវានឹងសន្ធឹងជារៀងរហូត ហើយនឹងមិនត្រឡប់មកទំហំដើមរបស់វាវិញទេ។ ថ្វីត្បិតតែស្នាមសង្វារមិនតំណាងឱ្យបញ្ហាសុខភាពដ៏សំខាន់ក៏ដោយ ស្នាមសង្វារអាចបង្កឱ្យមានបញ្ហាផ្លូវចិត្តចំពោះអ្នកដែលមានស្នាមសង្វារនេះ។ លទ្ធភាពនៃការវិវត្តន៍នៃស្នាមសង្វាប្រែប្រួលទៅតាមប្រភេទស្បែក អាយុ តំណពូជ របបអាហារ និងជាតិទឹកនៅក្នុងស្បែក។ ដំណាក់កាលនៃការបង្កើតស្នាមសង្វារ មានដូចខាងក្រោម៖ ដំណាក់កាលទីមួយ ស្នាម​សង្វារ​នៅ​ដំណាក់កាល​ដំបូង​មាន​ពណ៌​ស្លេក ហើយ​​អាច​រមាស់ផង​ដែរ។ ស្បែកដែលនៅកៀកជុំវិញស្នាមសង្វារក៏អាចមើលទៅ ''រាបស្មើ'' និង ''ស្តើង'' ផងដែរ។ ដំណាក់កាលទីពីរ បន្តិចម្តងៗ ស្នាមសង្វារនឹងពង្រីកប្រវែង និងទទឹងកាន់តែស្រគាំ និងកាន់តែច្បាស់។ ដំណាក់កាលទីបី នៅពេលដែលស្នាមសង្វារបានពេញចំណាស់ ហើយនៅពេលដែលស្បែកលែងតឹងតទៅទៀត វានឹងចាប់ផ្តើមរលុប និងប្រែជាស្លេកជាងនេះ។ ពួកវាក៏អាចមើលទៅស្រុតចុះបន្តិច និងមានរូបរាង ឬប្រវែងមិនទៀងទាត់។

គេប៉ាន់ប្រមាណថាស្រ្តីមានផ្ទៃពោះចន្លោះពី 50% ទៅ 90% ងាយនឹងកើតស្នាមសង្វារ។ ស្នាមសង្វារអាចកើតឡើងនៅលើពោះ ភ្លៅ ត្រគាក ខ្នងផ្នែកខាងក្រោម គូទ និងសុដន់ - តំបន់ដែលមានស្បែកទាញសន្ធឹងខ្លាំងបំផុត នៅពេលដែលរាងកាយប្រែប្រួលនៅអំឡុងពេលមានផ្ទៃពោះ។ ទន្ទឹមនឹងនេះពួកវាអាចលេចឡើងគ្រប់កន្លែងនៅលើរាងកាយ ស្នាមទាំងនេះទំនងជាលេចឡើងនៅតាមកន្លែងដែលមានខ្លាញ់ច្រើន។ ទន្ទឹមនឹងនេះស្នាមសង្វារជាទូទៅអាចមើលឃើញនៅអំឡុងពេលមានផ្ទៃពោះនៅត្រីមាសចុងក្រោយ (ប្រហែលខែទីប្រាំមួយ ឬខែទីប្រាំពីរ) ស្ត្រីខ្លះចាប់ផ្តើមឃើញស្នាមសង្វារលេចឡើងនៅត្រីមាសទីមួយ។ ស្នាមសង្វារនៅពេលមានគភ៌ ក៏អាចបណ្តាលមកពីការរៀបចំស្បែកសម្រាប់ការសម្រាលកូន ដោយសារការកើនឡើងនូវកម្រិតអរម៉ូន។ អ័រម៉ូនទាំងនេះបឺតយកទឹកកាន់តែច្រើនចូលទៅក្នុងស្បែក ដែលបន្ធូរបន្ថយចំណងរវាងសរសៃកូឡាសែន។ នេះ​ធ្វើ​ឱ្យ​ស្បែក​ងាយ​រហែក​ពេល​វា​សន្ធឹង និងធ្វើឲ្យ​ស្នាម​សង្វារកើតឡើង។ លទ្ធភាពនៃការវិវត្តនៃស្នាមសង្វាប្រែប្រួលទៅតាមប្រភេទស្បែក អាយុ តំណពូជ របបអាហារ និងជាតិទឹកនៅក្នុងស្បែក។

ការផលិតឡេលាបខ្លួន Bio‑Oil® Skincare Oil (Natural) អនុលោមតាមលក្ខខណ្ឌតម្រូវអនុវតន៍្តផលិតកម្មល្អ (GMP) នៃ ISO 22716: 2007 សម្រាប់ផលិតផលគ្រឿងសម្អាង។ វត្ថុធាតុដើមទាំងអស់ដែលប្រើក្នុងការផលិត Bio‑Oil® Skincare Oil (Natural) សុទ្ធតែមានវិញ្ញាបនបត្រវិភាគ (COA) ហើយសម្ភារៈវេចខ្ចប់ទាំងអស់សុទ្ធតែមានវិញ្ញាបនបត្រអនុលោមភាព (COC) ។ ទាល់តែបានជាប់ការធ្វើតេស្តគ្រប់គ្រងគុណភាពសិន ទើបវត្ថុធាតុដើម ឬសម្ភារៈវេចខ្ចប់ត្រូវបានអនុញ្ញាតឲ្យផលិត។ រាល់កញ្ចប់ Bio‑Oil® Skincare Oil (Natural) ដែលលាយបញ្ចូលគ្នាត្រូវបានបែងចែកនូវលេខបាច់ពិសេស។ សំណាកមួយដែលយកចេញពីបាច់ត្រូវបានធ្វើតេស្តដោយមន្ទីរពិសោធន៍សម្រាប់លក្ខណៈ ភាពភ្លឺថ្លា ក្លិន ការកំណត់អត្តសញ្ញាណដោយការវាស់បាច់ពន្លឺ ដង់ស៊ីតេ ភាពស្អិតខាប់ និងអតិសុខុមសាស្រ្ត។ សំណាកត្រូវបានរក្សាទុករយៈពេល 4 ឆ្នាំ។ ការចាក់បំពេញ និងការវេចខ្ចប់ Bio‑Oil® Skincare Oil (Natural) គឺធ្វើឡើងនៅក្នុងកន្លែងដែលមានការគ្រប់គ្រងសីតុណ្ហភាព និងសំណើម។ ខ្យល់ឆ្លងកាត់ប្រព័ន្ធចម្រោះខ្យល់ភាគល្អិតដែលមានប្រសិទ្ធភាពខ្ពស់ (HEPA) ដើម្បីការពារការធ្វើឲ្យកខ្វក់ដោយធូលី។ បុគ្គលិកដែលធ្វើការលើខ្សែសង្វាក់ផលិតកម្មត្រូវពាក់មួក ម៉ាស់មុខ របាំងមុខ ស្រោមដៃ អាវធំ និងស្រោមស្បែកជើង។ សំណាកត្រូវបានយកចេញពីខ្សែសង្វាក់នៅចន្លោះពេលទៀងទាត់ ដើម្បីធ្វើការត្រួតពិនិត្យដោយផ្នែកត្រួតពិនិត្យគុណភាពដើម្បីបង្ការវិការៈខុសប្រក្រតី។ លេខបាច់ត្រូវបានបោះពុម្ពនៅលើដប ប្រអប់កាតុង និងអ្នកដឹកជញ្ជូន ហើយសំណាករក្សាទុកពីក្រុមផលិតនីមួយៗត្រូវបានរក្សាទុករយៈពេល 4 ឆ្នាំ។ នៅក្នុងការផលិត Bio‑Oil® Skincare Oil (Natural) មិនមានបញ្ចេញឧស្ម័ន កាកសំណល់ ឬទឹកសំណល់់ដែលបង្កគ្រោះថ្នាក់ឡើយ។

គួរតែរក្សាទុក Bio‑Oil® Skincare Oil (Natural) ក្នុងកន្លែងត្រជាក់ មិនឲ្យប៉ះចំពន្លឺថ្ងៃផ្ទាល់ឡើយ។

រាល់ការវេចខ្ចប់ Bio‑Oil® Skincare Oil (Natural) ទាំងអស់ (ដប ឆ្នុក គម្រប និងប្រអប់កាតុង) អាចកែច្នៃឡើងវិញបាន។

Bio‑Oil® Skincare Oil (Natural) មាន PAO រយៈពេល 12 ខែ។ នេះ​ជា​រយៈពេល​ក្រោយ​ពេល​បើក​ដែល​ផលិតផល​មាន​សុវត្ថិភាព និង​អាច​ប្រើប្រាស់​បាន​ដោយ​មិន​ប៉ះពាល់​ដល់​អ្នកប្រើប្រាស់។

Bio‑Oil® Skincare Oil (Natural) ត្រូវបានបញ្ជាក់ថាជា Halaal និង Kosher ។

ចំណែកឯ Bio‑Oil® Skincare Oil (Natural) មានប្រូហ្វាយពលភាពប្រកបដោយសុវត្ថិភាព និងបំពេញតាមបទប្បញ្ញត្តិអន្តរជាតិស្ដីពីសុវត្ថិភាព ជាមួយផលិតផលគ្រឿងសម្អាងទាំងអស់ មានហានិភ័យដែលអ្នកប្រើប្រាស់ Bio‑Oil® Skincare Oil (Natural) អាចជួបប្រទះនូវប្រតិកម្មមិនល្អនៅពេលប្រើប្រាស់ផលិតផលនេះ។ ប្រសិនបើមានប្រតិកម្មមិនល្អកើតឡើង គួរតែឈប់ប្រើប្រាស់ផលិតផលនេះជាបន្ទាន់។ រោគសញ្ញានៃប្រតិកម្មមិនល្អលើស្បែកអាចរួមមាន កន្ទួល ហើម និងរលាក ដែលជាធម្មតាវាកើតឡើងនៅត្រង់តំបន់ដែលលាបផលិតផលនេះ។ ប្រតិកម្ម​ទាំងនេះ​អាច​មានដូចជា​រមាស់ និង​មិន​ស្រួលខ្លួន​បន្តិច​បន្តួច។ ក្នុងករណីភាគច្រើន ប្រតិកម្មមិនល្អនឹងថយចុះក្នុងរយៈពេលពីរទៅបីថ្ងៃបន្ទាប់ពីឈប់ប្រើប្រាស់ផលិតផលនេះ។ ស្បែកអាចមើលទៅស្ងួត និងបែកស្រកា នៅពេលដែលប្រតិកម្មថយចុះ រហូតទាល់តែវាត្រឡប់ទៅកាន់សភាពដើមវិញ ។ ប្រសិនបើមានកង្វល់អំពីការឆ្លើយតបចំពោះអាឡែស៊ីដែលអាចកើតមានដោយសារការប្រើប្រាស់ Bio‑Oil® Skincare Oil (Natural) យកល្អគួរធ្វើតេស្តមើលអាឡែស៊ីតាមបែបសាមញ្ញ។ តេស្តនេះធ្វើឡើងដោយលាបផិតផលនេះក្នុងបរិមាណបន្តិចបន្តួចលើកំភួនដៃខាងក្នុង ហើយរង់ចាំរយៈពេល 24 ម៉ោង ដើម្បីមើលថាតើមានប្រតិកម្មណាមួយកើតឡើងដែរឬទេ។ ការឡើងក្រហមនៃស្បែក (ភាពក្រហមលើស្បែក) ឬការហើមស្បែកបន្តិចបន្តួច (ហើម) អាចបង្ហាញនូវលទ្ធភាពនៃការឆ្លើយតបចំពោះអាឡែស៊ី។

Bio‑Oil® Skincare Oil (Natural) និងវត្ថុធាតុដើមជាគ្រឿងផ្សំរបស់វាត្រូវបានផលិតឡើងដោយអនុលោមតាមបទប្បញ្ញត្តិរបស់សហភាពអឺរ៉ុបស្ដីពីការធ្វើតេស្តលើសត្វសម្រាប់គោលបំណងផលិតគ្រឿងសម្អាង។ ទាំង Bio‑Oil® Skincare Oil (Natural) ឬគ្រឿងផ្សំណាមួយរបស់វាមិនត្រូវបានធ្វើតេស្តលើសត្វដោយ Bio‑Oil® ឬអ្នកផ្គត់ផ្គង់វត្ថុធាតុដើមរបស់វាណាមួយឡើយ។

Bio‑Oil® Skincare Oil (Natural) មិនមានសារធាតុផ្សំពីសត្វទេ។

នៅពេលលេប Bio‑Oil® Skincare Oil (Natural) ចូលដោយចៃដន្យ វាទំនងជាមិនមានផលប៉ះពាល់អវិជ្ជមានណាមួយក្រៅពីអារម្មណ៍ចង់ក្អួត និងរាគទេ ពីព្រោះ Bio‑Oil® Skincare Oil (Natural) មិនមានជាតិពុលឡើយ។ ប៉ុន្តែយកល្អគួរស្វែងរកការណែនាំពីគ្រូពេទ្យ ជាពិសេសក្នុងករណីដែលទារក ឬកុមារបានលេបចូលដោយចៃដន្យ។

Bio‑Oil® Skincare Oil (Natural) មានផ្ទុកកាឡិនឌូឡា, ឆាម៉ូម៉ាយល៍, ឡាវែនដឺរ ប៉ាត់ចួលី និងប្រេងចម្រាញ់ពីរុក្ខជាតរ៉ូសម៉ារី និងប្រេងសំខាន់ៗ ក៏ដូចជាវីតាមីន A នៅក្នុងទម្រង់ជាប្រេងរ៉ូសេហ៊ីបដែលសុទ្ធតែមានប្រតិកម្មស្រាល។ ការប៉ះពាល់នឹងពន្លឺថ្ងៃអាចបណ្តាលឱ្យមានការប្រែពណ៌ទៅតាមពេលវេលា។ ប៉ុន្តែវាទំនងជាមិនមានផលប៉ះពាល់ដល់ប្រសិទ្ធផលរបស់ផលិតផលនោះទេ។ ជាការប្រុងប្រយ័ត្ន ដបប្រេង Bio‑Oil® Skincare Oil (Natural) មានសារធាតុស្រូបកាំរស្មី UV ។ ប៉ុន្តែដូច្នេះហើយគេគួរតែរក្សាទុកផលិតផលនេះឱ្យឆ្ងាយពីពន្លឺថ្ងៃផ្ទាល់។

22 សីហា 2023