Bio‑Oil® / Bi-Oil® / Bioil®

ក្រុមហ៊ុន​ Bio‑Oil សិក្សាស្រាវជ្រាវ និង​អភិវឌ្ឍ​ផលិតផល​ឯកទេស​ថែរក្សាស្បែក ដោយ​ប្រើ​​ប្រេង​ដើម្បី​សម្រេច​បាន​ផលិតផលដែលមានគុណភាពខ្ពស់បំផុត។ ម៉ាកយីហោនេះត្រូវគេស្គាល់ឈ្មោះថា Bio‑Oil® នៅគ្រប់ប្រទេសទាំងអស់​ក្រៅតែពី​ប្រទេសអូទ្រីស សាធាសាធារណរដ្ឋឆែក បារាំង អាល្លឺម៉ង់ ស្លូវ៉ាគី និង​​ប្រទេស​ស្វីស​ ដែលម៉ាកយីហោនៃផលិតផលនេះគឺ Bi-Oil® និង​នៅ​ប្រទេស​ជប៉ុន​ ម៉ាកយីហោនៃផលិតផលនេះគឺ Bioil®

អំពី

នៅ​ឆ្នាំ 1987 ក្រុមហ៊ុន​ Bio‑Oil ជាក្រុមហ៊ុនដំបូងគេដែលប្រើ​​ប្រេង​ដើម្បីជួយបំបាត់​​​ស្លាកស្នាមនិង​ស្នាមសង្វារ។ នៅពេលនោះ ផលិតផល​ស្ទើរ​គ្រប់​ប្រភេទ​ទាំងអស់​ដែល​ដាក់លក់​គឺ​​ជាប្រភេទក្រែមឬក៏ជាឡូសិន ហើយអ្នកប្រើប្រាស់មានមន្ទិលសង្ស័យចំពោះ​ផលិតផល​ប្រភេទ​នេះ​។​ សព្វថ្ងៃ ផលិតផល​នេះបាន​ក្លាយ​ទៅ​ជា​ប្រភេទ​ផលិតផល​បំបាត់​ស្លាកស្នាមនិង​ស្នាមសង្វារឈានមុខ​គេ​នៅលើ​ពិភពលោក។ នៅ​ឆ្នាំ 2010 ក្រុមហ៊ុន Bio‑Oil បាន​បង្កើត​មន្ទីរ​ពិសោធន៍​ឯកទេស​មួយ​ដែល​ផ្ដោត​​សំខាន់ទៅ​លើ​ការសិក្សាស្រាវជ្រាវ​អំពីរបៀបដែលគេអាចប្រើប្រាស់​ប្រេង​ដើម្បី​ព្យាបាល​​បញ្ហា​ស្បែកផ្សេងៗ។ នៅ​ឆ្នាំ 2018 ក្រុមហ៊ុន​បានណែនាំឲ្យស្គាល់រូបមន្តផ្សំអំពីប្រេងសម្រាប់ព្យាបាលស្បែកស្ងួត។ នៅ​ត្រីមាស​ទី​៣ ​ឆ្នាំ 2020 កំណែផលិតផលបំបាត់ស្លាកស្នាមនិងស្នាមសង្វារដើមបែបធម្មជាតិរបស់ក្រុយហ៊ុន Bio‑Oil នឹងត្រូវចេញលក់នៅលើទីផ្សារ។ កិច្ចការ​អភិវឌ្ឍន៍​ភាគច្រើន​បំផុត​ក្នុងទសវត្សរ៍កន្លងមករបស់​មន្ទីរ​ពិសោធន៍​នេះនឹងចាប់ផ្តើមដំណើរការនៅ​ឆ្នាំ 2021 ខាងមុខនេះ។ ក្រុមហ៊ុន Bio‑Oil ផ្ដោត​ជាសំខាន់​ទៅ​លើ​ការសិក្សាស្រាវជ្រាវនិង​អភិវឌ្ឍន៍ ចំណែកឯការលក់និងចែកចាយផលិតផលរបស់ខ្លួនត្រូវបានផ្តល់អាជ្ញាបណ្ណទៅឲ្យក្រុមហ៊ុនថែរក្សាស្បែកល្បីៗជុំវិញពិភពលោក។ ដើម្បីជ្រាបនូវព័ត៌មានស្ដីពីផលិតផលនានារបស់ក្រុមហ៊ុន Bio‑Oil សូម​មេត្តា​អញ្ជើញ​ទៅ​កាន់​ឱសថស្ថាន​នៅ​តាម​មូលដ្ឋាន​របស់លោកអ្នក។ វិស័យនៃការស្រាវជ្រាវរបស់ Bio‑Oil មានលម្អិត​​ជូន​ដូច​តទៅ។

ស្លាកស្នាមនិង​ស្នាម​សង្វារ

ជាតិ​ប្រេង​មាន​សមត្ថភាពពិសេសក្នុងការថែបំប៉នស្បែក។ គេមិនបានដឹងច្បាស់អំពីរបៀបនិងមូលហេតុរបស់វាឡើយ ពីព្រោះភាគច្រើនគេដឹងអំពីអត្ថប្រយោជន៍របស់ប្រេងតែតាមរយៈការនិយាយតៗគ្នាប៉ុណ្ណោះ។ ប្រេង​ថែរក្សា​ស្បែក Bio‑Oil® ធ្លាប់ជា​ផលិតផល​​មួយ​ក្នុង​ចំណោម​ផលិតផល​ដំបូង​ដែល​បានដាក់ជាតិ​ប្រេង​ចូល​ទៅ​ក្នុង​ការព្យាបាល​សាកល្បង និង​បញ្ជាក់ឲ្យឃើញ​ច្បាស់​ថា វា​អាច​ជួយបំបាត់​ស្លាកស្នាមនិង​ស្នាម​សង្វារបានពិតមែន។ ព្រោះតែ​ការព្យាបាល​សាកល្បង​ទាំងនេះទទួលជោគជ័យ ​ទើបញ៉ាំង​ឲ្យ​វេជ្ជបណ្ឌិតនិង​ឱសថការីនានា​នៅ​ជុំវិញ​ពិភពលោក​​ចាប់ផ្ដើម​ណែនាំឲ្យស្គាល់​ផលិតផល​​នេះ។ សព្វថ្ងៃនេះ ​ប្រេង​ថែរក្សា​ស្បែក Bio‑Oil® គឺ​ជា​ផលិតផល​បំបាត់​​ស្លាកស្នាមនិង​ស្នាម​សង្វារឈានមុខគេនៅ​លើ​ពិភព​លោកដោយ​ទទួលបានពានរង្វាន់ផ្នែក​ថែរក្សា​ស្បែក​​ជាង 400 ពានរង្វាន់។ បច្ចុប្បន្ន ក្រុមហ៊ុន​ Bio‑Oil កំពុងផលិតប្រេង​ ថែរក្សា​ស្បែក Bio‑Oil® បែបធម្មជាតិ។ ផលិតផល​នេះ​កំពុង​ស្ថិត​ក្នុង​ដំណើរការព្យាបាលសាកល្បង ហើយរំពឹងថានឹងចេញលក់នៅត្រីមាសទី 3 ឆ្នាំ 2020 នេះ។

ស្បែកស្ងួត

ប្រសិនបើ​អ្នក​ចាក់​ប្រេងនិង​ទឹក​ទៅ​ក្នុង​កែវ នោះ​ប្រេង​នឹង​អណ្ដែត​ឡើង​លើ និង​បញ្ឈប់​​រំហួតរបស់ទឹក។ ដូចគ្នានេះដែរ ស្បែករក្សាសំណើមរបស់វាដោយផលិតស្រទាប់ប្រេងដែលមិនអាចមើលឃើញនៅលើផ្ទៃស្បែក។ វិធី​ដ៏​ប្រសើរ​បំផុត​ក្នុងការជួយ​ស្បែក​កុំឲ្យបាត់​បង់សំណើម គឺ​ត្រូវ​ផ្ដល់សារធាតុបំប៉នទៅលើ​ស្រទាប់​នេះ។ ផលិតផល​ព្យាបាល​ស្បែកស្ងួត​បែប​បុរាណ (ក្រែម ឡូសិន និង​បឺរ) មាន​ផ្ទុក​ជាតិ​ប្រេង ក្រមួន ឬ​ជាតិ​បឺរជាមធ្យម​ប្រហែល 20% ។ ជែល សម្រាប់​​ស្បែកស្ងួត Bio‑Oil® មាន​ 84%។ ចាប់តាំងពីចេញលក់លើទីផ្សារយៈពេល 18 ខែ​មក ជែលសម្រាប់​​ស្បែកស្ងួត Bio‑Oil® បាន​ឈ្នះពានរង្វាន់​ផលិតផល​ថែរក្សា​ស្បែក​ប្រចាំ​ឆ្នាំ​នៅ​ចក្រភព​អង់គ្លេស ប្រទេស​បារាំង អ៊ីតាលី និង​អេស្ប៉ាញ។

ការផ្ដល់សំណើមរាល់ថ្ងៃ

សំណើមប្រចាំថ្ងៃដែលប្រសើរបំផុតគួរតែជ្រាបចូលភ្លាមៗ និងមិនបន្សល់នូវកំណកខ្លាញ់ឡើយ ដោយធ្វើឲ្យយើងអាចស្លៀកពាក់បានភ្លាមៗ។ តាម​បច្ចេកទេស បញ្ហា​នេះ​លំបាក​ខ្លាំងណាស់ ពីព្រោះ​ការផ្ដល់សំណើមតម្រូវឲ្យមានស្រទាប់មួយនៅលើស្បែកដើម្បីជួយរក្សាសំណើមស្បែក។ Bio‑Oil បានអភិវឌ្ឍប្រេងបន្ទន់ស្បែកកម្រិតស្រាលសម្រាប់លាបប្រចាំថ្ងៃមួយប្រភេទ ដែលអាចជ្រាបចូលស្បែកយ៉ាងឆាប់រហ័ស ហើយបន្សល់ទុកនូវស្រទាប់ទន់រលោងមួយដែលមើលមិនឃើញនៅលើស្បែក។ ផលិតផលនេះកំពុង​ស្ថិត​ក្នុង​ដំណាក់កាលធ្វើតេស្តចុងក្រោយ ហើយរំពឹង​ថា​នឹង​ចេញលក់​នៅ​ត្រីមាស​ទី​ 1 ​ឆ្នាំ 2021។ ពុំ​ទាន់​មាន​ការសម្រេច​ដាក់​ឈ្មោះ​ផលិតផល​នេះ​នៅ​ឡើយ​ទេ។

ទឹកអប់

ក្លិនក្រអូប​គឺជា​ទម្រង់​នៃ​ការសម្អិតសម្អាង​ចុងក្រោយ​បង្អស់។ វាគឺជាគ្រឿងបន្ថែមចុងក្រោយ មិនសូវជាក់ស្ដែងទេ តែ​មាន​ឥទ្ធិពល​បំផុត។ ក្រុមហ៊ុន​ Bio‑Oil បាន​ចម្រាញ់ជាតិ​ប្រេង​ចេញ​ពី​ផ្កា​កូឡាប ផ្កា​ក្រូច និង​ផ្កា​ម្លិះ និង​កំពុងបំលែងជាស្ព្រាយបាញ់ខ្លួនសម្រាប់ប្រើជាគ្រឿងបន្ថែមចុងក្រោយក្នុងការតុបតែងកាយ។ កន្លងមក ការស្រាវជ្រាវទាំងអស់របស់ក្រុមហ៊ុន Bio‑Oil បាន​ផ្ដោត​​សំខាន់ទៅ​លើ​របៀប​ប្រើប្រាស់​​ប្រេង​ដើម្បី​ដោះស្រាយ​បញ្ហា​ស្បែក បច្ចុប្បន្ន ​ជា​លើក​ដំបូង​ហើយ​ដែល​ក្រុមហ៊ុន​ Bio‑Oil កំពុង​ស្រាវជ្រាវរកថាមពលរបស់ប្រេងសម្រាប់តែការលើកកម្ពស់គុណភាពប៉ុណ្ណោះ។ ទឹកអប់ទាំងនេះកំពុងស្ថិតនៅក្នុងដំណាក់កាលធ្វើតេស្ត ហើយរំពឹងថានឹងចេញលក់នៅត្រីមាសទី 2 ​ឆ្នាំ 2021។

ផលិតផល​ការពារ​ពន្លឺ​ថ្ងៃ​ផ្សំពី​វីតាមីន

ក្រុមហ៊ុន​ Bio‑Oil បាន​បង្កើត​ផលិតផល​ការពារ​ពន្លឺ​ថ្ងៃ​មួយ​ប្រភេទ​ដែល​សំបូរ​ដោយ​ជាតិ​វីតាមីន​ដើម្បី​ជួយ​បំប៉នរនាំង​ធម្មជាតិ​របស់​ស្បែក​នៅពេល​ត្រូវ​ពន្លឺថ្ងៃ។ វីតាមីន​ចម្រុះ SPF50 Bio‑Oil® កំពុង​ស្ថិត​ក្នុង​ដំណាក់កាល​ធ្វើតេស្តដំបូង ហើយរំពឹងថានឹងចេញលក់នៅ​ត្រីមាស​ទី​ 3 ​ឆ្នាំ 2021។

ការលាងសម្អាតថ្នមៗ

សាប៊ូនិង​ផលិតផល​ខាត់ស្បែកដែលមាន​​សមាសភាគផ្សំកម្រិតខ្លាំងធ្វើ​ឲ្យ​របក​ស្បែក​ ដោយធ្វើ​ស្បែកពិបាក​នឹង​ព្យាបាលខ្លួន​វា​ឡើងវិញ។ មានមនុស្សជាច្រើនពុំដឹងថាផលិតផលនេះមានផល​ប៉ះពាល់អ្វីខ្លះចំពោះស្ថានភាព​ស្បែក​របស់​ពួកគេឡើយ។​ អាស្រ័យហេតុនេះ ការដុសលាង​ថ្នមៗគឺជាជំហានដំបូងក្នុងការថែបំប៉នស្បែកដែលបាត់បង់លក្ខណៈធម្មជាតិរបស់វា។ ក្រុមហ៊ុន​ Bio‑Oil មាន​ប្រេងខាត់ស្បែកស្រទន់ខ្លាំង ដែលកំពុងស្ថិតនៅក្នុងការធ្វើតេស្តដំបូង។ ពុំ​ទាន់​មាន​ការសម្រេច​ដាក់​ឈ្មោះ​ផលិតផល​នេះ​នៅ​ឡើយ​ទេ។

ចប់: ​បច្ចុប្បន្នភាព​​ចុងក្រោយ​ ​ថ្ងៃ​ទី 9 មិថុនា 2020





វ៉ិបសៃថ៍​នេះ​ប្រើឃុកឃីស៍ដូច​ដែល​បាន​បរិយាយ​នៅ​ក្នុង​ផ្នែក ​គោលការណ៍​​សិទ្ធិឯកជន របស់យើង។ បើអ្នក​យល់ព្រម​ចំពោះ​ការប្រើ​ប្រាស់ឃុកឃីស៍ទាំងនេះ សូមចុចទទួលយក។
ទទួលយក
គោលការណ៍​សិទ្ធិឯកជន

ដើម្បីឲ្យវ៉ិបសៃថ៍នេះបង្ហាញនៅលើឧបករណ៍របស់អ្នកបានត្រឹមត្រូវ យើងនឹងប្រើប្រាស់ព័ត៌មានលម្អិតកម្មវិធីរុករករបស់អ្នក។ តែបើអ្នកទទួលយកការប្រើប្រាស់ឃុកឃីស៍របស់យើង យើងនឹងដាក់ឯកសារទិន្នន័យតូចៗនៅលើឧបករណ៍របស់អ្នកដែលធ្វើឲ្យយើងអាចចងចាំទីតាំង សកម្មភាព និងចំណង់ចំណូលចិត្តរបស់អ្នក ដើម្បីឲ្យយើងអាចកែលម្អបទពិសោធន៍ប្រើប្រាស់របស់។ ក្រៅពីសម្រាប់ការប្រើប្រាស់ខាងលើនេះ យើងនឹងមិនចែករំលែកទិន្នន័យរបស់អ្នកជាមួយភាគីទីបីឡើយ លុះណាតែច្បាប់តម្រូវឲ្យធ្វើដូច្នេះ។