Bio‑Oil®

Body Lotion 175ml
Body Lotion 250ml

បង្កើនការផ្ដល់សំណើមស្បែកគួរឲ្យកត់សម្គាល់។

សារធាតុរាវពណ៌ស។

ឡេដែលមានសារធាតុផ្សំធ្វើឲ្យស្ទះ 42% និងធាតុរក្សាសំណើម 14%។

Aqua, Dimethicone, Isopropyl Palmitate, Ethylhexyl Cocoate, Isododecane, Isopropyl Myristate, Urea, Polyglyceryl-2 Dipolyhydroxystearate, Glycerin, Pentylene Glycol, Dicaprylyl Carbonate, Polyglyceryl-3 Diisostearate, Sodium Lactate, Dipentaerythrityl Hexacaprylate / Hexacaprate, Gluconolactone, Rosa Canina Fruit Oil, Simmondsia Chinensis Seed Oil, Calendula Officinalis Extract, Butyrospermum Parkii Oil, Helianthus Annuus Seed Oil, Glycine Soja Oil, Isostearyl Isostearate, Bisabolol, Octyldodecyl PCA, Retinyl Palmitate, Tocopheryl Acetate, Linoleic Acid, Linolenic Acid, Tocopherol, Sodium PCA, Sodium Hyaluronate, Lactic Acid, Stearalkonium Hectorite, Propylene Carbonate.

Bio‑Oil® Body Lotion បានឆ្លងកាត់រង្វាយតម្លៃសុវត្ថិភាពពីអ្នកឯកទេសជាតិពុលដែលមានលក្ខណៈសម្បត្តិគ្រប់គ្រាន់ ហើយត្រូវបានចាត់ថ្នាក់ថាមានសុវត្ថិភាពសម្រាប់ការប្រើប្រាស់ដោយមនុស្សពេញវ័យដូចជាស្ត្រីមានផ្ទៃពោះ និងបំបៅកូនដោយទឹកដោះ និងកុមារអាយុលើសពី 3 ឆ្នាំ។

មជ្ឈមណ្ឌលធ្វើតេស្ត Complife Italia Srl ប្រទេសអ៊ីតាលី។ វត្ថុបំណង ការវាយតម្លៃគ្លីនិកដើម្បីធ្វើតេស្តប្រសិទ្ធផលរបស់ Bio‑Oil® Body Lotion ក្នុងការបង្កើនការផ្ដល់សំណើមស្បែក។ សំណាក អ្នកចូលរួម៖ អ្នកចូលជារួមស្ត្រីដែលមានសុខភាពល្អចំនួន 30 នាក់ដែលមានប្រភេទស្បែក Fitzpatrick II-V និងបង្ហាញតាមបែបគ្លីនិកថាមានស្បែកស្ងួត/ស្ងួតខ្លាំងនៅត្រង់កម្រិតនៃកំភួនជើងផ្នែកខាងក្រៅ។ កន្លែងសាកល្បង៖ ផលិតផលសាកល្បងបានលាបលើកំភួនជើងខាងក្រៅរបស់អ្នកចូលរួមទាំងអស់។ អាយុអ្នកចូលរួម៖ 25–65 ឆ្នាំ។ វិធីសាស្ត្រ ការសិក្សាបែងចែករាងកាយ ដែលអ្នកវាយតម្លៃមិនដឹង តាមចៃដន្យ និងប្រើឧបករណ៍គ្លីនិកដែលមានការគ្រប់គ្រង។ អ្នកចូលរួមបានលាងជើងរបស់ខ្លួនជាមួយសាប៊ូ ដើម្បីធ្វើឱ្យស្បែកស្ងួតក្នុងរយៈពេល 7 ថ្ងៃ។ ការវាយតម្លៃបែបគ្លីនិកតាមមូលដ្ឋានទិន្នន័យ និងប្រើឧបករណ៍ត្រូវបានធ្វើឡើង។ Bio‑Oil® Body Lotion ត្រូវបានលាបចំនួនពីរដងក្នុងមួយថ្ងៃរយៈពេល 28 ថ្ងៃ នៅលើប្រអប់ជើងផ្នែកខាងក្រោមដែលបានកំណត់ ហើយជើងម្ខាងទៀតមិនបានព្យាបាល។ ការវាយតម្លៃគ្លីនិក និងការវាយតម្លៃដោយប្រើឧបករណ៍ត្រូវបានធ្វើឡើងនៅថ្ងៃទី 1, 3, 6, 8, 10, 14, 21 និង 28 ។ កន្លែងមិនបានព្យាបាលដែលមានការគ្រប់គ្រងក៏ត្រូវបានវាយតម្លៃគ្រប់ចំណុចពេលវេលាផងដែរ។ អ្នកចូលរួមត្រូវបានចាត់ថ្នាក់តាមបែបគ្លីនិកសម្រាប់ភាពស្ងួត (លើមាត្រដ្ឋានពី 0 ដល់ 5) ដោយអ្នកវាយតម្លៃផ្ទាល់ភ្នែកដែលមានការបណ្តុះបណ្តាល។ រង្វាស់បរិមាណវិស័យអំពីស្បែកស្ងួតតាមរយៈការប្រើប្រដាប់វាស់ស្បែក។ រង្វាស់បរិមាណវិស័យនៃការបាត់បង់ជាតិទឹកលើស្បែក (TEWL) ជាសូចនាករនៃមុខងារបង្អាក់គឺដោយប្រើប្រដាប់វាស់ជាតិទឹក។ លើសពីនេះទៀត កម្រងសំណួរស្វ័យរង្វាយតម្លៃត្រូវបានបញ្ចប់នៅថ្ងៃទី 8 និង 14 ។ លទ្ធផល ដោយធៀបទៅនឹងតំបន់មិនបានព្យាបាល ការព្យាបាលដោយប្រើ Bio‑Oil® Body Lotion បានធ្វើឱ្យមានភាពប្រសើរឡើងគួរឱ្យកត់សម្គាល់តាមស្ថិតិក្នុងការវាយតម្លៃបែបគ្លីនិកនៃភាពស្ងួត ការវាស់ស្ទង់ដោយប្រើប្រដាប់វាស់ជាតិទឹក និងប្រដាប់វាស់ស្បែកចាប់ពីថ្ងៃទី 1 និងគ្រប់ចំណុចពេលវេលាទាំងអស់។ សម្រាប់ការវាយតម្លៃបែបគ្លីនិកអំពីភាពស្ងួត ការរីកចម្រើនគួរឱ្យកត់សម្គាល់តាមស្ថិតិត្រូវបានបង្ហាញឱ្យឃើញសម្រាប់អ្នកចូលរួមចំនួន 96.7% ចាប់ពីថ្ងៃទី 14 មក ការរីកចម្រើនដែលគួរឲ្យកត់សម្គាល់នៅថ្ងៃទី 1 មានចំនួនស្ទើតែទ្វេដង។ បន្ទាប់ពីប្រើប្រាស់បាន 28 ថ្ងៃ អ្នកចូលរួមចំនួន 100% បានបង្ហាញពីកំណើននៃការផ្ដល់សំណើមស្បែកគួរឲ្យកត់សម្គាល់ ដោយទំហំនៃភាពប្រសើរឡើងស្ទើរតែ 4 ដងនៃថ្ងៃទី 1 ។ ស្រដៀងគ្នានេះដែរ បន្ទាប់ពីប្រើប្រាស់បានរយៈពេល 28 ថ្ងៃ អ្នកចូលរួមចំនួន 100%បានបង្ហាញពីការថយចុះគួរឱ្យកត់សម្គាល់នូវ TEWL ដោយទំហំនៃភាពប្រសើរឡើងលើសពីថ្ងៃទី 1 ជាងពីរដង។ ការរកឃើញទាំងនេះត្រូវបានគាំទ្រដោយលទ្ធផលនៃកម្រងសំណួរស្វ័យរង្វាយតម្លៃ។

មជ្ឈមណ្ឌលធ្វើតេស្ត Ayton Global Research ចក្រភពអង់គ្លេស។ វត្ថុបំណង ដើម្បីវាយតម្លៃប្រសិទ្ធផលរបស់ Bio‑Oil® Body Lotion ជាក្រែមផ្តល់សំណើមដល់រាងកាយ។ សំណាក អ្នកចូលរួម៖ អ្នក​ចូលរួម​ជាស្រ្តីចំនួន​ 119 នាក់មាន​សុខភាព​ល្អ ។ អាយុអ្នកចូលរួម៖ 25–65 ឆ្នាំ។ វិធីសាស្ត្រ ការសាកល្បងលើអ្នកប្រើប្រាស់នៅផ្ទះរយៈពេល 2 សប្តាហ៍ ការដាក់តែមួយ។ អ្នកចូលរួម​ត្រូវ​បាន​ណែនាំ​ឱ្យ​លាប​ផលិតផល​ចំនួន២​ដង​ក្នុង​មួយថ្ងៃ នៅពេល​ព្រឹក និង​ល្ងាច​។ ម៉ាស្សា​លើ​ស្បែក​រហូត​ដល់វា​ស្រូប​ចូល​អស់។ កម្រងសំណួរខ្លីចំនួនបីត្រូវបានបញ្ចប់៖ ទីមួយបន្ទាប់ពីប្រើប្រាស់លើកដំបូង ទីពីរបន្ទាប់ពីប្រើប្រាស់បាន 12 ម៉ោង និងទីបីបន្ទាប់ពីប្រើប្រាស់ផលិតផលនេះបាន 2 សប្តាហ៍។ លទ្ធផល ការប្រើប្រាស់៖ អ្នកចូលរួមចំនួន 95% បានយល់ស្របថា "ផលិតផលនេះគឺស្រាលជាងក្រែមផ្ដល់សំណើមទាំងឡាយដែលពួកគេធ្លាប់បានប្រើពីមុន" ។ អ្នកចូលរួមចំនួន 93% បានយល់ស្របថា ''ផលិតផលនេះងាយជ្រាបជាងក្រែមផ្ដល់សំណើមទាំងឡាយដែលពួកគេធ្លាប់បានប្រើពីមុន'' ។ ការស្រូប៖ អ្នកចូលរួមចំនួន 82% បានយល់ស្របថា "ផលិតផលនេះងាយជ្រាបចូលជាងក្រែមផ្ដល់សំណើមទាំងឡាយដែលពួកគេធ្លាប់បានប្រើពីមុន"។ អ្នកចូលរួមចំនួន 75% បានយល់ស្របថា "ផលិតផលនេះឆាប់ជ្រាបចូលជាងក្រែមផ្ដល់សំណើមទាំងឡាយដែលពួកគេធ្លាប់បានប្រើពីមុន"។ អ្នកចូលរួមចំនួន 74% បានយល់ស្របថា ''ផលិតផលនេះមិនបន្សល់សំណល់ខ្លាញ់បន្ទាប់ពីលាបរួច''។ អ្នកចូលរួមចំនួន 86% បានយល់ស្របថា "បន្ទាប់ពីលាបផលិតផលនេះរួចពួកគេអាចស្លៀកពាក់បានភ្លាមៗ"។ ជាតិទឹក៖ អ្នកចូលរួមចំនួន 93% បានយល់ស្របថា "ផលិតផលនេះធ្វើឱ្យស្បែកមានអារម្មណ៍ថាមានសំណើមភ្លាមៗ"។ អ្នកចូលរួមចំនួន 92% បានយល់ស្របថា ''បន្ទាប់ពីលាបផលិតផលនេះ ស្បែករបស់ពួកគេមានអារម្មណ៏ថារលោង និងស្រទន់''។ អ្នកចូលរួមចំនួន 90% បានយល់ស្របថា "ស្បែករបស់ពួកគេមានអារម្មណ៍ថាមានសំណើមពេញមួយថ្ងៃ" ហើយ 91% បានយល់ស្របថា "ស្បែករបស់ពួកគេមានអារម្មណ៍រលោងនិងស្រទន់ពេញមួយថ្ងៃ"។ អ្នកចូលរួមចំនួន 92% បានយល់ស្របថា "ស្បែករបស់ពួកគេមើលទៅល្អជាងនៅពេលចាប់ផ្ដើមប្រើរយៈពេល 2 សប្តាហ៍"។ ជាទូទៅ៖ អ្នកចូលរួមចំនួន 73% បានយល់ស្របថា "ផលិតផលនេះល្អជាងក្រែមផ្ដល់សំណើមទាំងឡាយដែលពួកគេធ្លាប់បានប្រើពីមុន"។

មជ្ឈមណ្ឌលធ្វើតេស្ត Complife Italia Srl ប្រទេសអ៊ីតាលី។ វត្ថុបំណង ដើម្បីវាយតម្លៃអំពីលទ្ធភាពរបស់ Bio‑Oil® Body Lotion ដែលអាចបណ្តាលឱ្យមានការរមាស់ស្បែក។ សំណាក អ្នកចូលរួម៖ អ្នកចូលរួម 25 នាក់ បុរស 3 នាក់ និងស្រ្តី 22 នាក់ សុទ្ធតែមានស្បែកងាយរងប្រតិកម្ម ដោយផ្អែកលើការធ្វើតេស្តរកជាតិឡាទិកអាស៊ីដ។ អាយុអ្នកចូលរួម៖ 18–70 ឆ្នាំ។ វិធីសាស្ត្រ ការសិក្សាដែលបានគ្រប់គ្រង។ តំបន់ពីរត្រូវបានវាយតម្លៃ៖ តំបន់ដែលត្រូវគ្រប់គ្រងអវិជ្ជមាន (ទឹកគ្មានជាតិរ៉ែ) និងតំបន់ដែលលាប Bio‑Oil® Body Lotion ។ ផលិតផលសាកល្បងត្រូវបានលាបនៅតំបនខ្នងរបស់អ្នកចូលរួម ដោយលាបលើផ្ទៃស្បែករយៈពេល 48 ម៉ោងដោយប្រើ Finn Chamber®។ ប្រតិកម្ម​ស្បែក​ត្រូវ​បាន​​វាយ​តម្លៃ​ក្រោម​ការ​ត្រួត​ពិនិត្យ​ពី​គ្រូពេទ្យ​ជំនាញរោគ​សើស្បែក ដើម្បី​វាយតម្លៃអំពីការរមាស់ស្បែកបឋម​នៅ​រយៈពេល 15 នាទី 1 ម៉ោង និង 24 ម៉ោង​បន្ទាប់​ពី​បកបន្ទះតេស្ត​ចេញ។ ប្រតិកម្មស្បែកត្រូវបានវាយតម្លៃលើមាត្រដ្ឋានពី 0-4 (ដោយ 0 មិនមានភាពក្រហមស្បែក ការហើម ឬការរមាស់ស្បែកប្រភេទផ្សេងទៀត និង 4 គឺភាពក្រហមស្បែក និងហើមធ្ងន់ធ្ងរ ដែលបង្ហាញពីលក្ខណៈក្រហមជាំ និងការហើមហួសពីតំបន់ដែលបានលាប)។ លទ្ធផល ភាពធន់របស់ស្បែកដោយប្រើ Bio‑Oil® Body Lotion ត្រូវបានចាត់ទុកថា ''មិនរមាស់''។

មជ្ឈមណ្ឌលធ្វើតេស្ត Complife Italia Srl ប្រទេសអ៊ីតាលី។ វត្ថុបំណង ដើម្បីវាយតម្លៃលទ្ធភាពនៃស្នាមអុជខ្មៅដោយសារការប្រើ Bio‑Oil® Body Lotion ។ សំណាក អ្នកចូលរួម៖ អ្នកចូលរួមជាតិសាសន៍ផ្សេងចំនួន 20 នាក់ ស្ត្រី​ 14 នាក់ និង​បុរស​ 6 នាក់​ដែលមានស្បែកងាយកើតមុន។ អាយុអ្នកចូលរួម៖ 18–65 ឆ្នាំ។ វិធីសាស្ត្រ ការសិក្សាដែលបានគ្រប់គ្រង។ ផលិតផលនេះត្រូវបានលាបនៅលើថាសនៃក្រដាសតម្រងបិទនៅតំបន់ខ្នងផ្នែកខាងលើរបស់អ្នកចូលរួម។ បន្ទះតេស្តត្រូវបានទុកចោលរយៈពេលពី 48 ទៅ 72 ម៉ោង បានបកចេញ ហើយបិទម្តងទៀត។ បន្ទះតេស្តសរុបចំនួន 12 ត្រូវបានបិទពីលើរយៈពេល 4 សប្តាហ៍ជាប់គ្នា។ តំបន់ចំនួនបីត្រូវបានវាយតម្លៃដោយធៀបការគ្រប់គ្រងអវិជ្ជមាន (ទឹកដែលគ្មានជាតិរ៉ែ) ផលិតផលសាកល្បង (Bio‑Oil® Body Lotion) និងការត្រួតពិនិត្យវិជ្ជមាន (ឡាណូលីន អាល់កុលដែលជាផលិតផលបំបាត់ស្នាមអុជខ្មៅដ៏ល្បី)។ ប្រតិកម្មស្បែកត្រូវបានវាយតម្លៃតាមគ្លីនិកក្រោមការត្រួតពិនិត្យរបស់គ្រូពេទ្យជំនាញរោគសើស្បែករយៈពេល 15 នាទីបន្ទាប់ពីបកបន្ទះតេស្តនីមួយៗចេញដើម្បីប្រៀបធៀបវត្តមាននៃស្នាមអុជខ្មៅ មុននិងក្រោយពេលប្រើផលិតផលនីមួយៗ។ លទ្ធផល Bio‑Oil® Body Lotion ត្រូវបានរកឃើញថាជាសារធាតុមិនបង្កស្នាមអុជខ្មៅ។ កន្លែងដែលលាប Bio‑Oil® Body Lotion មិនមានភាពខុសប្លែកគ្នាខ្លាំងចំពោះតំបន់គ្រប់គ្រងអវិជ្ជមាននោះទេ។ មុនដែលកើតឡើងដោយការគ្រប់គ្រងវិជ្ជមាន។

មជ្ឈមណ្ឌលធ្វើតេស្ត Union Swiss, អាហ្វ្រិកខាងត្បូង។ វត្ថុបំណង ការសិក្សាផ្ទៃក្នុងដើម្បីវាយតម្លៃភាពស្អិតខាប់ឌីណាមិកនៃ Bio‑Oil® Body Lotion ដោយប្រៀបធៀបទៅនឹងផលិតផលផ្តល់សំណើមស្រដៀងគ្នា។ សំណាក ការប្រៀបធៀប Bio‑Oil® Body Lotion ទៅនឹងផលិតផលផ្តល់សំណើមចំនួន 13 ដែលផលិតដោយម៉ាកល្បីៗលំដាប់ពិភពលោកចំនួន 10 ដែលមានប្រវត្តិសាស្រ្តយូរអង្វែងក្នុងការផ្តល់សំណើម។ វិធីសាស្ត្រ ភាពស្អិតខាប់ឌីណាមិក្តត្រូវបានអានដោយប្រើរ៉េអូម៉ែត្រ Anton Paar RheoLab QC ដោយប្រើកង់បង្វិល CC 39 ល្បឿន៖ 200 ជុំ/នាទី នៅ 20C, អត្រាកាត់: 155។ លទ្ធផល Bio‑Oil® Body Lotion ត្រូវបានគេរកឃើញថាមានមធ្យមភាគភាពស្អិតខាប់ឌីណាមិកទាបជាង 7.5 ដងនៃផលិតផលគូប្រកួតប្រជែង (94 mPa.s vs. 707 mPa.s រៀងៗខ្លួន) ដែលបង្ហាញពីវត្ថុរាវស្តើង និងស្រាលជាង ដែលងាយស្រូបចូល និងលឿនជាង។

របៀបប្រើប្រាស់ គួរតែប្រើ Bio‑Oil® Body Lotion ម៉ាស្សាក្នុងចលនាជារង្វង់លើរាងកាយរហូតដល់វាស្រូបចូលទាំងស្រុង។ យកល្អគួរលាប Bio‑Oil® Body Lotion ពីរដងក្នុងមួយថ្ងៃ នៅពេលព្រឹក និងពេលល្ងាច។ មិនគួរលាប Bio‑Oil® Body Lotion លើមុខរបួសដែលមិនទាន់សះ ឬស្បែករយះឡើយ។ គេប្រើវាសម្រាប់ជាគ្រឿងសម្អាងលាបផ្ទាល់ប៉ុណ្ណោះ។ ក្រឡុកមុនពេលប្រើប្រាស់ Bio‑Oil® Body Lotion គឺជាសារធាតុលាយចូលគ្នាជាសាច់មួយដែលទឹក និងប្រេងត្រូវបានចងភ្ជាប់គ្នាយ៉ាងស្រាលបំផុត។ ស្រាលពេករហូតដល់នៅពេលដែលបណ្ដាលឲ្យប្រេងខ្លះផុសឡើងលើផ្ទៃផលិតផលដោយបង្កើតបានជាស្រទាប់ស្តើង។ ស្រទាប់ប្រេងនឹងបំបែកចូលទៅក្នុងឡេវិញដោយការក្រឡុកប្រេងនេះថ្នមៗមុនពេលប្រើ។ ការបង្កើតស្រទាប់អាចចំណាយពេលប្រហែលពី 3 ថ្ងៃទៅ 3 សប្តាហ៍ និងអាស្រ័យលើកត្តានានាដូចជាសីតុណ្ហភាព បញ្ហាថាតើដបត្រូវបានក្រឡុកខ្លាំងនិងញឹកញាប់ប៉ុនណា។ សកម្មភាពប្រើប្រាស់ផលិតផលនេះរាល់ថ្ងៃ ដោយផ្កាប់ដបចុះក្រោមនៅពេលបាញ់ គឺលើសពីគ្រប់គ្រាន់ដើម្បីធានាថាស្រទាប់ប្រេងនេះមិនមានកំណឡើយ។ ប្រសិនបើស្រទាប់ប្រេងបានកើតឡើង ហើយផលិតផលត្រូវបានបាញ់ដោយមិនក្រឡុកដប នោះល្បាយប្រេងថ្លាមួយអាចហូរចេញពីដប។ នេះមិនមែនជាហានិភ័យសុវត្ថិភាពចំពោះអ្នកប្រើប្រាស់ទេ។ រយៈពេលប្រើប្រាស់ ការសាកល្បងព្យាបាលដោយប្រើ Bio‑Oil® Body Lotion ត្រូវបានធ្វើឡើងក្នុងរយៈពេល 4 សប្តាហ៍ ដោយទុកឱ្យគេវាយតម្លៃអំពីប្រសិទ្ធផលនៃផលិតផលនេះតាមពេលវេលា។ ការវិភាគតាមស្ថិតិបង្ហាញពីការរីកចម្រើនគួរឱ្យកត់សម្គាល់អំពីលក្ខណៈរបស់ស្បែកបន្ទាប់ពីប្រើប្រាស់បាន 24 ម៉ោង ហើយបង្ហាញថាការរីកចម្រើននេះត្រូវបានរក្សាទុកសម្រាប់រយៈពេលនៃការសាកល្បង។ ប៉ុន្តែ Bio‑Oil® Body Lotion អាចត្រូវបានប្រើប្រាស់ជាបន្តសម្រាប់លក្ខណៈផ្តល់សំណើម និងចិញ្ចឹមស្បែក ដែលធ្វើឱ្យវាក្លាយជាផ្នែកមួយនៃទម្លាប់ថែរក្សាស្បែកប្រចាំថ្ងៃ។ ប្រើប្រាស់ស្របជាមួយទម្លាប់ថែរក្សាស្បែក ដើម្បីឲ្យមានការស្រូបចូលច្រើនបំផុត គេគួរតែលាប Bio‑Oil® Body Lotion លើស្បែកស្អាតបន្ទាប់ពីងូតទឹករួច។ ប្រសិនបើលាបឡេការពារកម្ដៅថ្ងៃ ឬក្រែមផ្សេងទៀត ចូរលាបតែនៅពេលដែល Bio‑Oil® Body Lotion ត្រូវបានស្រូបចូលទៅក្នុងស្បែកអស់ប៉ុណ្ណោះ។ ប្រើ​ប្រាស់អំឡុងពេលមានផ្ទៃពោះ Bio‑Oil® Body Lotion មានសុវត្ថិភាពក្នុងការប្រើប្រាស់នៅអំឡុងពេលមានផ្ទៃពោះ។ វីតាមីន A និងផ្ទៃពោះ ជាធម្មតា យកល្អស្ត្រីគួរតែកំណត់អាហារបំប៉នដែលមានផ្ទុកវីតាមីន A អំឡុងពេលមានផ្ទៃពោះ ដូច្នេះហើយអាចមានការព្រួយបារម្ភអំពីការប្រើប្រាស់ផលិតផលថែរក្សាស្បែកដែលមានផ្ទុកវីតាមីន A។ សារធាតុទាំងឡាយណាដែលលាបលើស្បែកគឺមានគ្រោះថ្នាក់តែប្រសិនបើសារធាតុនោះមានលើសពីកម្រិតកំណត់ជាតិពុលរបស់វា។ ដោយសារតែស្បែកជារបាំងយ៉ាងសំខាន់សម្រាប់ការពារការជ្រាបចូល នោះមានតែវីតាមីន A ដែលលាបលើស្បែកមួយភាគប៉ុណ្ណោះដែលចូលទៅក្នុងខ្លួន។ គណៈកម្មាធិការវិទ្យាសាស្ត្ររបស់គណៈកម្មការអឺរ៉ុបស្តីពីសុវត្ថិភាពអ្នកប្រើប្រាស់ (SCCS) បានវាយតម្លៃអំពីវីតាមីន A និងអេស្ទែររបស់វា នៅពេលប្រើប្រាស់ជាធាតុផ្សំគ្រឿងសម្អាង។ មតិរបស់ SCCS គឺថាការប្រើប្រាស់វីតាមីន A នៅក្នុងឡេលាបខ្លួន ដែលមានកំហាប់អតិបរមារហូតដល់ 0.05% នៃរ៉េទីណុលដែលសមមូលគឺមានសុវត្ថិភាព។ វីតាមីន A ដែលមាននៅក្នុងការបង្កើតរូបមន្ត Bio‑Oil® Body Lotion គឺស្ថិតនៅកម្រិតមួយទាបជាងកំហាប់អតិបរមាដែលអាចអនុញ្ញាតនេះឆ្ងាយណាស់សម្រាប់ឡេលាបខ្លួន ហើយអាចប្រើដោយសុវត្ថិភាពពេញមួយអំឡុងពេលមានផ្ទៃពោះ។ ប្រើប្រាស់ពេលកំពុងបំបៅដោះកូន Bio‑Oil® Body Lotion មានសុវត្ថភាពសម្រាប់ប្រើលើដងខ្លួនក្នុងពេលបំបៅដោះកូន ប៉ុន្តែហាមលាបវានៅលើក្បាលដោះ។ ទោះបីហាក់ដូចជាមិនមានផលប៉ះពាល់ក៏ដោយ ក៏ទារកតូចៗឆាប់មានប្រតិកម្មណាស់ និងមិនគួរលេប Bio‑Oil® Body Lotion ចូលក្នុងមាត់ឡើយទោះបីក្នុងបរិមាណតិចតួចក៏ដោយ។ ប្រើប្រាស់លើទារកនិងកុមារ សុវត្ថិភាពក្នុងការប្រើប្រាស់ Bio‑Oil® Body Lotion លើកុមារក្រោមអាយុ 3 ឆ្នាំមិនត្រូវបានវាយតម្លៃនោះទេ។ បន្ទាប់ពីកើតបានពីរបីឆ្នាំដំបូង រាងកាយរបស់មនុស្សមានការប្រែប្រួលច្រើនដូចជាការអភិវឌ្ឍប្រព័ន្ធភាពស៊ាំជាដើម។ ដូច្នេះយកល្អគួរតែប្រើប្រាស់វាលើកុមារដែលមានអាយុចាប់ពី 3 ឆ្នាំឡើងទៅប៉ុណ្ណោះ។ ប្រើប្រាស់ក្រោមកម្ដៅថ្ងៃ ការសាកល្បងប្រើប្រាស់ Bio‑Oil® Body Lotion បង្ហាញថាផលិតផលនេះមិនបង្កលទ្ធភាព ឬបង្កើនការរលាកដោយកម្ដៅថ្ងៃឡើយ។ ដូច្នេះវាមានសុវត្ថិភាពក្នុងការប្រើប្រាស់នៅក្រោមពន្លឺថ្ងៃ ប៉ុន្តែផលិតផលនេះមិនផ្តល់ការការពារប្រឆាំងនឹងផលប៉ះពាល់ប្រកបដោយគ្រោះថ្នាក់ដោយសារកាំរស្មី UVA និង UVB នៃពន្លឺព្រះអាទិត្យឡើយ ហើយដូច្នេះជាការសំខាន់ត្រូវប្រើប្រាស់វាឲ្យស្របជាមួយនឹងផលិតផលការពារពន្លឺថ្ងៃទូលំទូលាយជាមួយនឹងកត្តាការពារកម្តៅថ្ងៃ ( SPF) យ៉ាងតិច 30 ។ ប្រើនៅលើ ឬជិតភ្នាសរំអិល Bio‑Oil® Body Lotion ត្រូវបានចាត់ថ្នាក់ថាមានសុវត្ថិភាពសម្រាប់ការប្រើប្រាស់ទាំងអស់ ប៉ុន្តែសុវត្ថិភាពរបស់វាមិនត្រូវបានធ្វើតេស្តមើលចំពោះការប៉ះពាល់ជាមួយភ្នាសរំអិលឡើយ ពីព្រោះនេះមិនមែនជាការប្រើប្រាស់ផលិតផលដែលអាចព្យាករបានដោយសមហេតុផលឡើយ។ ប្រើបាស់ស្របជាមួយការព្យាបាលដោយវិទ្យុសកម្ម ឬការព្យាបាលដោយប្រើគីមី ទោះជា Bio‑Oil® Body Lotion មិនមានសារធាតុផ្សំដែលអាចស្រូបវិទ្យុសកម្មបានក៏ដោយ យកល្អគេគួរធ្វើការព្យាបាលដោយវិទ្យុសកម្ម ឬដោយគីមី ដើម្បីស្វែងរកការណែនាពីំអ្នកប្រកបវិជ្ជាជីវៈខាងវេជ្ជសាស្រ្តមុននឹងប្រើប្រាស់ផលិតផលនេះ។ ប្រើប្រាស់ជាមួយផលិតផលឱសថ Bio‑Oil® Body Lotion គឺជាផលិតផលគ្រឿងសម្អាង។ សម្រាប់ដំបូន្មានស្ដីពីការប្រើប្រាស់ផលិតផលនេះទន្ទឹមគ្នាជាមួយផលិតផលឱសថ យកល្អបំផុតគេត្រូវពិគ្រោះជាមួយអ្នកប្រកបវិជ្ជាជីវៈខាងវេជ្ជសាស្រ្ត។ ប្រើលើស្បែកងាយរងប្រតិកម្ម Bio‑Oil® Body Lotion អាចប្រើបានលើស្បែកងាយរងប្រតិកម្ម។ នៅក្នុងការសិក្សាអំពីការរមាស់ស្បែកដែលធ្វើឡើងលើអ្នកចូលរួមចំនួន 25 នាក់ដែលមានអាយុពី 18 ទៅ 70 ឆ្នាំដែលមានស្បែកងាយរងប្រតិកម្ម មិនមានអ្នកចូលរួមណាម្នាក់ជួបប្រទះនូវប្រតិកម្មមិនល្អចំពោះរូបមន្តនេះទេ។ ប្រើលើស្បែកដែលមានជាតិខ្លាញ់ Bio‑Oil® Body Lotion អាចប្រើលើស្បែកដែលមានជាតិខ្លាញ់។ នៅក្នុងការសាកល្បងដែលធ្វើឡើងលើអ្នកចូលរួមចំនួន 20 នាក់ដែលមានអាយុពី 18 ដល់ 65 ឆ្នាំដែលមានស្បែកងាយនឹងកើតមុន Bio‑Oil® Body Lotion ត្រូវបានរកឃើញថាមិនបង្កស្នាមអុជខ្មៅឡើយ។ ប្រើលើស្បែកដែលងាយកើតមុន Bio‑Oil® Body Lotion អាចប្រើបាននៅលើស្បែកដែលងាយកើតមុន។ នៅក្នុងការសាកល្បងដែលធ្វើឡើងលើអ្នកចូលរួមចំនួន 20 នាក់ដែលមានអាយុពី 18 ដល់ 65 ឆ្នាំដែលមានស្បែកងាយកើតមុន Bio‑Oil® Body Lotion ត្រូវបានគេរកឃើញថាមិនបង្កស្នាមអុជខ្មៅឡើយ។ យកល្អអ្នកដែលមានបញ្ហាមុន ត្រូវស្វែងរកការណែនាំពីអ្នកប្រកបវិជ្ជាជីវៈខាងវេជ្ជសាស្រ្តមុននឹងប្រើប្រាស់ Bio‑Oil® Body Lotion។

រោគសញ្ញា រោគ​សញ្ញា​ស្បែក​ស្ងួត​រួម​មាន ស្បែក​ស្រអាប់ និងបែកស្រកា សរសៃឆ្មារៗ ស្បែក​ពណ៌​ប្រផេះ ឬ​ពណ៌ផេះ និង​អារម្មណ៍​មិនស្រួល និង​តានតឹង។ មូលហេតុ ស្បែកស្ងួតគឺបណ្តាលមកពីកត្តាខាងក្រៅ និងខាងក្នុង។ កត្តាខាងក្រៅ៖ អាកាសធាតុស្ងួតបណ្តាលឱ្យសំណើមហួតចេញពីខាងក្នុងស្បែកតាមរយៈស្រទាប់ខ្លាញ់ និងចូលទៅក្នុងខ្យល់ស្ងួតខាងក្រៅ។ ម៉ាស៊ីនត្រជាក់ និងម៉ាស៊ីនកម្តៅបឺតសំណើមចេញពីខ្យល់ ដោយបង្កើតបរិយាកាសស្ងួតបែបសិប្បនិម្មិត ដែលបឺតសំណើមចេញពីស្បែក។ ការបោកគក់រាល់ថ្ងៃ និងការប៉ះពាល់នឹងម្សៅសាប៊ូខ្លាំងធ្វើឱ្យស្រទាប់ខ្លាញ់នៃស្បែកត្រូវបានញែកចេញពីគ្នា ដែលធ្វើឱ្យសំណើមកាន់តែងាយហួតចេញពីស្បែក។ កត្តាខាងក្នុង៖ នៅពេលដែលរាងកាយកាន់តែចាស់ ស្បែកផលិតជាតិខ្លាញ់កាន់តែតិចជាងមុន ដែលបណ្តាលឱ្យស្រទាប់ខ្លាញ់ស្តើង និងធ្វើឱ្យសំណើមកាន់តែងាយជ្រាបចេញ។ ហ្សែនអាចពាក់ព័ន្ធនឹងការវិវត្តនៃស្បែកស្ងួតដោយសារតែកម្រិតជាតិសេរ៉ាមីដទាបដែលកើតឡើងតាមធម្មជាតិនៅក្នុងស្រទាប់ខ្លាញ់។ ប្រការនេះបណ្ដាលឲ្យធ្លាក់ចុះនូវសន្ទះនៃភ្នាសការពារស្បែក ដែលរួមចំណែកដល់ការបាត់បង់សំណើមលើសពីកម្រិតធម្មតា។ pH របស់ស្បែកមានឥទ្ធិពលលើមុខងារបង្អាក់។ កម្រិត pH ខ្ពស់នៅក្នុងស្បែកធ្វើឱ្យខូចមុខងារនៃស្រទាប់ខ្លាញ់ដែលមានសុខភាពល្អ។

ការផលិតឡេលាបខ្លួន Bio‑Oil® Body Lotion អនុលោមតាមលក្ខខណ្ឌតម្រូវអនុវតន៍្តផលិតកម្មល្អ (GMP) នៃ ISO 22716: 2007 សម្រាប់ផលិតផលគ្រឿងសម្អាង។ វត្ថុធាតុដើមទាំងអស់ដែលប្រើក្នុងការផលិត Bio‑Oil® Body Lotion សុទ្ធតែមានវិញ្ញាបនបត្រវិភាគ (COA) ហើយសម្ភារៈវេចខ្ចប់ទាំងអស់សុទ្ធតែមានវិញ្ញាបនបត្រអនុលោមភាព (COC) ។ ទាល់តែបានជាប់ការធ្វើតេស្តគ្រប់គ្រងគុណភាពសិន ទើបវត្ថុធាតុដើម ឬសម្ភារៈវេចខ្ចប់ត្រូវបានអនុញ្ញាតឲ្យផលិត។ រាល់កញ្ចប់ Bio‑Oil® Body Lotion ដែលលាយបញ្ចូលគ្នាត្រូវបានបែងចែកនូវលេខបាច់ពិសេស។ សំណាកមួយដែលយកចេញពីបាច់ត្រូវបានធ្វើតេស្តដោយមន្ទីរពិសោធន៍សម្រាប់លក្ខណៈ ភាពភ្លឺថ្លា ក្លិន ការកំណត់អត្តសញ្ញាណដោយការវាស់បាច់ពន្លឺ ដង់ស៊ីតេ ភាពស្អិតខាប់ និងអតិសុខុមសាស្រ្ត។ សំណាកត្រូវបានរក្សាទុករយៈពេល 4 ឆ្នាំ។ ការចាក់បំពេញ និងការវេចខ្ចប់ Bio‑Oil® Body Lotion គឺធ្វើឡើងនៅក្នុងកន្លែងដែលមានការគ្រប់គ្រងសីតុណ្ហភាព និងសំណើម។ ខ្យល់ឆ្លងកាត់ប្រព័ន្ធចម្រោះខ្យល់ភាគល្អិតដែលមានប្រសិទ្ធភាពខ្ពស់ (HEPA) ដើម្បីការពារការធ្វើឲ្យកខ្វក់ដោយធូលី។ បុគ្គលិកដែលធ្វើការលើខ្សែសង្វាក់ផលិតកម្មត្រូវពាក់មួក ម៉ាស់មុខ របាំងមុខ ស្រោមដៃ អាវធំ និងស្រោមស្បែកជើង។ សំណាកត្រូវបានយកចេញពីខ្សែសង្វាក់នៅចន្លោះពេលទៀងទាត់ ដើម្បីធ្វើការត្រួតពិនិត្យដោយផ្នែកត្រួតពិនិត្យគុណភាពដើម្បីបង្ការវិការៈខុសប្រក្រតី។ លេខបាច់ត្រូវបានបោះពុម្ពនៅលើដប ប្រអប់កាតុង និងអ្នកដឹកជញ្ជូន ហើយសំណាករក្សាទុកពីក្រុមផលិតនីមួយៗត្រូវបានរក្សាទុករយៈពេល 4 ឆ្នាំ។ នៅក្នុងការផលិត Bio‑Oil® Body Lotion មិនមានបញ្ចេញឧស្ម័ន កាកសំណល់ ឬទឹកកខ្វក់ដែលបង្កគ្រោះថ្នាក់ឡើយ។

ឡេលាបខ្លួន Bio‑Oil® Body Lotion គួរតែរក្សាទុកក្នុងកន្លែងត្រជាក់ មិនឲ្យប៉ះចំពន្លឺថ្ងៃផ្ទាល់ឡើយ។

រាល់ការវេចខ្ចប់ Bio‑Oil® Body Lotion ទាំងអស់ (ដប គម្រប និងប្រអប់កាតុង) អាចកែច្នៃឡើងវិញបាន។

Bio‑Oil® Body Lotion មាន PAO រយៈពេល 12 ខែ។ នេះ​ជា​រយៈពេល​ក្រោយ​ពេល​បើក​ដែល​ផលិតផល​មាន​សុវត្ថិភាព និង​អាច​ប្រើប្រាស់​បាន​ដោយ​មិន​ប៉ះពាល់​ដល់​អ្នកប្រើប្រាស់។

Bio‑Oil® Body Lotion ត្រូវបានបញ្ជាក់ថាជា Halaal និង Kosher ។

ចំណែកឯ Bio‑Oil® Body Lotion មានប្រូហ្វាយពលភាពប្រកបដោយសុវត្ថិភាព និងបំពេញតាមបទប្បញ្ញត្តិអន្តរជាតិស្ដីពីសុវត្ថិភាព ជាមួយផលិតផលគ្រឿងសម្អាងទាំងអស់ មានហានិភ័យដែលអ្នកប្រើប្រាស់ Bio‑Oil® Body Lotion អាចជួបប្រទះនូវប្រតិកម្មមិនល្អនៅពេលប្រើប្រាស់ផលិតផលនេះ។ ប្រសិនបើមានប្រតិកម្មមិនល្អកើតឡើង គួរតែឈប់ប្រើប្រាស់ផលិតផលនេះជាបន្ទាន់។ រោគសញ្ញានៃប្រតិកម្មមិនល្អលើស្បែកអាចរួមមាន កន្ទួល ហើម និងរលាក ដែលជាធម្មតាវាកើតឡើងនៅត្រង់តំបន់ដែលលាបផលិតផលនេះ។ ប្រតិកម្ម​ទាំងនេះ​អាច​មានដូចជា​រមាស់ និង​មិន​ស្រួលខ្លួន​បន្តិច​បន្តួច។ ក្នុងករណីភាគច្រើន ប្រតិកម្មមិនល្អនឹងថយចុះក្នុងរយៈពេលពីរទៅបីថ្ងៃបន្ទាប់ពីឈប់ប្រើប្រាស់ផលិតផលនេះ។ ស្បែកអាចមើលទៅស្ងួត និងបែកស្រកា នៅពេលដែលប្រតិកម្មថយចុះ រហូតទាល់តែវាត្រឡប់ទៅកាន់សភាពដើមវិញ ។ ប្រសិនបើមានកង្វល់អំពីការឆ្លើយតបចំពោះអាឡែស៊ីដែលអាចកើតមានដោយសារការប្រើប្រាស់ Bio‑Oil® Body Lotion យកល្អគួរធ្វើតេស្តមើលអាឡែស៊ីតាមបែបសាមញ្ញ។ តេស្តនេះធ្វើឡើងដោយលាប Bio‑Oil® Body Lotion បន្តិចបន្តួចលើកំភួនដៃខាងក្នុង ហើយរង់ចាំរយៈពេល 24 ម៉ោង ដើម្បីមើលថាតើមានប្រតិកម្មណាមួយកើតឡើងដែរឬទេ។ ការឡើងក្រហមនៃស្បែក (ភាពក្រហមលើស្បែក) ឬការហើមស្បែកបន្តិចបន្តួច (ហើម) អាចបង្ហាញនូវលទ្ធភាពនៃការឆ្លើយតបចំពោះអាឡែស៊ី។

Bio‑Oil® Body Lotion និងវត្ថុធាតុដើមជាគ្រឿងផ្សំរបស់វាត្រូវបានផលិតឡើងដោយអនុលោមតាមបទប្បញ្ញត្តិរបស់សហភាពអឺរ៉ុបស្ដីពីការធ្វើតេស្តលើសត្វសម្រាប់គោលបំណងផលិតគ្រឿងសម្អាង។ ទាំង Bio‑Oil® Body Lotion ឬក៏គ្រឿងផ្សំណាមួយរបស់វាមិនត្រូវបានធ្វើតេស្តលើសត្វដោយ Bio‑Oil® ឬអ្នកផ្គត់ផ្គង់វត្ថុធាតុដើមរបស់វាណាមួយឡើយ។

Bio‑Oil® Body Lotion មិនមានសារធាតុផ្សំពីសត្វទេ។

នៅពេលលេប Bio‑Oil® Body Lotion ចូលដោយចៃដន្យ វាទំនងជាមិនមានផលប៉ះពាល់អវិជ្ជមានណាមួយក្រៅពីអារម្មណ៍ចង់ក្អួត និងរាគទេ ពីព្រោះ Bio‑Oil® Body Lotion មិនមានជាតិពុលឡើយ។ ប៉ុន្តែយកល្អគួរស្វែងរកការណែនាំពីគ្រូពេទ្យ ជាពិសេសក្នុងករណីដែលទារក ឬកុមារបានលេបចូលដោយចៃដន្យ។

Bio‑Oil® Body Lotion មានផ្ទុកសារធាតុចំរាញ់ចេញពីកាឡិនឌូឡា និងប្រេងសំខាន់ៗ ក៏ដូចជាវីតាមីន A ពីប្រេងដូចដែលសុទ្ធតែមានប្រតិកម្មកម្រិតស្រាល។ ការប៉ះពាល់នឹងពន្លឺថ្ងៃអាចបណ្តាលឱ្យមានការប្រែពណ៌ទៅតាមពេលវេលា។ គេគួរតែរក្សាទុក Bio‑Oil® Body Lotion កុំឲ្យប៉ះនឹងពន្លឺថ្ងៃផ្ទាល់។

22 សីហា 2023