Bio‑Oil® / Bi-Oil® / Bioil®

Bio‑Oil ​ຄົ້ນຄວ້າວິ​ໄຈ ແລະ ພັດ​ທະ​ນາ​ຜະ​ລິດ​ຕະ​ພັນ​ບຳ​ລຸງຜິວ​ຈາກ​ຜູ້​ຊ່ຽວຊານ​ສະ​ເພາະ ໂດຍ​ນໍາໃຊ້​ນ້ຳ​ມັນ​ເພື່ອ​ໃຫ້​ໄດ້​ປະ​ສິດ​ທິ​ພາບ​ຂອງ​ຜະ​ລິດ​ຕະ​ພັນ​ທີ່ເໜືອກວ່າ. ​ຍີ່​ຫໍ້​ຮູ້​ຈັກ​ກັນ​ດີ​ໃນ​​ຊື່​ວ່າ Bio‑Oil® ​ຢູ່​ໃນ​ທຸກປະ​ເທດ ນອກ​ເໜືອ​ຈາກ​ປະ​ເທດອອ​ສ​ເຕ​ຣຍ, ​ສາ​ທາ​ລະ​ນະ​ລັດ​ເຊັກ, ​ຝ​ຣັ່ງ, ​ເຢຍ​ລະ​ມັນ, ​ສ​ໂລ​ວາ​ເກຍ ​ແລະ ສວິດ​ເຊີ​ແລນ ທີ່​ໃຊ້​ຊື່​ວ່າ Bi-Oil® ​ແລະ ໃນ​ປະ​ເທດ​ຍີ່​ປຸ່ນ​ທີ່​ໃຊ້​ຊື່​ວ່າ Bioil®.

​ກ່ຽວ​ກັບ

​ໃນ​ປີ 1987 Bio‑Oil ​ໄດ້​ລິ​ເລີ່ມ​ນຳ​ໃຊ້​ນ້ຳ​ມັນ​ເພື່ອ​ຊ່ວຍ​​​ປັບ​ປຸງ​ສະ​ພາບ​ຮອຍ​ແຜເປັນ ແລະ ຮອບ​ແຕກ​ລາຍ​ໃຫ້ດີ​ຂຶ້ນ. ໃນເວລານັ້ນ​ເກືອບ​ທຸກ​ຜະ​ລິດ​ຕະ​ພັນ​ເທິງ​ຊັ້ນ​ວາງນັ້ນ​ເປັນ​ຄີມ ຫຼື ບໍ່​ກໍ​ເປັນໂລ​ຊັ່ນ ແລະ ຜະ​ລິດ​ຕະ​ພັນ​ດັ່ງ​ກ່າວກໍ​ໄດ້​ພົບ​ກັບ​ຄວາມ​ສົງ​ໄສຫຼາຍ. ໃນມື້ນີ້ຜະ​ລິດ​ຕະ​ພັນ​ນັ້ນ​ເປັນ​ຜະ​ລິດ​ຕະ​ພັນຫຼຸດ​ເລືອນຮອຍ​ແຜເປັນ ແລະ ຮອຍ​ແຕກ​ລາຍ​ຊັ້ນ​ນຳ​ຂອງ​ໂລກ. ໃນ​ປີ 2010 Bio‑Oil ​ໄດ້​ຈັດ​ຕັ້ງ​ຫ້ອງ​​ທົດ​ລອງ​ໂດຍ​ຜູ້​ຊ່ຽວ​ຊານ​ສະ​ເພາະ ເພື່ອ​ເຮັດ​ການ​ຄົ້ນ​ຄວ້າ​ວິ​ໄຈ​ຫາວິທີການທີ່ສາ​ມາດ​ນຳໃຊ້​ນ້ຳ​ມັນ​ເພື່ອປິ່ນ​ປົວ​ບັນ​ຫາ​ຜິວ​ອື່ນໆ​. ​ໃນ​ປີ 2018 ​ມັນ​ໄດ້​ເປີ​ດ​ຕົວ​ສູດ​ທີນໍາ່​ໃຊ້​ນ້ຳ​ມັນ​ສຳ​ລັບ​ການ​ປິ່ນ​ປົວ​ຜິວ​ແຫ້ງ. ​ໃນ​ໄຕມາດ 3 ປີ 2020 ​ຈະ​ມີ​ການ​ເປີດ​ຕົວ​ຜະ​ລິດ​ຕະ​ພັນຫຼຸດ​ຮອຍ​ແຜເປັນ ແລະ ຮອຍ​ແຕກ​ລາຍ​ສູດດັ້ງ​ເດີມ​ແບບ​ທຳ​ມະ​ຊາດ​ຂອງ Bio‑Oil. ​ວຽກ​ການ​ພັດ​ທະ​ນາ​ສ່ວນ​ໃຫຍ່​ຂອງ​ຫ້ອງ​ທົດ​ລອງ​ໃນ​ໄລ​ຍະ​ສິບ​ປີ​ຜ່ານ​ມາ​ຈະ​ເລີ່ມ​ນຳ​ມາ​ສາຍ​ໃນ​ປີ 2021. Bio‑Oil ມຸ່ງ​ເນັ້ນ​ເປັນ​ພິ​ເສດ​ສະ​ເພາະ​ໃສ່​ການ​ວິ​ໄຈ ແລະ ການ​ພັດ​ທະ​ນາ ໂດຍ​ມີ​ການ​ວາງ​ຂາຍ ແລະ ​ການຈັດ​ຈຳ​ໜ່າຍ​ຜະ​ລິດ​ຕະ​ພັນ​ຂອງ​​ຕົນທີ່​ໄດ້​ຮັບ​ໃບ​ອະ​ນຸ​ຍາດ​ໄປ​ສູ່​ບັນ​ດາ​ບໍ​ລິ​ສັດ​ຜະ​ລິດ​ຕະ​ພັນ​ບຳ​ລຸງ​ຜິວ​ຊັ້ນ​ນຳ​ທົ່ວ​ໂລກ. ​ສ​ຳ​ລັບ​ຂໍ້​ມູນ​ກ່ຽວ​ກັບ​ຜະ​ລິດ​ຕະ​ພັນ Bio‑Oil, ​ກະ​ລຸ​ນາ​ເຂົ້າ​ໄປ​ທີ່​ຮ້ານ​ຂາຍ​ຢາ​ໃນ​ທ້ອງ​ຖິ່ນ​ຂອງ​ທ່ານ. ​ສາ​ຂາ​ຂອງ​ເລື່ອງ​ທີ່​ສົນ​ໃຈການຄົ້ນຄວ້າ​ວິ​ໄຈຂອງ Bio‑Oil ມີ​ລາຍ​ລະ​ອຽດ​ຂ້າງ​ລຸ່ມ.

ຮອຍ​ແຜເປັນ ແລະ ຮອຍ​ແຕກ​ລາຍ

​ນ້ຳ​ມັນ​ມີ​ຄວາມ​ສາ​ມາດ​ໂດດ​ເດັ່ນ​ພິ​ເສດ​ໃນ​ການ​ຟື້ນ​ຟູຜິວ​ໃຫ້​ດີ​ຂຶ້ນ. ບໍ່​ເຂົ້າ​ໃຈ​ວິ​ທີ​ການ ແລະ ເຫດ​ຜົນ​​ຢ່າງ​ສົມ​ບູນ ເນື່ອງ​ຈາກ​ຜົນ​ປະ​ໂຫຍດ​ຂອງ​ນ້ຳ​ມັນ​ເປັນ​ທີ່​ຮູ້​ຈັກ​ກັນ​ໂດຍ​ທົ່ວ​ໄປ​ຜ່ານ​ການບອກ​ເລົ່າ​ເທົ່າ​ນັ້ນ. ນໍ້າມັນບຳລຸງຜິວ Bio‑Oil® ເປັນ​ໜຶ່ງ​ໃນ​ຜະ​ລິດ​ຕະ​ພັນ​ທຳ​ອິດ​ທີ່​ສົ່ງ​ນ້ຳ​ມັນ​ໄປ​ຍັງ​ການ​ທົດ​ລອງ​ທາງ​ຄ​ລີ​ນິກ ແລະ ພິ​ສູດ​ໄດ້​ວ່າ​ມັນ​ສາ​ມາດ​ປັບ​ປຸງ​ສະ​ພາບຮອຍ​ແຜເປັນ ​ແລະ ຮອຍ​ແຕກ​ລາຍ​​ໃຫ້​ດີ​ຂຶ້ນ​ໄດ້. ມັນ​ເປັນ​ຄວາມ​ສຳ​ເລັດ​ຂອງ​ການ​ທົດ​ລອງ​ເຫຼົ່າ​ນີ້ ທີ່ເຮັດ​ໃຫ້​ທ່ານ​ໝໍ ແລະ ເພ​ສັດ​ຊະ​ກອນ​ໃນ​ທົ່ວ​ໂລກ​ເລີ່ມ​ແນະ​ນຳ​ຜະ​ລິດ​ຕະ​ພັນ​ດັ່ງ​ກ່າວ. ​ໃນ​ມື້​ນີ້ ນໍ້າມັນບຳລຸງຜິວ Bio‑Oil® ​ເປັນ​ຜະ​ລິດ​ຕະ​ພັນຫຼຸດ​ເລືອນ​​​ຮອຍ​ແຜເປັນ ແລະ ຮອຍ​ແຕກ​ລາຍ​ຊັ້ນ​ນຳ​ຂອງ​ໂລກ​​ທີ່​ໄດ້​ຮັບ​ລາງ​ການບຳ​ລຸງ​ຜິວຫຼາຍກວ່າ 400 ​ລາງວັນ​ໃຫ້​ແກ່​ຊື່​ຂອງ​ມັນ. ​ໃນ​ປັດ​ຈຸ​ບັນ Bio‑Oil ກຳ​ລັງ​ພະ​ຍາ​ຍາມ​​​ຜະ​ລິດນໍ້າມັນບຳລຸງຜິວ Bio‑Oil® ສູດ​​ທຳ​ມະ​ຊາດ. ​ຜະ​ລິດ​ຕະ​ພັນ​ຢູ່​ໃນ​ລະ​ຫວ່າງ​ການ​ທົດ​ລອງ​ທາງ​ຄ​ລີ​ນິກ ແລະ ຄາດ​ວ່າ​ຈະ​ເປີດ​ຕົວ​ໃນ​ໄຕມາດ 3 ປີ 2020.

​ຜິວ​ແຫ້ງ

​ຖ້າ​ທ່ານ​ຖອກ​ນ້ຳ​ມັນ ແລະ ນ້ຳ​ລົງ​ໃນຈອກ​ແກ້ວ, ນ້ຳ​ມັນ​ຈະ​ລອຍ​ຂຶ້ນ​ເທິງ ແລະ ຢຸດ​ບໍ່​ໃຫ້​ນ້ຳລະ​ເຫີຍ​ອາຍ. ​ຜິວ​​ຮັກ​ສາ​ຄວາມ​ຊຸ່ມ​ຊື່ນ​ຂອງ​ມັນ​ໃນ​ແບບດຽວ​ກັນ ໂດຍ​ການ​ຜະ​ລິດ​ຊັ້ນ​ໄຂ​ມັນ​ທີ່​ບໍ່​ສາ​ມາດ​ເບິ່ງເຫັນ​ໄດ້​ໃນ​ພື້ນ​ຜິວ​ຂອງ​ມັນ. ວິ​ທີ​ທີ່​ດີ​ທີ່​ສຸດ​ເພື່ອ​ຊ່ວຍ​ຜິວ​​ຢຸດ​ການ​ສູນ​ເສຍ​ຄວາມ​ຊຸ່ມ​ຊື່ນ ແມ່ນ​ການ​ເພີ່ມ​ຊັ້ນ​ໄຂ​ມັນ​ນີ້. ຜະ​ລິດ​ຕະ​ພັນ​ບຳ​ລຸງ​ຜິວ​ແຫ້ງ​ແບບ​ເດີມ (​​ຄີມ, ​ໂລ​ຊັ່ນ ແລະ ນ້ຳ​ມັນ​ເບີ) ​ປະ​ກອບ​ມີ​ນ້ຳ​ມັນ, ໄຂ ຫຼື ນ້ຳ​ມັນ​ເບີ​ໂດຍ​ສະ​ເລ່ຍ 20% ເພື່ອ​ຈຸດ​ປະ​ສົງ​ນີ້. ເຈວທາຜິວແຫ້ງ Bio‑Oil® ປະ​ກອບ​ມີ 84%. ໃນ​ຊ່ວງ 18 ​ເດືອນ​ຕັ້ງ​ແຕ່​ເປີດ​ຕົວ, ເຈວທາຜິວແຫ້ງ Bio‑Oil® ​ໄດ້​ຊະ​ນະ​ລາງວັນ​ຜະ​ລິດ​ຕະ​ພັນ​ບຳ​ລຸງ​ຜິວ​ແຫ່ງ​ປີ​ໃນສະ​ຫະ​ລາ​ຊະ​ອາ​ນາ​ຈັກອັງກິດ, ​ຝ​ຣັ່ງ, ອີ​ຕາ​ລີ ແລະ ສະ​ເປນ.

​ການ​ບຳ​ລຸງ​ຄວາມ​ຊຸ່ມ​ຊື່ນ​ປະ​ຈຳ​ວັນ

​ຄ​ຣີມ​ບຳ​ລຸງ​ຄວາມ​ຊຸ່ມ​ຊື່ນ​ປະ​ຈຳ​ວັນ​ທີ່​ເໝາະ​ສົມ​ຄວນ​ດູດ​ຊຶມ​ໄດ້​ທັນ​ທີ ແລະ ບໍ່​ປະ​​ເສດ​ເຄືອບ​ມັນຖິ້ມ​ໄວ ເຊິ່ງ​ເຮັດ​ໃຫ້​ສາ​ມາດ​ສວມ​ໃສ່​ເສື້ອ​ຜ້າ​ໄດ້​ທັນ​ທີ. ​ໂດຍ​ທາງ​ເທັກ​ນິກ​ແລ້ວ ສິ່ງ​ນີ້​ຫຍຸ້ງ​ຍາກຫຼາຍ ເພາະ​ວ່າ​ການ​ບຳ​ລຸງ​ຄວາມ​ຊຸ່ມ​ຊື່ນ​ຈຳ​ເປັນ​ຕ້ອງ​ຖິ້ມ​ຊັ້ນ​ເຄືອບ​ໄວ້​ເທິງ​ຜິວ​ເພື່ອ​ຊ່ວຍຮັກ​ສາ​ຄວາມ​ຊຸ່ມ​ຊື່ນ​ຂອງ​ຜິວ. Bio‑Oil ໄດ້​ພັດ​ທະ​ນາ​ຄ​ຣີມ​ບຳ​ລຸງ​ຄວາມ​ຊຸ່ມ​ຊື່ນ​ປະ​ຈຳ​ວັນ​ສູດ​ບາງ​ເບົາທີ່ດູດ​ຊຶມ​​ໄວທັນ​ທີ ໂດຍ​ປະ​ຊັ້ນ​ອ່ອນ​ນວນ​ທີ່ບໍ່ສາ​ມາດ​ເບິ່ງ​ເຫັນ​ຖິ້ມ​ໄວ້​ຢູ່​ເທິງ​ຜິວ​. ​ຜະ​ລິດ​ຕະ​ພັນ​ແມ່ນຢູ່​ໃນ​ຂັ້ັ້ນ​ຕອນ​ສຸດ​ທ້າຍ​ຂອງ​ການ​ທົດ​ສອບ​ຜະ​ລິດ​ຕະ​ພັນ ແລະ ຄາດ​ວ່າ​ຈະ​ເປີດ​ຕົວ​ໃນໄຕມາດ 1 ປີ 2021. ຊື່​ຂອງ​ຜະ​ລິດ​ຕະ​ພັນ​ຍັງ​ບໍ່​ໄດ້​ຖືກ​ກຳ​ນົດ​ເປັນ​ຂັ້ນ​ສຸດ​ທ້າຍ​ເທື່ອ.

​ນ້ຳ​ຫອມ​ສຳ​ລັບ​ຮ່າງ​ກາຍ

​ນ້ຳ​ຫອມ​ເປັນ​ຮູບ​ແບບ​ສຸດ​ທ້າຍ​ຂອງ​ການ​​ແຕ່ງກາຍ. ​ມັນ​ເປັນ​ຂັ້ນ​ຕອນ​ສຸດ​ທ້າຍ, ​ໃຊ້​ປະ​ໂຫຍດໜ້ອຍ​ສຸດ, ​ແຕ່​ມີ​ອິດ​ທິ​ພົນ​ສູງ​ສຸດ. Bio‑Oil ໄດ້​ສະ​ກັດ​ນ້ຳ​ມັນ​ຈາກດອກ​ກຸຫຼາບ, ​ເນ​ໂຣ​ລີ ແລະ ດອກ​ມະ​ລິ ​ແລະ ກຳ​ລັງ​ຈະ​ສະ​ເໜີ​ໃຫ້​ພວກ​ມັນ​ເປັນ​ສະ​ເປ​ນ້ຳ​ຫອມ​​ສຳ​ລັບຮ່າງ​ກາຍ​ເພື່ອໃຊ້​ເປັນ​ຂັ້ນ​ຕອນ​ສຸດ​ທ້າຍ​ໃນ​ການ​ແຕ່ງກາຍ. ​ໃນ​ເມື່ອ​ກ່ອນເຄີຍໄດ້​ເນັ້ນການ​ວິ​ໄຈ​ຂອງ Bio‑Oil ທັງ​ໝົດ​ໃສ່​ວິ​ທີ​ການ​ໃຊ້​ນ້ຳ​ມັນ​ເພື່ອ​ແກ້​ໄຂ​ບັນ​ຫາ​ຕ່າງໆ​ໃນ​ການ​ບຳ​ລຸງ​ຜິວ, ​ແຕ່ດຽວ​ນີ້້ເປັນ​ຄັ້ງ​ທຳ​ອິດ​ທີ່ Bio‑Oil ​ສຳຫຼວດ​ສະ​ເພາະ​​ແຕ່ພະ​ລັງ​ງານ​ຂອງ​ນ້ຳ​ມັນ​ເທົ່າ​ນັ້ນ ​ເພື່ອ​ການ​​ຍົກ​ລະ​ດັບ. ​ນ້ຳ​ຫອມ​ສຳ​ລັບ​ຮ່າງ​ກາຍ​ຢູ່​ໃນ​ລະ​ຫວ່າງ​ການ​ທົດ​ສອບ​ຜະ​ລິດ​ຕະ​ພັນ ແລະ ຄາດ​ວ່າ​​ຈະ​ເປີດ​ຕົວ​ໃນໄຕມາດ 2 ປີ 2021.

ຄີມ​ກັນ​ແດດ​ວິ​ຕາ​ມິນ

Bio‑Oil ໄດ້​ພັດ​ທະ​ນາ​ຄີມ​ກັນ​ແດດ​ທີ່​ອຸ​ດົມ​ໄປ​ດ້ວຍ​ວິ​ຕາ​ມິນ ເພື່ອ​ຊ່ວຍ​ເພີ່ມ​ການ​ປ້ອງ​ກັນ​​ຕາມ​ທຳ​ມະ​ຊາດ​ຂອງ​ຜິວ​ໃນ​ຂະ​ນະ​ທີ່​ສຳ​ຜັດ​ກັບ​ແສງ​ແດດ. Bio‑Oil® Multivitamin SPF50 ​ຢູ່​ໃນ​ຂັ້ນ​ຕອນ​ເລີ່ມ​ຕົ້ນຂອງ​ການ​ທົດ​ສອບ ແລະ ຄາດ​ວ່າ​ຈະ​ເປີດ​ຕົວ​ໃນໄຕມາດ 3 ປີ 2021.

ການ​ລ້າງ​ແບບ​ອ່ອນ​ໂຍນ

​ສະ​ບູ ແລະ ນ້ຳ​ຢາ​​ລ້າງ​ທີ່​ປະ​ກອບ​ມີ​ສ່ວນ​ປະ​ສົມ​ຮຸນ​ແຮງ, ລອກ​ຜິວ, ເຊິ່ງປະ​ໃຫ້​ມັນໃຊ້​ຄວາມ​ພະ​ຍາ​ຍາມ​ຢ່າງ​ຕໍ່​ເນື່ອງເພື່ອ​ສ້ອມ​ແຊມ​ຕົວ​ມັນ​ເອງ. ​ມີ​ບໍ່ຫຼາຍ​ຄົນ​ທີ່​ຮູ້​ເຖິງວ່າ​ສິ່ງ​ນີ້​ມ​ີ​ຜົນ​ກະ​ທົບ​ຫຍັງ​ແດ່​ຕໍ່​ສະ​ພາບ​ຜິວ​ຂອງ​ເຂົາ​ເຈົ້າ. ​ສະ​ນັ້ນ ​ການ​ລ້າງ​ແບບ​ອ່ອນ​ໂຍນຈຶ່ງ​ເປັນ​ຂັ້ນ​ຕອນ​ທຳ​ອິດ​ໃນ​ການ​ປັບ​ປຸງ​ຜິວ​ທີ່​ສູນ​ເສຍຄວາມ​ເຄັ່ງ​ຕຶງ​ເປັນ​ທຳ​ມະ​ຊາດ​ຂອງ​ມັນ​ໄປ​ແລ້ວ. Bio‑Oil ​ມີ​ນ້ຳ​ຢາ​ລ້າງ​ແບບ​ອ່ອນ​ໂຍນ​​ພິ​ເສດ​ທີ່​ຢູ່​ໃນ​ຂັ້ນ​ຕອນ​ເລີ່ມ​ຕົ້ນ​ຂອງ​ການ​ທົດ​ສອບ. ຊື່​ຂອງ​ຜະ​ລິດ​ຕະ​ພັນ​ຍັງ​ບໍ່​ໄດ້​ຖືກ​ກຳ​ນົດ​ເປັນ​ຂັ້ນ​ສຸດ​ທ້າຍ​ເທື່ອ.

​ສິ້ນ​ສຸດ: ​ອັບ​ເດດຫຼ້າ​ສຸດ​ເມື່ອ​ວັນ​ທີ 9 ​ມິ​ຖຸ​ນາ 2020





ເວັບ​ໄຊ​ນີ້​ໃຊ້​ຄຸກ​ກີ້​ຕາມ​ທີ່​ໄດ້​ອະ​ທິ​ບາຍ​ໄວ້​ໃນ​ ນະ​ໂຍ​ບາຍ​ຄວາມ​ເປັນ​ສ່ວນ​ຕົວ​ ຂອງ​ພວກ​ເຮົາ. ​ຖ້າ​ທ່ານ​ເຫັນ​ດີ​ນຳ​ການ​ໃຊ້​ຄຸກ​ກີ້, ​ກະ​ລຸ​ນາຄ​ລິກຍອມ​ຮັບ.
​ຍອມ​ຮັບ
​ນະ​ໂຍ​ບາຍ​ຄວາມ​ເປັນ​ສ່ວນ​ຕົວ

​ເພື່ອ​ສ​ະ​ແດງ​ເວັບ​ໄຊ​ນີ້​ໃນ​ອຸ​ປະ​ກອນ​ຂອງ​ທ່ານ​ຢ່າງ​ຖືກ​ຕ້ອງ ພວກ​ເຮົາ​ໃຊ້​ລາຍ​ລະ​ອຽດ​ບ​ຣາວ​ເຊີ​ຂອງ​ທ່ານ. ສະ​ເພາະ​ຖ້າ​ທ່ານຍອມ​ຮັບ​ການ​ໃຊ້​ຄຸກ​ກີ້​ຂອງ​ພວກ​ເຮົາ​ເທົ່າ​ນັ້ນ, ພວກ​ເຮົາ​ຈຶ່ງຈະ​ວາງ​ໄຟ​ລ໌​ຂໍ້​ມູນຂະ​ໜາດ​ນ້ອຍ​ໃສ່​ອຸ​ປະ​ກອນ​ຂອງ​ທ່ານ​ ເຊິ່ງ​ຊ່ວຍ​ໃຫ້​ພວກ​ເຮົາ​ຈື່​ທີ່​ຕັ້ງ, ການ​ດຳ​ເນີນ​ການ ແລະ ຄວາມ​ມັກ​ຂອງ​ທ່ານ ເພື່ອ​ໃຫ້​ພວກ​ເຮົາ​ສາ​ມາດ​ຍົກ​ລະ​ດັບ​ປະ​ສົບ​ການ​ຜູ້​ໃຊ້​ຂອງ​ທ່ານ. ນອກ​ເໜືອ​ຈາກ​ການ​​ໃຊ້​ຂ້າງ​ເທິງ, ພວກ​ເຮົາ​ຈະ​ບໍ່​ແບ່ງ​ປັນ​ຂໍ້​ມູນ​ຂອງ​ທ່ານ​ກັບ​ພາກ​ສ່ວນ​ທີ​ສາມ, ເວັ້ນ​ເສຍຈາກວ່າ​ກົດ​ໝາຍ​ກຳ​ນົດ​ໄວ້.