ឈ្មោះផលិតផល និងបរិមាណ

ជែល សម្រាប់ស្បែកស្ងួត ៥០មល

ជែល សម្រាប់ស្បែកស្ងួត ១០០មល

ជែល សម្រាប់ស្បែកស្ងួត ២០០មល

ការព័ណ៌នា

ជែលដែលមានជាតិប្រេង ៨៣% សម្រាប់ស្បែកស្ងួតខ្លាំង។

របៀបប្រើប្រាស់

បង្កើនការផ្ដល់សំណើមស្បែកគួរឲ្យកត់សម្គាល់។

បទ​បង្ហាញ

ជែលពណ៌ទឹកក្រូច / ពណ៌ផ្កាឈូក។

សារធាតុផ្សំ

Paraffinum Liquidum, Isopropyl Palmitate, Triisononanoin, Glycerin, Cetearyl Ethylhexanoate, Isopropyl Myristate, Aqua, Caprylic / Capric Triglyceride, Isostearyl Isostearate, C26-28 Alkyl Dimethicone, Butyrospermum Parkii Butter, Sodium Lactate, Urea, Gluconolactone, Sodium PCA, Sodium Hyaluronate, Octyldodecyl PCA, Sucrose Laurate, Sucrose Stearate, Lactic Acid, Lanolin, Butylene Glycol, Dimethicone / Vinyl Dimethicone Crosspolymer, Bisabolol, Helianthus Annuus Seed Oil, Silica, Glycine Soja Oil, Retinyl Palmitate, Tocopheryl Acetate, Niacinamide, Linoleic Acid, Linolenic Acid, Tocopherol, Anthemis Nobilis Flower Oil, Calendula Officinalis Extract, Rosmarinus Officinalis Leaf Oil, Lavandula Angustifolia Oil, Parfum, Farnesol, Limonene, Linalool, CI 17200.

ការសាកល្បងព្យាបាលស្បែកស្ងួត

មជ្ឈមណ្ឌលធ្វើតេស្ត

Complife Italia S.r.l, ប្រទេសអ៊ីតាលី។

វត្ថុបំណង

ការវាយតម្លៃគ្លីនិកដើម្បីធ្វើតេស្តប្រសិទ្ធភាពនៃជែល សម្រាប់ស្បែកស្ងួតបាយអូ-អយ™ ដើម្បីបង្កើនសំណើមស្បែក។

សំណាក

អ្នកចូលរួម៖ ស្ត្រីដែលមានសុខភាពល្អចំនួន ៤០ នាក់ដែលមានប្រភេទស្បែក Fitzpatrick II-V និងតាមបែបគ្លីនិកបង្ហាញពីស្បែកស្ងួត / ស្ងួតខ្លាំង (ថ្នាក់ II-IV) នៅកម្រិតជើងខាងក្រោមផ្នែកខាងក្រៅនិងតម្លៃប្រដាប់វាស់ស្បែកតិចជាង ៤០ នៅពេលចុះឈ្មោះ។ កន្លែងសាកល្បង៖ ផលិតផលសាកល្បងបានលាបសព្វលើជើងខាងក្រោមរបស់អ្នកចូលរួមទាំងអស់។ អាយុអ្នកចូលរួម៖ ៤០–៦៥ ឆ្នាំ។

វិធីសាស្ត្រ

ការសិក្សាបែងចែករាងកាយ ដែលអ្នកវាយតម្លៃមិនដឹង តាមចៃដន្យ និងប្រើឧបករណ៍គ្លីនិកដែលមានការគ្រប់គ្រង។ អ្នកចូលរួមបានចូលរួមក្នុងការវាយតម្លៃត្រួតពិនិត្យដំបូង បន្ទាប់មកឈប់ប្រើប្រាស់រយៈពេល ៧ ថ្ងៃ រយៈពេលព្យាបាលចំនួន ២៨ ថ្ងៃ និងរយៈពេលតាមដានចំនួន ៣ ថ្ងៃ (រយៈពេលធូរស្រាលបន្ទាប់ពីព្យាបាល) ។ ក្នុងរយៈពេលឈប់ប្រើប្រាស់ និងពេញមួយរយៈពេលសិក្សា អ្នកចូលរួមបានលាងជើងពីរដងក្នុងមួយថ្ងៃដោយប្រើសាប៊ូ Dove Beauty Bar ។ បន្ទាប់មកគេលាប ជែល សម្រាប់ស្បែកស្ងួតបាយអូ-អយ™ ពីរដងក្នុងមួយថ្ងៃលើជើងខាងក្រោមដែលបានកំណត់ ហើយជើងម្ខាងទៀតមិនត្រូវបានព្យាបាល។ ការវាយតម្លៃគ្លីនិក និងការវាយតម្លៃដោយប្រើឧបករណ៍ត្រូវបានធ្វើឡើងនៅពេលត្រួតពិនិត្យ ទិន្នន័យមូលដ្ឋាន និងនៅថ្ងៃទី ១, ៣, ៦, ៨, ១០, ១៤, ២១, ២៨, ២៩, ៣០ និង ៣១។ កន្លែងមិនបានព្យាបាលដែលមានការគ្រប់គ្រងក៏ត្រូវបានវាយតម្លៃគ្រប់ចំណុចពេលវេលាផងដែរ។ ការវាយតម្លៃត្រូវបានធ្វើឡើងដូចតទៅ៖ អ្នកចូលរួមត្រូវបានចាត់ថ្នាក់តាមបែបគ្លីនិកសម្រាប់ភាពស្ងួត (លើមាត្រដ្ឋានពី ០ ដល់ ៥) ដោយអ្នកវាយតម្លៃផ្ទាល់ភ្នែកដែលមានការបណ្តុះបណ្តាល។ រង្វាស់បរិមាណវិស័យអំពីស្បែកស្ងួតតាមរយៈការប្រើប្រដាប់វាស់ស្បែក។ រង្វាស់បរិមាណវិស័យនៃការបាត់បង់ជាតិទឹកលើស្បែក (TEWL) ជាសូចនាករនៃមុខងារបង្អាក់គឺដោយប្រើប្រដាប់វាស់ជាតិទឹក។

លទ្ធផល

ជែល សម្រាប់ស្បែកស្ងួតបាយអូ-អយ™ បានកំណត់ពីភាពប្រសើរឡើងយ៉ាងសំខាន់តាមស្ថិតិក្នុងការផ្ដល់សំណើមស្បែក មុខងារបង្អាក់ និងលក្ខណៈនៃស្បែកស្ងួត (ការវាយតម្លៃបែបគ្លីនិកអំពីភាពស្ងួត) នៅត្រង់ការត្រួតពិនិត្យតាមដានពិសោធន៍នីមួយៗ ទាំងធៀបទៅនឹងតម្លៃទិន្នន័យមូលដ្ឋាន និងតំបន់ដែលមិនបានព្យាបាល (គ្រប់គ្រង)។ សម្រាប់ការវាយតម្លៃបែបគ្លីនិកនៃភាពស្ងួត ការរីកចម្រើនគួរឱ្យកត់សម្គាល់តាមស្ថិតិត្រូវបានបង្ហាញនៅក្នុងអ្នកចូលរួម ចំនួន ៦២% ចាប់ពីថ្ងៃទី ១ និងអ្នកចូលរួមលើស ៨៥% ចាប់ពីថ្ងៃទី ៣ តមក។ ចាប់ពីថ្ងៃទី ២១ អ្នកចូលរួមចំនួន ១០០% បានបង្ហាញនូវភាពប្រសើរឡើង។ នៅថ្ងៃទី ២៨ អ្នកចូលរួមបានបង្ហាញពីភាពប្រសើរឡើងជាង ៣.៥ ដងនូវពិន្ទុនៃការវាយតម្លៃបែបគ្លីនិកដែលបានកត់សម្គាល់នៅថ្ងៃទី ១ ។ បន្ទាប់ពីប្រើប្រាស់បាន ២៨ ថ្ងៃ អ្នកចូលរួមចំនួន ១០០% បានបង្ហាញពីកំណើននៃសំណើមស្បែកគួរឲ្យកត់សម្គាល់ ដោយទំហំនៃភាពប្រសើរឡើងច្រើនជាងពីរដងនៃថ្ងៃទី ១ ។ ស្រដៀងគ្នានេះដែរ បន្ទាប់ពីប្រើប្រាស់បានរយៈពេល ២៨ ថ្ងៃ អ្នកចូលរួមចំនួន ៨២%បានបង្ហាញពីការថយចុះគួរឱ្យកត់សម្គាល់នូវ TEWL ដោយទំហំនៃភាពប្រសើរឡើងលើសពីថ្ងៃទី ១ ជាង ៥.៥ ដង។ ប្រសិទ្ធភាពរបស់ ជែល សម្រាប់ស្បែកស្ងួតបាយអូ-អយ™ ក្នុងការបង្កើនការផ្ដល់សំណើមស្បែក មុខងារបង្អាក់ និងលក្ខណៈនៃស្បែកស្ងួតក៏ត្រូវបានបញ្ជាក់ផងដែរក្នុងការតាមដានរយៈពេល ៣ ថ្ងៃ នៅពេលឈប់ប្រើប្រាស់ផលិតផលនេះ។

ការធ្វើតេស្តស្បែកងាយរងប្រតិកម្ម

មជ្ឈមណ្ឌលធ្វើតេស្ត

Complife Italia S.r.l, ប្រទេសអ៊ីតាលី។

វត្ថុបំណង

ដើម្បីវាយតម្លៃអំពីលទ្ធភាពនៃ ជែល សម្រាប់ស្បែកស្ងួតបាយអូ-អយ™ ដែលអាចបណ្តាលឱ្យមានការរមាស់ស្បែក។

សំណាក

អ្នកចូលរួម៖ អ្នកចូលរួម ៣០ នាក់ បុរស ៣ នាក់ និងស្រ្តី ២ នាក់ សុទ្ធតែមានស្បែកងាយរងប្រតិកម្ម ដោយយោងទៅតាមការធ្វើតេស្តរកជាតិឡាទិកអាស៊ីដ។ អាយុអ្នកចូលរួម៖ ១៨–៧០ ឆ្នាំ។

វិធីសាស្ត្រ

ការសិក្សាដែលបានគ្រប់គ្រង។ តំបន់ពីរត្រូវបានវាយតម្លៃ៖ តំបន់ដែលត្រូវគ្រប់គ្រងអវិជ្ជមាន (ទឹកគ្មានជាតិរ៉ែ) និងតំបន់ដែលលាប ជែល សម្រាប់ស្បែកស្ងួតបាយអូ-អយ™ ។ ផលិតផលសាកល្បងត្រូវបានលាបនៅតំបន់ខ្នងរបស់អ្នកចូលរួមរយៈពេល ៤៨ ម៉ោងដោយប្រើ Finn Chamber®។ ប្រតិកម្ម​ស្បែក​ត្រូវ​បាន​​វាយ​តម្លៃ​ក្រោម​ការ​ត្រួត​ពិនិត្យ​ពី​គ្រូពេទ្យ​ជំនាញរោគ​សើស្បែក ដើម្បី​វាយតម្លៃអំពីការរមាស់ស្បែកបឋម​នៅ​រយៈពេល ១៥ នាទី ១ ម៉ោង និង ២៤ ម៉ោង​បន្ទាប់​ពី​បកបន្ទះតេស្ត​ចេញ។ ប្រតិកម្មស្បែកត្រូវបានវាយតម្លៃលើមាត្រដ្ឋានពី ០-៤ (ដោយ ០ មិនមានភាពក្រហមស្បែក ការហើម ឬការរមាស់ស្បែកប្រភេទផ្សេងទៀត និង ៤ គឺភាពក្រហមស្បែក និងហើមធ្ងន់ធ្ងរ ដែលបង្ហាញពីលក្ខណៈក្រហមជាំ និងការហើមហួសពីតំបន់ដែលបានលាប)។

លទ្ធផល

ភាពធន់របស់ស្បែកដោយប្រើ ជែល សម្រាប់ស្បែកស្ងួតបាយអូ-អយ™ ត្រូវបានចាត់ទុកថា 'មិនរមាស់'។

ការធ្វើតេស្តដែលមិនបង្កស្នាមអុជខ្មៅ

មជ្ឈមណ្ឌលធ្វើតេស្ត

Complife Italia S.r.l, ប្រទេសអ៊ីតាលី។

វត្ថុបំណង

ដើម្បីវាយតម្លៃលទ្ធភាពនៃស្នាមអុជខ្មៅដោយសារការប្រើ ជែល សម្រាប់ស្បែកស្ងួតបាយអូ-អយ™ ។

សំណាក

អ្នកចូលរួម៖ អ្នកចូលរួមចំនួន ២០ នាក់; ស្ត្រី​ ១៨ នាក់ និង​បុរស​ ២ នាក់​ដែលមានស្បែកងាយកើតមុន។ អាយុអ្នកចូលរួម៖ ១៨–៦៥ ឆ្នាំ។

វិធីសាស្ត្រ

ការសិក្សាដែលបានគ្រប់គ្រង។ ផលិតផលនេះត្រូវបានលាបនៅលើថាសនៃក្រដាសតម្រងបិទនៅតំបន់ខ្នងផ្នែកខាងលើរបស់អ្នកចូលរួម។ បន្ទះតេស្តត្រូវបានទុកចោលរយៈពេលពី ៤៨ ទៅ ៧២ ម៉ោង បានបកចេញ ហើយបិទម្តងទៀត។ បន្ទះតេស្តសរុបចំនួន ១២ ត្រូវបានបិទពីលើរយៈពេល ៤ សប្តាហ៍ជាប់គ្នា។ តំបន់ចំនួនបីត្រូវបានវាយតម្លៃដោយធៀបការគ្រប់គ្រងអវិជ្ជមាន (ទឹកដែលគ្មានជាតិរ៉ែ) ផលិតផលសាកល្បង (ជែល សម្រាប់ស្បែកស្ងួតបាយអូ-អយ™) និងការត្រួតពិនិត្យវិជ្ជមាន (ឡាណូលីន អាល់កុលដែលជាផលិតផលបំបាត់ស្នាមអុជខ្មៅដ៏ល្បី)។ ប្រតិកម្មស្បែកត្រូវបានវាយតម្លៃតាមគ្លីនិកក្រោមការត្រួតពិនិត្យរបស់គ្រូពេទ្យជំនាញរោគសើស្បែករយៈពេល ១៥ នាទីបន្ទាប់ពីបកបន្ទះតេស្តនីមួយៗចេញដើម្បីប្រៀបធៀបវត្តមាននៃស្នាមអុជខ្មៅ មុននិងក្រោយពេលប្រើផលិតផលនីមួយៗ។

លទ្ធផល

ជែល សម្រាប់ស្បែកស្ងួតបាយអូ-អយ™ ត្រូវបានរកឃើញថាជាសារធាតុមិនបង្កស្នាមអុជខ្មៅ។ កន្លែងដែលលាប ជែល សម្រាប់ស្បែកស្ងួតបាយអូ-អយ™ មិនមានភាពខុសប្លែកគ្នាខ្លាំងចំពោះតំបន់គ្រប់គ្រងអវិជ្ជមាននោះទេ។ មុនដែលកើតឡើងដោយការគ្រប់គ្រងវិជ្ជមាន។

ការសិក្សាអំពីការធ្វើឲ្យស្ទះ

មជ្ឈមណ្ឌលធ្វើតេស្ត

Rigano Laboratories, Milan, អ៊ីតាលី។

វត្ថុបំណង

ដើម្បីធ្វើពិសោធន៍កំណត់អំពីការធ្វើឲ្យស្ទះនៃ ជែល សម្រាប់ស្បែកស្ងួតបាយអូ-អយ™ និងសមត្ថភាពរបស់វាក្នុងការជួយស្បែកឱ្យរក្សាសំណើមតាមរយៈការកាត់បន្ថយ TEWL ។

វិធីសាស្ត្រ

បរិមាណទឹកកំណត់ត្រូវបានដាក់នៅក្នុងកាដែលគ្របដោយភ្នាសជ្រាបបានពាក់កណ្ដាលដែលមានឈ្មោះថា Vitro-Skin™ ដែលធ្វើត្រាប់តាមលក្ខណៈផ្ទៃស្បែករបស់មនុស្ស។ ផលិតផលត្រូវបានលាបលើភ្នាសនេះ ហើយអត្រានៃការបាត់បង់ទឹកពីកាត្រូវបានវាស់តាមពេលវេលា។ នេះត្រូវបានប្រៀបធៀបជាមួយនឹងអត្រានៃការបាត់បង់ទឹកពីកាដែលមានការគ្រប់គ្រងដោយមិនមានផលិតផលណាមួយនៅលើភ្នាស។

លទ្ធផល

វិធីសាស្រ្តតេស្តអត្រាបញ្ជូនចំហាយទឹក (WVTR) គឺជាតេស្តស្តង់ដារសម្រាប់វាស់វែងការធ្វើឲ្យស្ទះរបស់ផលិតផល។ ការថយចុះនូវតម្លៃ WVTR បង្ហាញថាការបង្កើតរូបមន្តជាក់លាក់មួយគឺធ្វើឲ្យស្ទះ។ ជែល សម្រាប់ស្បែកស្ងួតបាយអូ-អយ™ ត្រូវបានបង្ហាញថាកាត់បន្ថយតម្លៃ WVTR ដោយប្រៀបធៀបតាមស្ថិតិទៅនឹងការគ្រប់គ្រងដែលមិនបានព្យាបាលនៅពេលលាបលើភ្នាស Vitro-Skin™។ លទ្ធផលតាមបែបសិប្បនិម្មិតនេះបង្ហាញថា ជែល សម្រាប់ស្បែកស្ងួតបាយអូ-អយ™ នឹងជួយឱ្យស្បែករក្សាសំណើមនៅក្នុងការពិសោធរួម ហើយដោយហេតុនេះជួយកាត់បន្ថយសញ្ញា និងរោគសញ្ញានៃស្បែកស្ងួត។

ការប្រើប្រាស់

របៀបប្រើប្រាស់

លាបជែលស្បែកស្ងួត ជែល សម្រាប់ស្បែកស្ងួតបាយអូ-អយ™ ក្នុងបរិមាណតិចតួចលើស្បែកស្ងួតតាមចាំបាច់។ ក្នុងករណីស្បែកនៅតែស្ងួតទៀត យកល្អគួរលាបវាពីរដងក្នុងមួយថ្ងៃ នៅពេលព្រឹក និងពេលយប់។ ផលិតផលនេះត្រូវបានផ្សំឡើងជាពិសេសសម្រាប់រាងកាយ ប៉ុន្តែវាក៏អាចត្រូវបានប្រើនៅលើមុខផងដែរ។ គេប្រើ ជែល សម្រាប់ស្បែកស្ងួតបាយអូ-អយ™ សម្រាប់ជាគ្រឿងសម្អាងលាបផ្ទាល់ប៉ុណ្ណោះ។ មិនគួរលាបវានៅលើមុខរបួសដែលមិនទាន់សះ ឬស្បែកដាច់រលាត់ឡើយ។ ប្រយ័ត្នកុំឲ្យប៉ះភ្នែក។ ប្រសិនបើចូលភ្នែកដោយចៃដន្យ ចូរប្រើទឹកលាងសម្អាតជាបន្ទាន់។ សូមរក្សារទុកឲ្យផុតពីដៃក្មេង។

រយៈពេលប្រើប្រាស់

ការសាកល្បងព្យាបាលដោយប្រើ ជែល សម្រាប់ស្បែកស្ងួតបាយអូ-អយ™ ត្រូវបានធ្វើឡើងក្នុងរយៈពេល ៤ សប្តាហ៍ ដោយទុកឱ្យគេវាយតម្លៃអំពីប្រសិទ្ធផលនៃផលិតផលនេះតាមពេលវេលា។ ការវិភាគតាមស្ថិតិបង្ហាញពីការរីកចម្រើនគួរឱ្យកត់សម្គាល់អំពីលក្ខណៈរបស់ស្បែកបន្ទាប់ពីប្រើប្រាស់បាន ២៤ ម៉ោង ហើយបង្ហាញថាការរីកចម្រើននេះត្រូវបានរក្សាទុកសម្រាប់រយៈពេលនៃការសាកល្បង។ ប៉ុន្តែ ជែល សម្រាប់ស្បែកស្ងួតបាយអូ-អយ™ អាចត្រូវបានប្រើប្រាស់ជាប់ជាប្រចាំសម្រាប់លក្ខណៈផ្តល់សំណើម និងចិញ្ចឹមស្បែក ដែលធ្វើឱ្យវាក្លាយជាផ្នែកមួយនៃទម្លាប់ថែរក្សាស្បែកប្រចាំថ្ងៃ។

ប្រើប្រាស់ស្របជាមួយទម្លាប់ថែរក្សាស្បែក

ដើម្បីឲ្យជ្រាបចូលច្រើន គេគួរតែលាបប្រេង ជែល សម្រាប់ស្បែកស្ងួតបាយអូ-អយ™ លើស្បែកដែលបានលាងសម្អាតរួច។ ប្រសិនបើលាបឡេការពារកម្ដៅថ្ងៃ ឬក្រែមផ្សេងទៀត ចូរលាបតែនៅពេលដែល ជែល សម្រាប់ស្បែកស្ងួតបាយអូ-អយ™ ត្រូវបានជ្រាបចូលទៅក្នុងស្បែកអស់ប៉ុណ្ណោះ។ សម្រាប់ការលាបពាសពេញដងខ្លួន ចូរលាប ជែល សម្រាប់ស្បែកស្ងួតបាយអូ-អយ™ បន្ទាប់ពីងូតទឹករួច។

ប្រើ​ប្រាស់អំឡុងពេលមានផ្ទៃពោះ៖

ជែល សម្រាប់ស្បែកស្ងួតបាយអូ-អយ™ មានសុវត្ថិភាពសម្រាប់ប្រើប្រាស់នៅអំឡុងពេលមានផ្ទៃពោះ។

វីតាមីន A និងផ្ទៃពោះ

ជាធម្មតា យកល្អស្ត្រីគួរតែកំណត់អាហារបំប៉នដែលមានផ្ទុកវីតាមីន A អំឡុងពេលមានផ្ទៃពោះ ដូច្នេះហើយអាចមានការព្រួយបារម្ភអំពីការប្រើប្រាស់ផលិតផលថែរក្សាស្បែកដែលមានផ្ទុកវីតាមីន A។ សារធាតុទាំងឡាយណាដែលលាបលើស្បែកគឺមានគ្រោះថ្នាក់តែប្រសិនបើសារធាតុនោះមានលើសពីកម្រិតកំណត់ជាតិពុលរបស់វា។ ដោយសារតែស្បែកជារបាំងយ៉ាងសំខាន់សម្រាប់ការពារការជ្រាបចូល នោះមានតែវីតាមីន A ដែលលាបលើស្បែកមួយភាគប៉ុណ្ណោះដែលចូលទៅក្នុងខ្លួន។ គណៈកម្មាធិការវិទ្យាសាស្ត្ររបស់គណៈកម្មការអឺរ៉ុបស្តីពីសុវត្ថិភាពអ្នកប្រើប្រាស់ (SCCS) បានវាយតម្លៃអំពីវីតាមីន A និងអេស្ទែររបស់វា នៅពេលប្រើប្រាស់ជាធាតុផ្សំគ្រឿងសម្អាង។ មតិរបស់ SCCS គឺថាការប្រើប្រាស់វីតាមីន A នៅក្នុងឡេលាបខ្លួន ដែលមានកំហាប់អតិបរមារហូតដល់ ០.០៥% នៃរ៉េទីណុលដែលសមមូលគឺមានសុវត្ថិភាព។ វីតាមីន A ដែលមាននៅក្នុងការបង្កើតរូបមន្ត ជែល សម្រាប់ស្បែកស្ងួតបាយអូ-អយ™ គឺស្ថិតនៅកម្រិតមួយទាបជាងកំហាប់អតិបរមាដែលអាចអនុញ្ញាតនេះឆ្ងាយណាស់សម្រាប់ឡេលាបខ្លួន ហើយអាចប្រើដោយសុវត្ថិភាពពេញមួយអំឡុងពេលមានផ្ទៃពោះ។

ប្រេងរ៉ូសម៉ារី និងផ្ទៃពោះ

ប្រេងរ៉ូសម៉ារីក្នុង​កំហាប់​ខ្ពស់​ត្រូវ​បាន​គេ​រក​ឃើញ​ថា​ជាសារធាតុបង្កើនឈាមរដូវ ដែល​មាន​ន័យ​ថា​វា​មាន​សមត្ថភាព​បង្ក​ឱ្យ​មាន​ការ​មក​រដូវ និង​អាច​បណ្ដាលឲ្យសម្រាល​កូនមុនកំណត់។ នេះ​ជា​មូលហេតុ​ដែលអ្នកជំនាញប្រើក្លិនក្រអូប និងអ្នកជំនាញថ្នាំបុរាណដែលប្រើប្រេងរ៉ូសម៉ារីក្នុង​កំហាប់​ខ្ពស់ ហាមមិន​ឲ្យ​ប្រើ​វា​អំឡុងពេល​មាន​ផ្ទៃពោះ។ ប៉ុន្តែកំហាប់ប្រេងរ៉ូសម៉ារីនៅក្នុង ជែល សម្រាប់ស្បែកស្ងួតបាយអូ-អយ™ មានកម្រិតទាបខ្លាំងណាស់ ដូច្នេះហើយវាមានសុវត្ថិភាពក្នុងការប្រើប្រាស់អំឡុងពេលមានផ្ទៃពោះ។

ប្រើប្រាស់ពេលកំពុងបំបៅដោះកូន

ជែល សម្រាប់ស្បែកស្ងួតបាយអូ-អយ™ មានសុវត្ថភាពសម្រាប់ប្រើប្រាស់ក្នុងពេលបំបៅដោះកូន ប៉ុន្តែហាមលាបវានៅលើក្បាលដោះ។ ទោះបីហាក់ដូចជាមិនមានផលប៉ះពាល់ក៏ដោយ ក៏ទារកតូចៗឆាប់មានប្រតិកម្មណាស់ និងមិនគួរលេប ជែល សម្រាប់ស្បែកស្ងួតបាយអូ-អយ™ ចូលក្នុងខ្លួនឡើយ។

ប្រើប្រាស់លើទារកនិងកុមារ

ការប្រើប្រាស់ ជែល សម្រាប់ស្បែកស្ងួតបាយអូ-អយ™ លើកុមារក្រោមអាយុ ៣ ឆ្នាំមិនត្រូវបានគេវាយតម្លៃពីសុវត្ថិភាពនៅឡើយទេ។ បន្ទាប់ពីកើតបានពីរបីឆ្នាំដំបូង រាងកាយរបស់មនុស្សមានការប្រែប្រួលច្រើនដូចជាការអភិវឌ្ឍប្រព័ន្ធភាពស៊ាំជាដើម។ ដូច្នេះយកល្អគួរតែប្រើប្រាស់វាលើកុមារដែលមានអាយុចាប់ពី ៣ ឆ្នាំឡើងទៅប៉ុណ្ណោះ។

ប្រើប្រាស់ក្រោមកម្ដៅថ្ងៃ

ការសាកល្បងប្រើប្រាស់ ជែល សម្រាប់ស្បែកស្ងួតបាយអូ-អយ™ បង្ហាញថាផលិតផលនេះមិនបង្កលទ្ធភាព ឬបង្កើនការរលាកដោយកម្ដៅថ្ងៃឡើយ។ ដូច្នេះវាមានសុវត្ថិភាពក្នុងការប្រើប្រាស់នៅក្រោមពន្លឺថ្ងៃ ប៉ុន្តែផលិតផលនេះមិនផ្តល់ការការពារប្រឆាំងនឹងផលប៉ះពាល់ដែលគ្រោះថ្នាក់ដោយសារកាំរស្មី UVA និង UVB នៃពន្លឺព្រះអាទិត្យឡើយ ហើយដូច្នេះជាការសំខាន់ត្រូវប្រើប្រាស់វាឲ្យស្របជាមួយនឹងផលិតផលការពារពន្លឺថ្ងៃទូលំទូលាយជាមួយនឹងកត្តាការពារកម្តៅថ្ងៃ ( SPF) យ៉ាងតិច ៣០ ។

ប្រើនៅលើ ឬជិតភ្នាសរំអិល

ជែល សម្រាប់ស្បែកស្ងួតបាយអូ-អយ™ ត្រូវបានចាត់ថ្នាក់ថាមានសុវត្ថិភាពសម្រាប់ការប្រើប្រាស់ទាំងអស់ ប៉ុន្តែសុវត្ថិភាពរបស់វាមិនត្រូវបានធ្វើតេស្តសមើលចំពោះការប៉ះពាល់ជាមួយភ្នាសរំអិលឡើយ ពីព្រោះនេះមិនមែនជាការប្រើប្រាស់ផលិតផលដែលអាចព្យាករបានដោយសមហេតុផលឡើយ។

ប្រើបាស់ស្របជាមួយការព្យាបាលដោយវិទ្យុសកម្ម ឬការព្យាបាលដោយប្រើគីមី

ជែល សម្រាប់ស្បែកស្ងួតបាយអូ-អយ™ គឺជាផលិតផលគ្រឿងសម្អាង។ អ្នកដែលកំពុងព្យាបាលដោយវិទ្យុសកម្ម ឬដោយគីមីគួរតែស្វែងរកការណែនាំពីអ្នកប្រកបវិជ្ជាជីវៈខាងវេជ្ជសាស្រ្តមុននឹងប្រើប្រាស់ផលិតផលនេះ។

ប្រើប្រាស់ជាមួយផលិតផលឱសថ

ជែល សម្រាប់ស្បែកស្ងួតបាយអូ-អយ™ គឺជាផលិតផលគ្រឿងសម្អាង។ សម្រាប់ដំបូន្មានស្ដីពីការប្រើប្រាស់ផលិតផលនេះទន្ទឹមគ្នាជាមួយផលិតផលឱសថ យកល្អបំផុតគេត្រូវពិគ្រោះជាមួយអ្នកប្រកបវិជ្ជាជីវៈខាងវេជ្ជសាស្រ្ត។

ប្រើលើស្បែកងាយរងប្រតិកម្ម

ជែល សម្រាប់ស្បែកស្ងួតបាយអូ-អយ™ អាចប្រើបានលើស្បែកងាយរងប្រតិកម្ម។ នៅក្នុងការសិក្សាអំពីការរមាស់ស្បែកដែលធ្វើឡើងលើអ្នកចូលរួមចំនួន ៣០ នាក់ដែលមានអាយុពី ១៨ ដល់ ៧០ ឆ្នាំដែលមានស្បែកងាយរងប្រតិកម្ម មិនមានអ្នកចូលរួមណាម្នាក់ជួបប្រទះនូវប្រតិកម្មមិនល្អចំពោះ ជែល សម្រាប់ស្បែកស្ងួតបាយអូ-អយ™ នេះទេ។

ប្រើលើស្បែកដែលមានជាតិខ្លាញ់

ជែល សម្រាប់ស្បែកស្ងួតបាយអូ-អយ™ អាចប្រើបានលើស្បែកដែលមានជាតិខ្លាញ់។ នៅក្នុងការសាកល្បងដែលធ្វើឡើងលើអ្នកចូលរួមចំនួន ២០ នាក់ដែលមានអាយុពី ១៨ ដល់ ៦៥ ឆ្នាំដែលមានស្បែកងាយកើតមុន ជែល សម្រាប់ស្បែកស្ងួតបាយអូ-អយ™ ត្រូវបានគេរកឃើញថាមិនបង្កស្នាមអុជខ្មៅឡើយ។

ប្រើលើស្បែកដែលងាយកើតមុន

ជែល សម្រាប់ស្បែកស្ងួតបាយអូ-អយ™ អាចប្រើបានលើស្បែកដែលងាយកើតមុន។ នៅក្នុងការសាកល្បងដែលធ្វើឡើងលើអ្នកចូលរួមចំនួន ២០ នាក់ដែលមានអាយុពី ១៨ ដល់ ៦៥ ឆ្នាំដែលមានស្បែកងាយកើតមុន ជែល សម្រាប់ស្បែកស្ងួតបាយអូ-អយ™ ត្រូវបានគេរកឃើញថាមិនបង្កស្នាមអុជខ្មៅឡើយ។ យកល្អអ្នកដែលមានបញ្ហាមុន ត្រូវស្វែងរកការណែនាំពីអ្នកប្រកបវិជ្ជាជីវៈខាងវេជ្ជសាស្រ្តមុននឹងប្រើប្រាស់ ជែល សម្រាប់ស្បែកស្ងួតបាយអូ-អយ™ ។

រោគសញ្ញានិងមូលហេតុនៃស្បែកស្ងួត

រោគសញ្ញា

រោគ​សញ្ញា​ស្បែក​ស្ងួត​រួម​មាន ស្បែក​ស្រអាប់ និងបែកស្រកា សរសៃឆ្មារៗ ស្បែក​ពណ៌​ប្រផេះ ឬ​ពណ៌ផេះ និង​អារម្មណ៍​មិនស្រួល និង​តានតឹង។

មូលហេតុ

ស្បែកស្ងួតគឺបណ្តាលមកពីកត្តាខាងក្រៅ និងខាងក្នុង។ កត្តាខាងក្រៅ៖ អាកាសធាតុស្ងួតបណ្តាលឱ្យសំណើមហួតចេញពីខាងក្នុងស្បែកតាមរយៈស្រទាប់ខ្លាញ់ និងចូលទៅក្នុងខ្យល់ស្ងួតខាងក្រៅ។ ម៉ាស៊ីនត្រជាក់ និងម៉ាស៊ីនកម្តៅបឺតសំណើមចេញពីខ្យល់ ដោយបង្កើតបរិយាកាសស្ងួតបែបសិប្បនិម្មិត ដែលបឺតសំណើមចេញពីស្បែក។ ការបោកគក់រាល់ថ្ងៃ និងការប៉ះពាល់នឹងម្សៅសាប៊ូខ្លាំងធ្វើឱ្យស្រទាប់ខ្លាញ់នៃស្បែកត្រូវបានញែកចេញពីគ្នា ដែលធ្វើឱ្យសំណើមកាន់តែងាយហួតចេញពីស្បែក។ កត្តាខាងក្នុង៖ នៅពេលដែលរាងកាយកាន់តែចាស់ ស្បែកផលិតជាតិខ្លាញ់កាន់តែតិចជាងមុន ដែលបណ្តាលឱ្យស្រទាប់ខ្លាញ់ស្តើង និងធ្វើឱ្យសំណើមកាន់តែងាយជ្រាបចេញ។ ហ្សែនអាចពាក់ព័ន្ធនឹងការវិវត្តនៃស្បែកស្ងួតដោយសារតែកម្រិតជាតិសេរ៉ាមីដទាបដែលកើតឡើងតាមធម្មជាតិនៅក្នុងស្រទាប់ខ្លាញ់។ ប្រការនេះបណ្ដាលឲ្យធ្លាក់ចុះនូវសន្ទះនៃភ្នាសការពារស្បែក ដែលរួមចំណែកដល់ការបាត់បង់សំណើមលើសពីកម្រិតធម្មតា។ pH របស់ស្បែកមានឥទ្ធិពលលើមុខងារបង្អាក់។ កម្រិត pH ខ្ពស់នៅក្នុងស្បែកធ្វើឱ្យខូចមុខងារនៃស្រទាប់ខ្លាញ់ដែលមានសុខភាពល្អ។

រង្វាយតម្លៃសុវត្ថិភាព

ជែល សម្រាប់ស្បែកស្ងួតបាយអូ-អយ™ បានឆ្លងកាត់រង្វាយតម្លៃសុវត្ថិភាពពីអ្នកឯកទេសជាតិពុលដែលមានលក្ខណៈសម្បត្តិគ្រប់គ្រាន់ ហើយត្រូវបានចាត់ថ្នាក់ថាមានសុវត្ថិភាពសម្រាប់ការប្រើប្រាស់ដោយមនុស្សពេញវ័យដូចជាស្ត្រីមានផ្ទៃពោះ និងបំបៅកូនដោយទឹកដោះ និងកុមារអាយុលើសពី ៣ ឆ្នាំ។

ប្រតិកម្មមិនល្អ

ចំណែកឯ ជែល សម្រាប់ស្បែកស្ងួតបាយអូ-អយ™ មានប្រូហ្វាយពលភាពប្រកបដោយសុវត្ថិភាព និងបំពេញតាមបទប្បញ្ញត្តិអន្តរជាតិស្ដីពីសុវត្ថិភាព ជាមួយផលិតផលគ្រឿងសម្អាងទាំងអស់ មានហានិភ័យដែលអ្នកប្រើប្រាស់ ជែល សម្រាប់ស្បែកស្ងួតបាយអូ-អយ™ អាចជួបប្រទះនូវប្រតិកម្មមិនល្អនៅពេលប្រើប្រាស់ផលិតផលនេះ។ ប្រសិនបើមានប្រតិកម្មមិនល្អកើតឡើង គួរតែឈប់ប្រើប្រាស់ផលិតផលនេះជាបន្ទាន់។ រោគសញ្ញានៃប្រតិកម្មមិនល្អលើស្បែកអាចរួមមាន កន្ទួល ហើម និងរលាក ដែលជាធម្មតាវាកើតឡើងនៅត្រង់តំបន់ដែលលាបផលិតផលនេះ។ ប្រតិកម្ម​ទាំងនេះ​អាច​មានដូចជា​រមាស់ និង​មិន​ស្រួលខ្លួន​បន្តិច​បន្តួច។ ក្នុងករណីភាគច្រើន ប្រតិកម្មមិនល្អនឹងថយចុះក្នុងរយៈពេលពីរទៅបីថ្ងៃបន្ទាប់ពីឈប់ប្រើប្រាស់ផលិតផលនេះ។ ស្បែកអាចមើលទៅស្ងួត និងបែកស្រកា នៅពេលដែលប្រតិកម្មថយចុះ រហូតទាល់តែវាត្រឡប់ទៅកាន់សភាពដើមវិញ ។ ប្រសិនបើមានកង្វល់អំពីការឆ្លើយតបចំពោះអាឡែស៊ីដែលអាចកើតមានដោយសារការប្រើប្រាស់ ជែល សម្រាប់ស្បែកស្ងួតបាយអូ-អយ™ យកល្អគួរធ្វើតេស្តមើលអាឡែស៊ីតាមបែបសាមញ្ញ។ តេស្តនេះធ្វើឡើងដោយលាបលផិតផលនេះក្នុងបរិមាណបន្តិចបន្តួចលើកំភួនដៃខាងក្នុង ហើយរង់ចាំរយៈពេល ២៤ ម៉ោង ដើម្បីមើលថាតើមានប្រតិកម្មណាមួយកើតឡើងដែរឬទេ។ ការឡើងក្រហមនៃស្បែក (ភាពក្រហមលើស្បែក) ឬការហើមស្បែកបន្តិចបន្តួច (ហើម) អាចបង្ហាញនូវលទ្ធភាពនៃការឆ្លើយតបចំពោះអាឡែស៊ី។

សារធាតុដែលធ្វើឲ្យអាឡែស៊ី

សារធាតុដែលធ្វើឲ្យអាឡែស៊ីភាគច្រើនទាំងនេះឃើញមាននៅក្នុងប្រេងរុក្ខជាតិ និងក្លិនក្រអូប។ សារធាតុទាំងនោះគឺ៖ Farnesol, Limonene និង Linalool ។

ការលេបចូលដោយចៃដន្យ

នៅពេលលេប ជែល សម្រាប់ស្បែកស្ងួតបាយអូ-អយ™ ចូលដោយចៃដន្យ វាទំនងជាមិនមានផលប៉ះពាល់អវិជ្ជមានណាមួយក្រៅពីអារម្មណ៍ចង់ក្អួត និងរាគទេ ពីព្រោះ ជែល សម្រាប់ស្បែកស្ងួតបាយអូ-អយ™ មិនមានជាតិពុលឡើយ។ ប៉ុន្តែយកល្អគួរស្វែងរកការណែនាំពីគ្រូពេទ្យ ជាពិសេសក្នុងករណីដែលទារក ឬកុមារបានលេបចូលដោយចៃដន្យ។

រយៈពេលបន្ទាប់ពីបើក (PAO)

ជែល សម្រាប់ស្បែកស្ងួតបាយអូ-អយ™ មាន PAO រយៈពេល ១២ ខែ។ នេះ​ជា​រយៈពេល​ក្រោយ​ពេល​បើក​ដែល​ផលិតផល​មាន​សុវត្ថិភាព និង​អាច​ប្រើប្រាស់​បាន​ដោយ​មិន​ប៉ះពាល់​ដល់​អ្នកប្រើប្រាស់។

ការផលិត

ការផលិតឡេលាបខ្លួន ជែល សម្រាប់ស្បែកស្ងួតបាយអូ-អយ™ អនុលោមតាមលក្ខខណ្ឌតម្រូវអនុវតន៍្តផលិតកម្មល្អ (GMP) នៃ ISO ២២៧១៦: ២០០៧ សម្រាប់ផលិតផលគ្រឿងសម្អាង។ វត្ថុធាតុដើមទាំងអស់ដែលប្រើក្នុងការផលិត ជែល សម្រាប់ស្បែកស្ងួតបាយអូ-អយ™ សុទ្ធតែមានវិញ្ញាបនបត្រវិភាគ (COA) ហើយសម្ភារៈវេចខ្ចប់ទាំងអស់សុទ្ធតែមានវិញ្ញាបនបត្រអនុលោមភាព (COC) ។ ទាល់តែបានជាប់ការធ្វើតេស្តគ្រប់គ្រងគុណភាពសិន ទើបវត្ថុធាតុដើម ឬសម្ភារៈវេចខ្ចប់ត្រូវបានអនុញ្ញាតឲ្យផលិត។ រាល់កញ្ចប់ ជែល សម្រាប់ស្បែកស្ងួតបាយអូ-អយ™ ដែលលាយបញ្ចូលគ្នាត្រូវបានបែងចែកនូវលេខបាច់ពិសេស។ សំណាកមួយដែលយកចេញពីបាច់ត្រូវបានធ្វើតេស្តដោយមន្ទីរពិសោធន៍សម្រាប់លក្ខណៈ ពណ៌សម្បុរ ក្លិន ការកំណត់អត្តសញ្ញាណដោយការវាស់បាច់ពន្លឺ ដង់ស៊ីតេ ភាពស្អិតខាប់ និងអតិសុខុមសាស្រ្ត។ សំណាកត្រូវបានរក្សាទុករយៈពេល ៤ ឆ្នាំ។ ការចាក់បំពេញ និងការវេចខ្ចប់ ជែល សម្រាប់ស្បែកស្ងួតបាយអូ-អយ™ គឺធ្វើឡើងនៅក្នុងកន្លែងដែលមានការគ្រប់គ្រងសីតុណ្ហភាព និងសំណើម។ ខ្យល់ឆ្លងកាត់ប្រព័ន្ធចម្រោះខ្យល់ភាគល្អិតដែលមានប្រសិទ្ធភាពខ្ពស់ (HEPA) ដើម្បីការពារការធ្វើឲ្យកខ្វក់ដោយធូលី។ បុគ្គលិកដែលធ្វើការលើខ្សែសង្វាក់ផលិតកម្មត្រូវពាក់មួក ម៉ាស់មុខ របាំងមុខ ស្រោមដៃ អាវធំ និងស្រោមស្បែកជើង។ សំណាកត្រូវបានយកចេញពីខ្សែសង្វាក់នៅចន្លោះពេលទៀងទាត់ ដើម្បីធ្វើការត្រួតពិនិត្យដោយផ្នែកត្រួតពិនិត្យគុណភាពដើម្បីបង្ការវិការៈខុសប្រក្រតី។ លេខបាច់ត្រូវបានបោះពុម្ពនៅលើក្លង ប្រអប់កាតុង និងអ្នកដឹកជញ្ជូន ហើយសំណាករក្សាទុកពីក្រុមផលិតនីមួយៗត្រូវបានរក្សាទុករយៈពេល ៤ ឆ្នាំ។

ការណែនាំអំពីការរក្សាទុក

ឡេលាបខ្លួន ជែល សម្រាប់ស្បែកស្ងួតបាយអូ-អយ™ គួរតែរក្សាទុកក្នុងកន្លែងត្រជាក់ មិនឲ្យប៉ះចំពន្លឺថ្ងៃផ្ទាល់ឡើយ។

ការកែច្នៃឡើងវិញ

ការវេចខ្ចប់ ជែល សម្រាប់ស្បែកស្ងួតបាយអូ-អយ™ ទាំងអស់ (បំពង់ គម្រប ស្លាក និងប្រអប់កាតុង) គឺអាចកែច្នៃឡើងវិញបាន។

វិញ្ញាបនបត្រ

ជែល សម្រាប់ស្បែកស្ងួតបាយអូ-អយ™ ត្រូវបានបញ្ជាក់ថាជា Halaal និង Kosher ។

ហាមសាកល្បងលើសត្វ

ជែល សម្រាប់ស្បែកស្ងួតបាយអូ-អយ™ និងវត្ថុធាតុដើមជាគ្រឿងផ្សំរបស់វាត្រូវបានផលិតឡើងដោយអនុលោមតាមបទប្បញ្ញត្តិរបស់សហភាពអឺរ៉ុបស្ដីពីការធ្វើតេស្តលើសត្វសម្រាប់គោលបំណងផលិតគ្រឿងសម្អាង។ ទាំង ជែល សម្រាប់ស្បែកស្ងួតបាយអូ-អយ™ ឬក៏គ្រឿងផ្សំណាមួយរបស់វាមិនត្រូវបានធ្វើតេស្តលើសត្វដោយ បាយអូ-អយ™ ឬអ្នកផ្គត់ផ្គង់វត្ថុធាតុដើមរបស់វាណាមួយឡើយ។

មិនមែនបន្លែ

ជែល សម្រាប់ស្បែកស្ងួតបាយអូ-អយ™ មានផ្ទុកសារធាតុឡាណូលីនដែលជាក្រមួនចម្រាញ់ចេញពីរោមចៀម។ ដូចនេះ ជែល សម្រាប់ស្បែកស្ងួតបាយអូ-អយ™ មិនមែនជាបន្លែទេ។

ផ្លាស់ប្តូររូបរាង

មានលក្ខខណ្ឌចំនួនពីរដែលលក្ខណៈរបស់ ជែល សម្រាប់ស្បែកស្ងួតបាយអូ-អយ™ អាចមានការប្រែប្រួល។ លក្ខខណ្ឌទីមួយកើតឡើងនៅពេលដែលជែលទទួលរងសីតុណ្ហភាពខ្ពស់ឬទាបខ្លាំងក្នុងរយៈពេលយូរ។ សីតុណ្ហភាពកើនឡើងខ្លាំងធ្វើឱ្យផ្ទៃរបស់ជែលខ្សោះជាតិទឹក ការណ៍នេះកើតឡើងនៅពេលបើកចំហរកំប៉ុងចោល។ ផ្ទុយទៅវិញ សីតុណ្ហភាពទាបខ្លាំងអាចបណ្តាលឱ្យកក។ ករណីទាំងពីរនេះអាចធ្វើឱ្យជែលមានសភាពពណ៌ស។ លក្ខខណ្ឌទីពីរកើតឡើងនៅពេលមានទឹក ឬវត្ថុរាវផ្សេងទៀតចូលក្នុងកំប៉ុងនៅអំឡុងពេលប្រើប្រាស់។ អង្គធាតុរាវនឹងមានអន្តរកម្មជាមួយសារធាតុអេមូលស្យុងក្នុងការបង្កើតរូបមន្ត ហើយចាប់ផ្តើមដំណើរការអេមូលស្យុងកម្មដែលបណ្តាលឱ្យជែលប្រែជាពណ៌ស និងមានការប្រែប្រួលជាប្រចាំ។

ការវេចខ្ចប់