Bio‑Oil® / Bi-Oil® / Bioil®

კომპანია Bio‑Oil იკვლევს და ავითარებს კანის მოვლის სპეციალურ საშუალებებს ზეთის გამოყენებით, პროდუქტის მაღალი ხარისხის მისაღწევად. ბრენდი ცნობილია, როგორც Bio‑Oil® ყველა ქვეყანაში, ავსტრიის, ჩეხეთის რესპუბლიკის, საფრანგეთის, გერმანიის, სლოვაკეთისა და შვეიცარიის გარდა, სადაც პროდუქტს იცნობენ, როგორც Bi-Oil®, ხოლო იაპონიაში ბრენდის სახელია Bioil®.

კომპანიის შესახებ

1987 წელს კომპანიამ Bio‑Oil პირველმა დანერგა ზეთის გამოყენება ნაწიბურებისა და სტრიების შემცირების მიზნით. იმ დროისათვის თაროებზე წარმოდგენილი თითქმის ყველა პროდუქტი იყო კრემი ან ლოსიონი, ამიტომ ბიო-ზეთმა დიდი სკეპტიციზმი გამოიწვია. დღეს ეს პროდუქტი ლიდერია მსოფლიოში, როგორც ნაწიბურებისა და სტრიების საწინააღმდეგო საშუალება. 2010 წელს კომპანიამ Bio‑Oil დააარსა მაღალპროფილური ლაბორატორია, რომელიც იკვლევს, თუ როგორ შეიძლება იქნეს გამოყენებული ზეთი კანის სხვა პრობლემების მოსაგვარებლად. 2018 წელს კომპანიამ გამოუშვა ზეთზე დამზადებული, მშრალი კანის სამკურნალო პრეპარატი. 2020 წლის მესამე კვარტალში Bio‑Oil გამოუშვებს ნაწიბურებისა და სტრიების საწინააღმდეგო თავდაპირველი პროდუქტის ნატურალურ ვერსიას. ლაბორატორიის მიერ ბოლო ათწლეულის განმავლობაში დამუშავებული პროდუქტების დიდი ნაწილის წარმოება დაიწყება 2021 წელს. Bio‑Oil კონცენტრირებულია მხოლოდ კვლევასა და განვითარებაზე, ხოლო მისი პროდუქციის რეალიზაცია და გავრცელება ლიცენზირებულია კანის მოვლის მსოფლიოს წამყვან კომპანიებზე. Bio‑Oil პროდუქციის შესახებ ინფორმაციისთვის შეგიძლიათ მიმართოთ ადგილობრივ აფთიაქებს. Bio‑Oil კვლევის ინტერესები დეტალურად არის აღწერილი ქვევით.

ნაწიბურები და სტრიები

ზეთს აქვს კანის გაუმჯობესების არაჩვეულებრივი უნარი. სრულყოფილი ინფორმაცია იმის შესახებ, თუ რატომ და როგორ, ჯერჯერობით არ არსებობს, ვინაიდან ზეთის სარგებელი ცნობილია მხოლოდ ფოლკლორიდან. კომპანიის Bio‑Oil® Skincare Oil ერთ-ერთი პირველი პროდუქტი იყო, რომელიც წარდგენილ იქნა კლინიკური კვლევებისთვის იმის დასამტკიცებლად, რომ მას შეუძლია სტრიებისა და ნაწიბურების შემცირება. ამ კვლევების წარმატებით განხორცილებამ ბიძგი მისცა ექიმებისა და ფარმაცევტების მიერ ამ პროდუქტისთვის რეკომენდაციის გაწევას მთელ მსოფლიოში. დღეს Bio‑Oil® Skincare Oil ლიდერია მსოფლიოში ნაწიბურებისა და სტრიების საწინააღმდეგო პროდუქტებს შორის და მას მინიჭებული აქვს 400-ზე მეტი ჯილდო კანის მოვლის სფეროში.

ნაწიბურები და სტრიები (ბუნებრივი შემადგენლობა)

კომპანიამ Bio‑Oil დაამუშავა სტრიებისა და ნაწიბურების საწინააღმდეგო მისი თავდაპირველი საშუალების 100%-ით ნატურალური ვარიანტი. პროდუქტი ანალოგიურად ეფექტურად მოქმედებს კლინიკურ ცდებში, რაც პირველი შემთხვევაა, როდესაც მტკიცდება, რომ ბუნებრივი პროდუქტი ისევე მოქმედებს, როგორც ამ კატეგორიის ლიდერი პროდუქტი. Bio‑Oil® Skincare Oil (Natural) იწყებს დანერგვას გლობალური მასშტაბით დაახლოებით 2020 წლის მე-3 კვარტალში.

მშრალი კანი

თუ ზეთსა და წყალს ჭიქაში ჩაასხამთ, ზეთი ზევიდან მოექცევა და შეაჩერებს წყლის აორთქლებას. ანალოგიურად, კანი შიგნით აკავებს საკუთარ ტენს, წარმოქმნის რა უხილავ ზეთოვან ფენას ზედაპირზე. საუკეთესო საშუალება, რომ დავეხმაროთ კანს ტენის შენარჩუნებაში, არის ასეთი ზეთოვანი ფენის უზრუნველყოფა. კანის სიმშრალის საწინააღმდეგო ტრადიციული პროდუქტები (კრემები, ლოსიონები და საცხები) შეიცავს საშუალოდ 20% ზეთს, ცვილს ან კარაქს ამ მიზნისათვის. Bio‑Oil® Dry Skin Gel შეიცავს ამ ნივთიერებების 84%-ს. გამოშვებიდან 18 თვეში Bio‑Oil® Dry Skin Gel-მა მოიპოვა კანის მოვლის წლის პროდუქტის ნომინაცია გაერთიანებულ სამეფოში, საფრანგეთში, იტალიასა და ესპანეთში.

ყოველდღიური დატენიანება

იდეალური ყოველდღიური დამატენიანებლის აბსორბცია უნდა ხდებოდეს მომენტალურად და არ უნდა ტოვებდეს ცხიმოვან ნაკვალევს, რაც იძლევა ტანსაცმლის დაუყოვნებლივ ჩაცმის საშუალებას. ეს ძალიან რთულია ტექნიკური თვალსაზრისით, რადგან დატენიანება მოითხოვს ზეთოვანი ფენის წარმოქმნას კანის ზედაპირზე, მის შიგნით ტენის შესაკავებლად. Bio‑Oil-მა დაამუშავა ზეთის მაღალი შემცველობის დამატენიანებელი კრემი, რომელიც კანზე ტოვებს არა ცხიმოვან ნადებს, არამედ მხოლოდ აბრეშუმისმაგვარ ფენას. Bio‑Oil® Daily Moisturiser პროდუქტის გამოცდის ბოლო ეტაპზეა და მისი წარმოება დაიწყება 2021 წლის 1-ელ კვარტალში.

სხეულის არომატი

არომატი სხეულის მოვლის უმაღლესი ფორმაა. ეს არის ბოლო შტრიხი, ყველაზე არაპრაქტიკული, მაგრამ ყველაზე ძლიერი. Bio‑Oil ახდენს ზეთის ექსტრაქციას ვარდის, ფორთოხლისა და ჟასმინის ყვავილებისგან და მომხმარებელს სთავაზობს პროდუქტს სხეულის სპრეის სახით, რომელიც გამოიყენება როგორც სხეულის მოვლის ბოლო შტრიხი. თავდაპირველად Bio‑Oil კვლევა კონცენტრირებული იყო იმის შესწავლაზე, თუ როგორ უნდა იქნეს გამოყენებული ზეთი კანის პრობლემების მოსაგვარებლად, ახლა კი, პირველად, Bio‑Oil იკვლევს ზეთის ძალას მხოლოდ კანის გაძლიერების მიზნით. სხეულის არომატები ამჟამად ტესტირების სტადიაზეა და მათი გამოშვება დაგეგმილია 2021 წლის მე-2 კვარტალში.

მზისგან დამცავი კრემი ვიტამინებით

კომპანიამ Bio‑Oil დაამუშავა ვიტამინებით გამდიდრებული მზისგან დამცავი საშუალება, რომლის მიზანია კანის დაცვის ბუნებრივი უნარის გაძლიერება მზის სხივების ზემოქმედებისას. Bio‑Oil® Multivitamin SPF50 ტესტირების საწყის სტადიაზეა და მისი წარმოების დაწყება დაგეგმილია 2021 წლის მე-3 კვარტალში.

ფრთხილი დაბანა

საპნები და დაბანის სხვა საშუალებები, რომლებიც შეიცავს აგრესიულ ინგრედიენტებს, აზიანებს კანს, რის შედეგადაც კანი მუდმივად თვითაღდგენის მცდელობაშია. ბევრი ადამიანი ვერ აცნობიერებს, თუ რა ზემოქმედებას ახდენს ეს კანის მდგომარეობაზე. ამიტომ ფრთხილი დაბანა არის პირველი ნაბიჯი კანის გასაუმჯობესებლად, როდესაც მას დაკარგული აქვს ბუნებრივი სიცოცხლისუნარიანობა. კომპანიას Bio‑Oil დამუშავებული აქვს ფრთხილი დაბანის საშუალება, რომელიც ტესტირების საწყის ეტაპზეა. პროდუქტის სახელი ჯერ არ არის განსაზღვრული.

ეს საიტი იყენებს ქუქი-ფაილებს, როგორც აღწერილია კონფიდენციალურობის პრინციპებში. თუ თანახმა ხართ ქუქი-ფაილების გამოყენებაზე, გთხოვთ დააჭიროთ თანხმობას.
თანხმობა
კონფიდენციალურობის პრინციპები

თქვენს მოწყობილობაში ამ ვებგვერდის სწორად წარმოსაჩენად, ჩვენ ვიყენებთ თქვენი ბრაუზერის დეტალებს. მხოლოდ იმ შემთხვევაში, თუ ჩვენს მიერ ქუქი ფაილების გამოყენებას დაეთანხმებით, მონაცემთა პატარა ფაილებს განვათავსებთ თქვენს მოწყობილობაში, რაც საშუალებას მოგვცემს დავიმახსოვროთ თქვენი ადგილმდებარეობა, ქმედებები და სასურველი პარამეტრები თქვენი, როგორც მომხმარებლის, გამოცდილების გაუმჯობესების მიზნით. ზემოთ ხსენებულის გარდა, თქვენს მონაცემებს მესამე მხარეებს არ გავუზიარებთ, კანონით გათვალისწინებული შემთხვევების გარდა.